அமெரிக்காவில் பஸிலுக்கு அளவுக்கதிகமான சொத்து!

அமெரிக்காவில் பஸிலுக்கு அளவுக்கதிகமான சொத்து!

முன்னாள் நிதியமைச்சர் பஸில் ராஜபக்சவுக்கு அமெரிக்காவில் மிகவும் அதிகளவு சொத்துக்கள் உள்ளன என்று முன்னாள் அமைச்சரான விமல் வீரவன்ஸ தெரிவித்துள்ளார்.

அமெரிக்காவில் உள்ள பஸில் ராஜபக்சவின் சொத்துகள் குறித்து கடந்த காலத்தில் விமல் வீரவன்ஸ பல்வேறு கருத்துக்களை வெளியிட்டிருந்தார். இந்தக் கருத்துகள் தொடர்பில் குற்றப் புலனாய்வுத் திணைக்களத்தினர் நேற்று அவரிடம் வாக்குமூலத்தைப் பெற்றுள்ளனர்.

இதன் பின்னர் ஊடகங்களுக்குக் கருத்துத் தெரிவிக்கும்போதே, அமெரிக்காவில் பஸிலுக்குத் தாராளமாகச் சொத்துக்கள் உள்ளன. அரசாங்கம் முறையான விசாரணை நடத்துமென்றால் அது தொடர்பில் வாக்குமூலம் வழங்கத் தயாராக உள்ளேன் என்று விமல் வீரவன்ஸ கூறியுள்ளார்.

‘அமெரிக்காவில் எந்தவொரு பணியும் புரியாத பஸில் ராஜபக்சவுக்கு எவ்வாறு அங்கு அதிகளவிலான சொத்துகள் இருக்கமுடியும். அவரது மகன் மற்றும் உறவினர்கள் சிலரது பெயரிலும் சொத்துக்கள் உள்ளன. இந்த அரசாங்கம் உண்மையிலேயே ஊழல், மோசடியாளர்கள் குறித்து விசாரணைகள் செய்வதாக எமக்குத் தெரியவில்லை’ என்றும் விமல் வீரவன்ஸ மேலும் தெரிவித்துள்ளார். (ப)