கெஜ்ரிவாலின் முதல்வர் இல்ல தணிக்கை அறிக்கை; ஆடம்பர பொருட்களால் 3 மடங்கு உயர்ந்த செலவு

கெஜ்ரிவாலின் முதல்வர் இல்ல தணிக்கை அறிக்கை; ஆடம்பர பொருட்களால் 3 மடங்கு உயர்ந்த செலவு

Ritu Sarin , Jatin Anand பிரதான மற்றும் ஜன்னல் திரைச்சீலைகள்: ரூ 96 லட்சம்; சமையலறை உபகரணங்கள்: ரூ 39 லட்சம் டிவி கன்சோல்: ரூ 20.34 லட்சம்; டிரெட்மில் மற்றும் உடற்பயிற்சி உபகரணங்கள்: ரூ.18.52 லட்சம்; பட்டு கம்பளங்கள்: ரூ. 16.27 லட்சம்; மினிபார்: ரூ 4.80 லட்சம். சுவர்களுக்கு பளிங்குக் கற்கள் அமைக்க ரூ.20 லட்சம் ஒப்பந்தம் செய்யப்பட்டது. ஆனால் இறுதி விலை ரூ.66.89 லட்சத்தைத் தொட்டது. ஃப்ளோர் டைல்ஸ் ரூ.5.5 லட்சத்திற்கு பட்ஜெட்டில் நிர்ணயிக்கப்பட்டது ஆனால் ரூ.14 லட்சமாக உயர்ந்தது. செயல்படுத்தும் போது, கட்டப்பட்ட பகுதி 36 சதவீதம் (1,397 சதுர மீட்டரிலிருந்து 1,905 சதுர மீட்டராக) உயர்ந்தது.இவை அனைத்தும் அப்போதைய முதல்வர் அரவிந்த் கெஜ்ரிவாலின் எண் 6, கொடிப் பணியாளர் சாலை, அலுவலகம் மற்றும் குடியிருப்பு ஆகியவற்றின் வளாகத்தை புதுப்பிக்கும் செலவை அதிகரிக்க உதவியது. 7.91 கோடி ரூபாய் மதிப்பீட்டில் இருந்து, 2020 ஆம் ஆண்டில் 8.62 கோடி ரூபாய்க்கு பணி வழங்கப்பட்டது, 2022 ஆம் ஆண்டில் பொதுப்பணித் துறை (PWD) மூலம் முடிக்கப்பட்ட போது, மொத்த செலவு 33.66 கோடி ரூபாய்.ஆங்கிலத்தில் படிக்க: Audit trail of Kejriwal’s CM residence: Cost up thrice to Rs 33 crore, splurge on curtains to carpetsஅப்போதைய கன்ட்ரோலர் மற்றும் ஆடிட்டர் ஜெனரல் (CAG) கிரிஷ் சந்திர முர்முவின் அறிக்கையின் முக்கிய கண்டுபிடிப்புகளில் இவை இருப்பதாக அறியப்படுகிறது. நவம்பர் 20, 2024 அன்று பதவி விலகுவதற்கு ஒரு வாரத்திற்கு முன்பு கிரிஷ் சந்திர முர்மு இந்த அறிக்கையில் கையெழுத்திட்டதாக இந்தியன் எக்ஸ்பிரஸ் அறிந்திருக்கிறது.வரவிருக்கும் டெல்லி தேர்தலுக்கான தனது பிரச்சாரத்தை வெள்ளிக்கிழமை கொடியசைத்து, பிரதமர் நரேந்திர மோடி, ஆம் ஆத்மியின் ஊழலின் அடையாளமாக இந்த வீட்டிற்கு பா.ஜ.க சூட்டியுள்ள பெயரான “ஷீஷ் மஹாலை” அரவிந்த் கெஜ்ரிவால் கட்டியிருக்கலாம், ஆனால் அதற்கு பதிலாக கடந்த 10 ஆண்டுகளில் நான்கு கோடி குடிமக்கள் வீடுகளைப் பெற்றிருப்பதை உறுதி செய்திருக்கலாம் என்று அரவிந்த் கெஜ்ரிவாலை கடுமையாக சாடினார். செப்டம்பரில் அரவிந்த் கெஜ்ரிவால் மதுபான வழக்கில் மார்ச் 21, 2024 அன்று அமலாக்க இயக்குநரகத்தால் கைது செய்யப்பட்டு, ஜாமீனில் வெளிவந்த சில வாரங்களுக்குப் பிறகு, அரவிந்த் கெஜ்ரிவால் செப்டம்பர் 17 அன்று டெல்லி முதல்வர் பதவியில் இருந்து விலகிய பின்னர் அக்டோபர் 2024 இல் வளாகத்தை காலி செய்தார்.