கவிஞர் வாலியுடன் மோதல்; ஏ.ஆர்.ரஹ்மானின் ஹிட் பாடலில் என் பெயர் வர இதுதான் காரணம்: நடிகை ஊர்வசி ஓபன் டாக்

கவிஞர் வாலியுடன் மோதல்; ஏ.ஆர்.ரஹ்மானின் ஹிட் பாடலில் என் பெயர் வர இதுதான் காரணம்: நடிகை ஊர்வசி ஓபன் டாக்

எவ்வளவு பெரியதோ அல்லது சிறியதோ எப்படி இருந்தாலும், ஒவ்வொரு கலைப்படைப்பிற்கும்,  நிச்சயமாக ஒரு பயணமும், ஒரு கதையும் இருக்கும். அந்த வகையில், ஆஸ்கார் விருது வென்ற இசையமைப்பாளர் ஏ.ஆர். ரஹ்மானின் காலத்தால் அழியாத வெற்றிப் பாடலான “ஊர்வசி ஊர்வசி” (காதலன், 1994) பாடல் கூட ஒரு பின்னணியைக் கொண்டுள்ளது.ஆங்கிலத்தில் படிக்க: Urvashi reveals how a disagreement with Vaali over a Magalir Mattum song led to AR Rahman’s iconic track being named after her: ‘I asked if they were mocking me’சமீபத்தில், தென்னிந்திய சினிமாவின் புகழ்பெற்ற நடிகை ஊர்வசி அந்தப் பாடலுக்கும் தனக்கும் உள்ள தொடர்பை வெளிப்படுத்தினார். பாடலின் தொடக்க வரிகள் அவருடைய பெயரைக் கொண்டிருப்பது ஒரு தற்செயலான நிகழ்வு அல்ல என்று அவர் கூறுகிறார்.இது குறித்து அவர் கூறுகையில், “மகளிர் மட்டும் (1994) திரைப்படத்திற்காக கவிஞர் வாலி சார் ‘கறவை மாடு மூணு, காளை மாடு ஒன்னு’ என்று ஒரு பாடல் எழுதியிருந்தார். அந்த வரிகளைப் பாட என்னையும், ரேவதி மற்றும் ரோகிணி ஆகியோரை அழைத்தார்கள். ‘ச்சே, நான் அந்த வார்த்தையைச் சொல்ல மாட்டேன்’ என்று நான் அவர்களிடம் சொன்னேன். பெண்கள் தங்களை பால் மாடுகள் என்று அழைத்துக் கொள்வார்களா? என்று அவரிடம் கேட்டேன். படத்தின் இயக்குனர் ஒரு தெலுங்கர். பெண்கள் தங்களைத் தாங்களே ‘கறவை மாடு’ என்று சொல்லிக் கொள்வது மிகவும் மோசமான விஷயம் என்று நான் அவரிடம் சொன்னேன்.கமல்ஹாசன் சார் தான் அந்தப் படத்தின் தயாரிப்பாளர். ஊர்வசி அந்த வரியைப் பாடத் தயாராக இல்லை என்று அவருக்கு தகவல் தெரிவிக்கப்பட்டது. அதற்கு அவர், ‘அவள் சும்மா அப்படிச் சொல்கிறாள்; ஊர்வசி பாடுவாள். அவளை வாலி சாருடன் இணைத்து விடுங்கள்’ என்று பதிலளித்தார். அதனால் நான் வாலி சாருடன் பேசினேன். ஏன் இவ்வளவு மோசமான சொற்றொடர் பயன்படுத்தப்படுகிறது என்று வாலி சாரிடம் கேட்டேன். அப்போது அவர் கதையின் சூழ்நிலையை எனக்கு விளக்கினார். அந்த வார்த்தைக்கு அர்த்தம் நான் நினைத்தது போல் இல்லை என்று அவர் கூறினார். மேலும், அவர் எழுதிய ஒரு வரியை பாட மாட்டேன் என்று ஒருவர் கூறியது இதுவே முதல் முறை என்றும் அவர் கூறியதாக ஊர்வசி தெரிவித்துள்ளார்.மற்றொரு பேட்டியில், “பின்னர் ஒரு விழாவில் அவரைப் பார்த்தபோது, அவர் என்னை அருகில் உட்கார வைத்து, எனக்காக ஒரு பாடல் எழுத ஏற்பாடு செய்திருப்பதாகக் கூறினார். ‘உன்னைப் பற்றி ஒரு பாடல் வருகிறது, ‘டேக் இட் ஈஸி (ஊர்வசி)’. நல்ல பாடல்; கேட்டுப் பார்’ என்றார். அதை வைரமுத்து எழுதியிருந்தார். அந்தப் பாடல் படத்தின் வெற்றியில் முக்கிய பங்கு வகித்தது,” என்று அவர் கூறினார். நான் அதைக் கேட்டு பிரபுதேவாவின் நடனத்தைப் பார்த்தபோது, அது அந்த காலகட்டத்தின் வழக்கமான நடனங்களிலிருந்து மிகவும் வித்தியாசமாக இருந்தது. அந்தப் பாடல் என்னை கேலி செய்வதற்காக எழுதப்பட்டதா என்று நான் அவரிடம் கேட்டபோது, அவர் இல்லை, நல்ல எண்ணத்துடன்தான் அது எழுதப்பட்டது என்று கூறினார்.மேலும் அவர் என்னிடம், ‘ஏற்கனவே பல நடிகர்களுக்கு அவர்கள் பெயரில் பாடல்கள் வந்துள்ளன. உனக்கும் ஒன்று வேண்டாமா? நீ மேலே இருந்து வந்தவள் இல்லையா? நீ கடவுள்களின் உலகத்திலிருந்து வந்தவள் இல்லையா?’  அதற்காகத்தான் உனக்காக இந்த பாட்டு என்று வாலி கூறியதாக ஊர்வசி ஒரு பேட்டியில் கூறியுள்ளார்.