இந்தியா
டாப் 10 நியூஸ் : அதிமுக பொதுக்குழு கூட்டம் முதல் உருவாகும் காற்றழுத்த தாழ்வு பகுதி வரை!
டாப் 10 நியூஸ் : அதிமுக பொதுக்குழு கூட்டம் முதல் உருவாகும் காற்றழுத்த தாழ்வு பகுதி வரை!
அதிமுக செயற்குழு மற்றும் பொதுக்குழு கூட்டம் கட்சியின் அவை தலைவர் தமிழ் மகன் உசேன் தலைமையில் இன்று (டிசம்பர் 15) காலை 10 மணிக்கு சென்னை வானகரத்தில் உள்ள ஸ்ரீ வாரு திருமண மண்டபத்தில் நடைபெற இருக்கிறது.
மறைந்த காங்கிரஸ் தலைவர் ஈ.வி.கே.எஸ்.இளங்கோவன் உடல் சென்னை மணப்பாக்கம் இல்லத்தில் இன்று பிற்பகல் வரை தொண்டர்களின் அஞ்சலிக்காக வைக்கப்படுகிறது. மாலை 4 மணிக்கு முகலிவாக்கம் மின் மயானத்தில் தகனம் செய்யப்படுகிறது.
மஹாராஷ்டிரா புதிய அமைச்சரவையில் பாஜகவைச் சேர்ந்த 21 பேரும், சிவசேனாவைச் சேர்ந்த 12 பேரும், தேசியவாத காங்கிரஸைச் சேர்ந்த 10 பேரும் இன்று நாக்பூரில் பதவியேற்க உள்ளனர்.
தெற்கு அந்தமான் கடல் பகுதியில் இன்று புதிய காற்றழுத்த தாழ்வு பகுதி உருவாகக்கூடும் என வானிலை ஆய்வு மையம் தெரிவித்துள்ளது.
இலங்கை அதிபர் அநுரகுமார திஸாநாயக்க இரண்டு நாள் பயணமாக இந்தியாவிற்கு இன்று வருகை தர உள்ளார்.
நட்புறவு திருவிழாவில் பங்கேற்பதற்காக 35 பேர் கொண்ட எம்எல்ஏக்கள் குழு இன்று வியட்நாம் நாட்டிற்கு பயணம் மேற்கொள்கின்றனர்.
மோசமான வானிலை காரணமாக சென்னையில் இருந்து தூத்துக்குடிக்கு இன்று விமான சேவை ரத்து செய்யப்பட்டுள்ளது.
பிரதான சாலைகளில் தாமிரபரணி வெள்ளம் சூழ்ந்து போக்குவரத்து பாதிக்கப்பட்டுள்ளதால் திருச்செந்தூர் முருகன் கோவிலுக்கு இன்று வர வேண்டாம் என மாவட்ட ஆட்சியர் வேண்டுகோள் வைத்துள்ளார்.
இந்தியா – ஆஸ்திரேலியா மோதும் கபா டெஸ்ட் போட்டியின் இரண்டாம் நாள் இன்று அதிகாலை ஆட்டம் தொடங்கி நடைபெற்று வருகிறது.
புதிய காற்றழுத்த தாழ்வு பகுதி உருவாவதையொட்டி தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இன்று லேசானது முதல் மிதமான மழை பெய்யக்கூடும் என வானிலை மையம் அறிவித்துள்ளது.