பொழுதுபோக்கு
ரூ. 80 கோடிக்கும் அதிகமாக வசூல்… நானியின் ‘கோர்ட்’ படம் ஓ.டி.டி.யில் ரிலீஸ் பாருங்க!
ரூ. 80 கோடிக்கும் அதிகமாக வசூல்… நானியின் ‘கோர்ட்’ படம் ஓ.டி.டி.யில் ரிலீஸ் பாருங்க!
தென்னிந்திய சினிமாவின் முன்னணி நடிகராக வலம் வருபவர் நானி. ரேடியோ ஜாக்கியாக இருந்து தற்போது நடிகர் தயாரிப்பாளர், நிகழ்ச்சி தொகுப்பாளர் என பன்முக திறமையுடன் வலம் வரும் இவர், கடந்த 2008-ம் ஆண்டு வெளியான, அஷ்ட சம்மா என்ற படத்தின் மூலம் திரையுலகில் அறிமுகமானார். தெலுங்கில் வெளியான இந்த படம் நல்ல வரவேற்பை பெற்றிருந்தது.அதனைத் தொடர்ந்து, 2011-ம் ஆண்டு வெளியான வெப்பம் படத்தின் மூலம் தமிழில் அறிமுகமான இவர், ஆஹா கல்யாணம், என்ற நேரடி தமிழ் படத்தில் நடித்திருந்தார். மேலும் தெலுங்கில் இவர் நடித்த பல படங்கள் தமிழில் டப் செய்யப்பட்டு வெளியாகி பெரிய வெற்றிப்படங்களாக அமைந்தது. நடிகராக மட்டுமல்லாமல் தயாரிப்பாளராகவும் சில படங்களை தயாரித்துள்ள நானி, தற்போது ஹிட் தி தேட் கேஸ் என்ற படத்தை தயாரித்து நடித்து வருகிறார்.இவரது தயாரிப்பில், உருவான படம் தான் கோர்ட். ராம் ஜெகதீஷ் இயக்கிய இந்த படத்தில், பிரியதர்ஷினி புலிகொண்டே நாயகனாக நடித்திருந்தார். ஹரிஷ் ரோஹன், சாய் குமார், சிவாஜி உள்ளிட்ட பலர் நடித்துள்ளனர். மார்ச் 14-ந் தேதி வெளியான இந்த படம் பெரிய வெற்றிப்படமாக அமைந்தது. 10 கோடி செலவில் தயாரான இந்த படம் ரூ80 கோடி வரை வசூல் செய்து அசத்தியது.இதனிடையே தற்போது இந்த படம் ஒடிடி தளத்தில் வெளியாக உள்ளது. வரும் ஏப்ரல் 11-ந் தேதி நெட்ஃபிளிக்ஸ் ஒடிடி தளத்தில் கோர்ட் படம் வெளியாக உள்ளதாக தகவல் வெளியாகியுள்ளது. இந்த படம் ரசிகர்கள் மத்தியில் பெரிய எதிர்பார்ப்பை ஏற்படுத்தியுள்ளது,