RCB vs DC LIVE Cricket Score: புள்ளிப் பட்டியலில் முன்னேறப் போவது யார்? பெங்களூரு – டெல்லி அணிகள் இன்று மோதல்

RCB vs DC LIVE Cricket Score: புள்ளிப் பட்டியலில் முன்னேறப் போவது யார்? பெங்களூரு – டெல்லி அணிகள் இன்று மோதல்

10 அணிகள் பங்கேற்றுள்ள இந்தியன் பிரீமியர் லீக் (ஐ.பி.எல். 2025) டி20 தொடரின் 18-வது சீசன் மார்ச் 22 ஆம் தேதி முதல் பரபரப்பாக அரங்கேறி வருகிறது. இந்நிலையில், இந்த தொடரில் இன்று வியாழக்கிழமை இரவு 7:30 மணிக்கு பெங்களூரு எம்.சின்னசாமி ஸ்டேடியத்தில் நடைபெறும் 24-வது லீக் போட்டியில் பெங்களூரு ராயல் சேலஞ்சர்ஸ் – டெல்லி கேபிடல்ஸ் அணிகள் மோதுகின்றன. ஆங்கிலத்தில் படிக்கவும்: RCB vs DC LIVE Cricket Score, IPL 2025நடப்பு தொடரில் இதுவரை ஆடிய 3 போட்டிகளில் ஒன்றில் கூட தோல்வியடையாமல் அக்சர் படேல் தலைமையிலான டெல்லி அணி வெற்றி நடைப் போட்டு வருகிறது. தற்போது 6 புள்ளிகளுடன்  பட்டியலில் 2-வது இடத்தில் இருக்கும் அந்த அணி அதன் ஆதிக்கத்தை  தொடரவே நினைக்கும். மறுபுறம், ரஜத் படிதர் தலைமையிலான பெங்களூரு அணி இதுவரை ஆடிய 4 போட்டிகளில் மூன்றில் வெற்றியை ருசித்து, பட்டியலில் 3-வது இடத்தில் இருக்கிறது. அதனால், இந்த ஆட்டத்தில் வெற்றியைப் பெறும் அணி புள்ளிகள் பட்டியலில் முன்னேறும். எனவே, இவ்விரு அணிகள் மோதும் இன்றைய ஆட்டத்தில் விறுவிறுப்புக்கு குறைவிருக்காது.  நேருக்கு நேர் ஐ.பி.எல்-லில் பெங்களூரு மற்றும் டெல்லி அணிகள் 31 போட்டிகளில் நேருக்கு நேர் சந்தித்துள்ளன. இந்த 31 போட்டிகளில் பெங்களூரு அணி 19 போட்டிகளில் வென்றுள்ளது. அதே நேரத்தில் டெல்லி அணி 11 முறை வெற்றி பெற்றுள்ளது.