தணிக்கை மற்றும் அதன் கண்டுபிடிப்புகள் குறித்து கேட்கப்பட்ட கேள்விக்கு, ஆம் ஆத்மியின் செய்தித் தொடர்பாளர், “தேர்தலுக்கு சில நாட்களுக்கு முன்பு, அவர்கள் முக்கிய நீரோட்டத்தை இழந்துவிட்ட நிலையில், பா.ஜ.க.,வின் திசை திருப்பும் தந்திரம்” என்று கூறினார்.அவர் வெள்ளிக்கிழமை அரவிந்த் கெஜ்ரிவாலின் கருத்துக்களை மீண்டும் வலியுறுத்தினார்: “2,700 கோடி ரூபாய் மதிப்பிலான வீட்டில் வசித்து, 8,400 கோடி ரூபாய் மதிப்பிலான விமானத்தில், 10 லட்சம் ரூபாய் மதிப்பிலான சூட் அணிந்து பயணிக்கும் ஒரு தலைவரைக் கொண்ட கட்சி, பொதுப்பணித் துறையால் கட்டப்பட்ட அதிகாரப்பூர்வ முதல்வர் இல்லத்தைப் பற்றி கேட்பது விசித்திரமாகத் தெரிகிறது.”அந்த சொத்து அரவிந்த் கெஜ்ரிவாலின் “தனிப்பட்ட” சொத்து அல்ல என்றும், முதலமைச்சரின் இல்லமாக, எதிர்காலத்தில் மற்றவர்களுக்கு ஒதுக்கப்படும் என்றும் ஆம் ஆத்மி தொடர்ந்து கூறியுள்ளது.சி.ஏ.ஜி அறிக்கையானது, தரை தளத்தில் இருக்கும் தங்குமிடங்களை “மறுவடிவமைத்தல்” மற்றும் “கூடுதல் மாடி” கட்டுவது தொடர்பான பொதுப்பணித் துறையின் “முறைகேடுகள்” பற்றிய ஒரு பகுதியைக் கொண்டிருப்பதாகக் கூறப்படுகிறது.டெல்லி சட்டமன்றத்தில் இன்னும் வைக்கப்படாத அறிக்கை, “சந்தேகத்திற்குரிய” ஆலோசகர்களைத் தேர்ந்தெடுப்பது, மதிப்பீடுகளை அடிக்கடி திருத்துவது மற்றும் அதிக விலையுடைய பொருட்களைச் சேர்க்க ஒப்புதல்களுக்கு அப்பால் செல்வது போன்றவற்றை முன்னிலைப்படுத்தியதாக அறியப்படுகிறது.திட்டத்திற்கான “கட்டுப்படுத்தப்பட்ட டெண்டரிங்” தொடர்பான சிக்கல்களை அடிக்கோடிட்டு, 2020 அக்டோபரில் ஐந்து ஒப்பந்ததாரர்களிடமிருந்து டெண்டர்கள் அழைக்கப்பட்டன, அவர்களில் மூன்று பேர் மட்டுமே தங்கள் ஏலங்களைச் சமர்ப்பித்தனர் மற்றும் பொதுப்பணித் துறையால் தேர்வு செய்யப்பட்ட “குறைபாடுள்ள” சாத்தியமான பட்டியலில் இருந்து குறைந்த தொகையை சமர்பித்த ஏலதாரருக்கு வேலை வழங்கப்பட்டது.இதை விளக்கிய சி.ஏ.ஜி, மீதமுள்ள நான்கு ஒப்பந்ததாரர்கள் பள்ளிகளில் வகுப்பறைகள், அடல் சமாதியில் பூங்கா மேம்பாடு போன்ற பணிகளைச் செய்துள்ளதாகவும், பொதுப்பணித்துறை கூறுவது போல் வி.ஐ.பி பகுதிகளில் இதுபோன்ற பணிகளைச் செய்த அனுபவம் அவர்களுக்கு இல்லை என்பதை இது காட்டுகிறது என்றும் அறிக்கையில் குறிப்பிடப்பட்டுள்ளது.சி.ஏ.ஜி.,யின் கண்டுபிடிப்புகளின் முக்கிய முடிவானது, மொத்தச் செலவான ரூ.33.66 கோடியில் ரூ.18.88 கோடி “உயர்ந்த விவரக்குறிப்புகள், கலைநயம், பழங்கால மற்றும் அலங்காரப் பொருட்கள்” என்று தணிக்கையாளர் விவரித்ததற்குச் செலவிடப்பட்டுள்ளது. இவை அனைத்தும் பொதுப்பணித் துறையால் “கூடுதல் உருப்படிகளாக” செயல்படுத்தப்பட்டன.சி.ஏ.