தனியார் பேருந்தும் இ.பொ.ச பேருந்தும் மோதி விபத்து நால்வர் மருத்துவமனையில் !

தனியார் பேருந்தும் இ.பொ.ச பேருந்தும் மோதி விபத்து நால்வர் மருத்துவமனையில் !

ஹட்டன் – கொழும்பு பிரதான வீதியில் வட்டவளையில் இன்று (25) காலை  இடம்பெற்ற பேருந்து விபத்தில் நான்கு பயணிகள் காயமடைந்துள்ளதாக பொலிஸார் தெரிவித்துள்ளனர்.

ஹட்டனிலிருந்து கண்டி நோக்கி அதிவேகமாக பயணித்த தனியார் பேருந்து ஒன்று எதிர்திசையில் வந்த  இ.போ.ச பேருந்து  மீது மோதியதில் இந்த விபத்து ஏற்பட்டுள்ளது. 

விபத்தின்போது தனியார் பேருந்தின் பின்புறம் இரண்டாகப் பிரிந்துள்ள நிலையில் விபத்தில் நால்வர் காயமடைந்து வட்டவளை மரத்தவமனையில் சேர்க்கப்பட்டுள்ளதாக பொலிஸார் மேலும் தெரிவித்துள்ளனர். 

இந்த விபத்தில் தனியார் பேருந்தின் பின்புறப் பகுதி கடுமையாக சேதமடைந்துள்ளது. இந்த விபத்து தொடர்பில் வட்டவளை பொலிஸார் மேலதிக விசாரணைகளை மேற்கொண்டு வருகின்றனர்.