ஏக்நாத் ஷிண்டே, ஆட்சியில் இருந்து விலகி இருக்க விருப்பம்; எதிர்க்கட்சித் தலைவர் பதவி அளிக்க மஹாயுதி ஆலோசனை

ஏக்நாத் ஷிண்டே, ஆட்சியில் இருந்து விலகி இருக்க விருப்பம்; எதிர்க்கட்சித் தலைவர் பதவி அளிக்க மஹாயுதி ஆலோசனை

மகாராஷ்டிர சட்டப்பேரவைத் தேர்தல் முடிவுகள் வெளியாகி ஒரு வாரத்துக்கு மேலாகியும் மகாராஷ்டிராவின் அடுத்த முதல்வர் யார் என்ற சஸ்பென்ஸ் நீடித்து வரும் நிலையில், எதிர்க்கட்சித் தலைவராக ஏக்நாத் ஷிண்டே பதவியேற்க வேண்டும் என பா.ஜ.க மற்றும் என்.சி. விரும்புவது தற்போது வெளியாகியுள்ளது. அவர் துணை முதல்வர் பதவியை ஏற்க விரும்பவில்லை. ஏக்நாத் ஷிண்டே ஆட்சியில் இருந்து விலகி இருக்க விரும்புவதாக குறிப்பிட்டுள்ளார். இரண்டு மஹாயுதி கூட்டணி கட்சிகளும் தங்களுக்கு இரண்டு உயர் பதவிகள் இருந்தால், அது அரசாங்கத்தின் சுமூகமான செயல்பாட்டை உறுதி செய்யும் மற்றும் போட்டியாளரான மஹா விகாஸ் அகாதி (எம்.வி.ஏ) ஒரு மூலையில் தள்ளப்படும் என்று நினைக்கிறார்கள்.ஆங்கிலத்தில் படிக்க: Eknath Shinde hints he wants to stay out of power, Mahayuti mulls Opposition leader’s post for outgoing CM“நான் இரண்டு நாட்களுக்கு முன்பு ஏக்நாத் ஷிண்டேவுடன் இருந்தேன். மற்ற தலைவர்கள், எம்.எல்.ஏ-க்களும் எங்களுடன் இருந்தனர். அப்போது, ​​ஏக்நாத் ஷிண்டே, ஆட்சியில் இருந்து விலகி செயல்படுவேன் என்று எங்களிடம் கூறினார். எனினும், அவர் ஆட்சியில் இருந்து விலகி இருக்கக் கூடாது என வலியுறுத்தினோம். அரசாங்கத்தில் அங்கம் வகிக்கும்போது அவர் பணியாற்ற வேண்டும்” என்று , ஷிண்டேவுக்கு நெருக்கமானவராக அறியப்படும் புதிதாக தேர்ந்தெடுக்கப்பட்ட எம்.எல்.ஏ பரத் கோகவாலே ஞாயிற்றுக்கிழமை செய்தியாளர்களிடம் கூறினார்.என்.சி.பி செய்தித் தொடர்பாளர் கூறுகையில், ஏக்நாத் ஷிண்டே தனது கட்சி நிர்வாகிகளின் மனநிலையை அறிய முயற்சி செய்திருக்க வேண்டும். ஷிண்டே துணை முதலமைச்சராக வருவதை எதிர்த்தால், எதிர்க்கட்சித் தலைவர் பதவியை ஷிண்டே எடுப்பதற்கான சாத்தியக்கூறுகள் பற்றி அனைத்து மஹாயுதி கூட்டணி கட்சிகளும் விவாதித்து வருகின்றனர். ஷிண்டே எதிர்க்கட்சித் தலைவரானால், எதிர்க்கட்சியான எம்.வி.ஏ-க்கு குரல் கொடுக்க முடியாது என்பது உத்தி. தினசரி விமர்சனங்களை எதிர்கொள்வதை அரசாங்கம் தவிர்க்கும்… தவிர, எதிர்க்கட்சித் தலைவர் பதவி முதலமைச்சருக்கு அடுத்தபடியாக நம்பர் 2 பதவியாகும்” என்று செய்தித் தொடர்பாளர் கூறினார்.