அம்பேத்கர் விவகாரத்தில் காங்கிரசை எதிர்க்க பா.ஜ.க கூட்டணி கட்சிகள் வியூகம்; எதிர்க்கட்சி போன்ற ஒருங்கிணைப்புக்கு டி.டி.பி

அம்பேத்கர் விவகாரத்தில் காங்கிரசை எதிர்க்க பா.ஜ.க கூட்டணி கட்சிகள் வியூகம்; எதிர்க்கட்சி போன்ற ஒருங்கிணைப்புக்கு டி.டி.பி

அரசியலமைப்பு மற்றும் டாக்டர் பி.ஆர் அம்பேத்கர் பற்றிய விவகாரத்தில் எதிர்க்கட்சிகளின் கருத்தை எதிர்கொள்வதற்கான வழிகள் பற்றி ஆலோசனை செய்ய ஆளும் என்.டி.ஏ உறுப்பினர்கள் பாஜக தலைவரும் மத்திய அமைச்சருமான ஜேபி நட்டாவை டெல்லியில் புதன்கிழமை சந்தித்தனர்.பாஜகவின் முக்கிய கூட்டணியான டிடிபி, அரசாங்கத்தையும் ஆளும் கூட்டணியையும் தாக்குவதற்கு இந்தியா கூட்டணி என்ன செய்கிறது என்பதன் அடிப்படையில் சிறந்த என்டிஏ ஒருங்கிணைப்பின் அவசியத்தை அடிக்கோடிட்டுக் காட்டியது. குறிப்பாக அம்பேத்கர் பற்றி மத்திய உள்துறை அமைச்சர் அமித் ஷா மாநிலங்களவையில் பேசிய பிறகு இதை வலிமையாக வலியுறத்துகிறது. முன்னாள் பிரதமர் அடல் பிஹாரி வாஜ்பாயின் 100வது பிறந்தநாளை முன்னிட்டு அவரது உருவபடத்திற்கு அஞ்சலி செலுத்திய சில மணி நேரங்களுக்குப் பிறகு, நட்டாவின் இல்லத்தில் என்டிஏ தலைவர்கள் கிட்டத்தட்ட ஒரு மணி நேரம் சந்தித்து பேசினர்.அம்பேத்கர் பற்றிய ஷாவின் கருத்து, சாதிவாரி மக்கள் தொகை கணக்கெடுப்பு மற்றும் சமூக நீதி அரசியல் தொடர்பான விஷயங்களில் பாஜகவுக்கு எதிரான எதிர்க்கட்சிகளின் தாக்குதல் குறித்து தலைவர்கள் விவாதித்ததாக வட்டாரங்கள் தெரிவித்தன.காங்கிரஸ் “தவறான கதைகளை” உருவாக்க முயற்சிப்பதாக அமித்ஷா, தெலுங்கு தேசம் கட்சியின் தலைவரும் ஆந்திர முதல்வருமான சந்திரபாபு நாயுடு உள்ளிட்ட தலைவர்களிடம்  கூறியதாக கூறப்படுகிறது.எதிர்க்கட்சிகள் ஒரு “தவறான கதையை” பரப்புவதாக தெலுங்கு தேசம் கட்சிவும் கருதுகிறது. செய்தி தெளிவாக உள்ளது: என்டிஏ,  எதிர்கட்சி கதைகளை ஒற்றுமையாக எதிர்கொள்ள வேண்டும், மேலும் கூட்டணிகளிடையே ஒருங்கிணைப்பு தேவை.அம்பேத்கர் பற்றிய ஷாவின் கருத்தை பொதுமக்களை “தவறாக வழிநடத்த” ஒரு “பிரச்சினை” செய்ததற்காக காங்கிரஸ் கையில் எடுத்துள்ளது என பாஜக தலைவர்கள் கூறினர். “ராஜ்யசபாவில் ஷா தனது உரையில் கருத்து தெரிவித்தபோது, ​​காங்கிரஸ் எம்.பி.க்கள் எப்படி எதிர்வினையாற்றவில்லை என்று கூட்டத்தில் கூறப்பட்டது. ஆனால் பின்னர், காங்கிரஸ் தலைவர்கள் கூட்டத்தில் ராகுல் காந்தி கலந்து கொண்டனர், மேலும் அவர்கள் இந்த கருத்தை முன்னிலைப்படுத்த ஒரு பிரச்சினையாக மாற்ற முடிவு செய்தனர். எனவே, கவனத்தை ஈர்ப்பதற்காக ஷாவின் கருத்தை ஒரு பிரச்சினையாக மாற்ற காங்கிரஸ் சதி செய்தது, ”என்று விவாதங்களை நன்கு அறிந்த ஒரு தலைவர் கூறினார்.கூட்டத்திற்குப் பிறகு, பாஜக கூட்டணிக் கட்சிகளின் தலைவர்கள், நட்டாவை தனித்தனியாகச் சந்தித்து, அந்தந்த நிகழ்ச்சி நிரல் மற்றும் மாநிலங்கள் தொடர்பான பிரச்சினைகள் குறித்து விவாதித்ததாக வட்டாரங்கள் தெரிவித்தன.ஆங்கிலத்தில் படிக்க:  Need to counter Congress on Ambedkar: BJP to allies; TDP for Opposition-like coordinationபீகார் முதல்வர் நிதிஷ்குமார், மகாராஷ்டிர துணை முதல்வர் ஏக்நாத் ஷிண்டே ஆகியோர் கூட்டத்தில் பங்கேற்கவில்லை.