ஜி.,யின் அறிக்கையில் 198 சிவில் “கூடுதல்” கூறுகள் மற்றும் 40 “கூடுதல்” மின் கூறுகளின் பட்டியல்கள் உள்ளன என்று கூறப்படுகிறது.செப்டம்பர் 2020 முதல் ஜூன் 2022 வரை, ஐந்து திருத்தப்பட்ட மதிப்பீடுகள் எவ்வாறு வழங்கப்பட்டன என்றும், கலை மற்றும் அலங்கார வேலைகள் (ரூ. 5.07 கோடி), டிசைனர் பாகங்கள் மற்றும் பொருத்துதல்கள் (ரூ. 48.27 லட்சம்) மற்றும் பளிங்கு வேலைகள் (ரூ. 1.97 கோடி) போன்ற வேலைகளின் நோக்கம் 2021 அக்டோபரில் வழங்கப்பட்ட மூன்றாவது தற்காலிக மதிப்பீட்டை விட அதிகமாக இருப்பதாக ஐந்தாவது மதிப்பீடு காட்டுகிறது என்றும் அறிக்கை கூறுகிறது. தணிக்கை அறிக்கையில் முதலமைச்சர் இல்லத்துடன் இணைக்கப்பட்ட பணியாளர்கள் தொகுதி மற்றும் முகாம் அலுவலகம் கட்டுவதற்கு செய்யப்பட்ட சேர்த்தல் மற்றும் மாற்றங்கள் மற்றும் இந்த பணியாளர் தொகுதி மற்றும் முகாம் அலுவலகத்திற்கான “உயர்த்தப்பட்ட” முதற்கட்ட மதிப்பீடுகள் ரூ. 3.86 கோடி என்று தனித்தனி பிரிவுகள் உள்ளன.குடியிருப்பில் சுகாதாரப் பொருட்கள், தளபாடங்கள் மற்றும் உடற்பயிற்சி உபகரணங்களை சரிசெய்தல்/ வைப்பதற்காக ரூ.1.87 கோடி செலவழிக்கப்பட்டதாகவும், பணியாளர்கள் தொகுதி/முகாம் அலுவலகத்தை சேர்த்தல்/மாற்றியமைத்தல் போன்றவற்றில் “கூடுதல் பொருட்களாக” சேர்க்கப்பட்டதாகவும் தணிக்கை தெரிவிக்கப்பட்டுள்ளது.”தேவையான ஆவணங்களை சமர்ப்பிக்க டெல்லி அரசு தயக்கம் காட்டுவது குறித்து சி.ஏ.ஜி புகார் அளித்துள்ளதாகவும் கூறப்படுகிறது. சலான்களுடன் சப்ளை வவுச்சர்கள் இல்லாததால், ஒப்பந்ததாரர்களால் வழங்கப்பட்ட பொருட்களின் “உண்மையான தன்மை” மற்றும் அவை வாங்கப்பட்ட விலை ஆகியவற்றை சரிபார்க்க முடியவில்லை என்று அறிக்கையில் குறிப்பிட்டுள்ளது.கடந்த மாதம், டெல்லி விஜிலென்ஸ் இயக்குனரகம், முதல்வர் இல்ல புதுப்பித்தல் தொடர்பான முறைகேடுகளை விசாரிக்கும் பணியை மேற்கொண்டது, மே 2023 இல் இந்த விவகாரம் முதலில் வெளிவந்தவுடன், சொத்தில் காணப்பட்ட ஆடம்பர பொருட்களை யார் அல்லது எந்த அமைப்பு வழங்கியது என்பதை விசாரித்து அறிக்கை சமர்ப்பிக்குமாறு பொதுப்பணித் துறையிடம் கேட்டுக் கொண்டது.இந்த விவகாரத்தில் மத்திய புலனாய்வுப் பிரிவு 2023 செப்டம்பரில் முதற்கட்ட விசாரணையை பதிவு செய்த நிலையில், கடந்த ஆண்டு நவம்பரில் டெல்லி சட்டமன்ற எதிர்க்கட்சித் தலைவரும் பா.ஜ.க எம்.எல்.ஏ.,வுமான விஜேந்தர் குப்தா தாக்கல் செய்த புகாரின் பேரில் சமீபத்திய விசாரணைக்கு டெல்லி துணைநிலை ஆளுநர் வி.கே சக்சேனா டிசம்பர் 6, 2024 அன்று உத்தரவிட்டார்.ஆகஸ்ட், 2024 இல், மத்திய பொதுப்பணித் துறை (CPWD) மூன்று பொறியாளர்களை, முதல்வர் இல்லத்தில் வேலைகள் தொடர்பான சட்டவிரோத செயல்களில் ஈடுபட்டதாக குற்றம்சாட்டியது.“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“