“அவர் ஆட்சியில் அங்கம் வகிக்க வேண்டும் என்று பா.ஜ.க விரும்புகிறது. இருப்பினும், தேவேந்திர ஃபட்னாவிஸுக்கு அடுத்து பதவியில் இருக்க அவர் தயாராக இல்லை, ஏனெனில் அவருக்கு அது பதவி இறக்கமாக இருக்கும்” என்று செய்தித் தொடர்பாளர் மேலும் கூறினார்.எம்.வி.ஏ-வில் உள்ள எந்தக் கட்சிக்கும் சட்டமன்றத்தில் எதிர்க்கட்சித் தலைவர் பதவியைக் கோருவதற்குத் தேவையான உறுப்பினர் எண்ணிக்கை இல்லை. இருப்பினும், எதிர்க்கட்சித் தலைவர் பதவியை எம்.வி.ஏ ஒட்டுமொத்தமாக கோர முடியும் என்று காங்கிரஸ் கட்சி கூறியது.“எதிர்க்கட்சித் தலைவர் பதவியைப் பெற ஒரு கட்சிக்கு குறைந்தபட்சம் 29 எம்.எல்.ஏ-க்கள் தேவை. நாங்கள் தேர்தலுக்கு முன் கூட்டணி வைத்திருந்தோம், எனவே, எம்.வி.ஏ பதவிக்கு உரிமை கோரலாம். நாங்கள் பதவிக்கு உரிமை கோருவோம்” என்று காங்கிரஸ் செய்தித் தொடர்பாளர் அதுல் லோந்தே கூறினார்.ஏக்நாத் ஷிண்டே பதவியை ஏற்கும் வாய்ப்பை காங்கிரஸ் நிராகரித்தது.  “அவர்கள் சாத்தியம் பற்றி விவாதிக்கலாம். ஆனால், ஷிண்டே எதிர்க்கட்சித் தலைவராக வருவார் என்று நினைப்பது நியாயமற்றது” என்று லோந்தே கூறினார்.மற்றொரு சிவசேனா எம்.எல்.ஏ குலாப்ராவ் பாட்டீல் கூறுகையில், முதல்வர் பதவி தொடர்பான முடிவு தாமதமாகி வருவதால், அந்தந்த தொகுதிகளில் உள்ள மக்களுடன் தொடர்பு கொள்ளுமாறு ஏக்நாத் ஷிண்டே கேட்டுக் கொண்டுள்ளார். “ஏக்நாத் ஷிண்டே எங்கள் தலைவர். எனவே, அவர் நமக்கு எந்த அறிவுரைகளை வழங்குகிறாரோ, அந்த வழிமுறைகளை நாங்கள் பின்பற்றுகிறோம். ஷிண்டே சாமானியர்களுக்காக உழைத்தவர். அதனால், அவரை மீண்டும் முதலமைச்சராக மக்கள் விரும்புகின்றனர். இருப்பினும், பிரதமர் நரேந்திர மோடி மற்றும் உள்துறை அமைச்சர் அமித்ஷா எந்த முடிவை எடுத்தாலும், அவர்களுக்கு ஆதரவளிப்பேன் என்று ஏக்நாத் ஷிண்டே தெளிவுபடுத்தியுள்ளார்” என்று பாட்டீல் கூறினார்.முன்னாள் எம்.என்.எஸ் எம்.எல்.ஏ ராஜு பாட்டீல் கூறுகையில், “மகாராஷ்டிராவில் என்ன அரசியல் விளையாட்டு ஆடப்பட்டாலும் அது இ.வி.எம் சர்ச்சையில் இருந்து கவனத்தை திசை திருப்பும் முயற்சியாகும். முதலமைச்சருக்கு காய்ச்சல் இருந்தது, அவர் டேர் கிராமத்திற்குச் சென்றார்… கடைசியாக, பா.ஜ.க சொல்வதை அவர் செய்வார்.” என்று கூறினார்.முதல்வர் பதவிக்கு மட்டுமின்றி, ஷிண்டே தலைமையிலான சேனா கட்சியும் உள்துறையை வலியுறுத்தி வருவதாகவும், இதற்கு பா.ஜ.க கடும் எதிர்ப்பு தெரிவித்து வருவதாகவும் வட்டாரங்கள் தெரிவிக்கின்றன.