மகிழ்ச்சியில் துள்ளி குதிக்கும் சிறுமி: தென்னிந்திய சினிமா முன்னணி நடிகை: யார்னு கண்டுபிடிங்க

மகிழ்ச்சியில் துள்ளி குதிக்கும் சிறுமி: தென்னிந்திய சினிமா முன்னணி நடிகை: யார்னு கண்டுபிடிங்க

இணையதளத்தில் வளர்ச்சி அதிகரித்து வரும் இன்றைய காலக்கட்டத்தில் தங்கள் விருப்பமான சினிமா நட்சத்திரங்கள் குறித்த தகவல்களை ரசிகர்கள் தேடி தேடி படித்து வருகின்றனர். அதிலும் குறிப்பாக அவர்களின் சிறுவயது புகைப்படங்கள் குறித்து வெளியாகும் தகவல்களுக்கு இணையத்தில் அதிகபட்ச வரவேற்பு இருந்து வருகிறது.அந்த வகையில் தற்போது முன்னணி நடிகை ஒருவரின் சிறுவயது புகைப்படம் வெளியாகியுள்ளது. அந்த நடிகை வேறு யாரும் இல்லை. தென்னிந்திய சினிமாவில் முன்னணி நடிகையாக திகழ்ந்து வரும் நடிகை தமன்னா பாட்டியா தான்.2006-ம் ஆண்டு வெளியாக கேடி படத்தின் மூலம் தமிழ் திரையுலகில் அறிமுகமாக தமன்னா, அடுத்து எஸ்.ஜே.சூர்யாவுடன், வியாபாரி என்ற படத்தில் நடித்திருந்தார். அதன்பிறகு கல்லூரி படம் இவரை ரசிகர்கள் மத்தியில் கொண்டு சென்றது.அதன்பிறகு தனுஷ், சூர்யா, விக்ரம், விஜய், அஜித் உள்ளிட்ட முன்னணி நடிகைளுடன் இணைந்து பல வெற்றிப்படங்களை கொடுத்த தமன்னா, தெலுங்கில் பாகுபலி உள்ளிட்ட பல வெற்றிப்படங்களில் நடித்துள்ளார்.சமூகவலைதளங்களில் ஆக்டீவாக இருக்கும் இவர், அவ்வப்போது தனது புகைப்படங்கள் மற்றும் வீடியோக்களைப் பகிர்ந்து ரசிகர்களுடன் உரையாடுவதை அவர் வழக்கமாகக் கொண்டுள்ளார். அந்த வகையில், சமீபத்தில் அவர் தனது இன்ஸ்டாகிராம் பக்கத்தில் பகிர்ந்த சில புகைப்படங்கள் ரசிகர்களின் கவனத்தை வெகுவாக ஈர்த்துள்ளன.தமன்னா தனது குழந்தை பருவ புகைப்படங்களின் தொகுப்பை வெளியிட்டிருந்தார். “1989 முதல் என் மனநிலை” என்ற தலைப்புடன் அவர் பதிவிட்ட அந்த புகைப்படங்களில், ஒரு படத்தில் அவர் சிறு குழந்தையாக கோபமான முகத்துடன் காணப்படுகிறார்.அடுத்தடுத்த புகைப்படங்களில் அவர் மற்றொரு குழந்தையுடன் சேர்ந்து சிரித்தபடி போஸ் கொடுத்துள்ளார். இந்த க்யூட் புகைப்படங்கள் ரசிகர்கள் மத்தியில் லைக்குகளையும் கமெண்ட்களையும் குவித்தது.சமீபத்தில், அசோக் தேஜா இயக்கி, சம்பத் நந்தி தயாரிப்பில் வெளியான “ஒடேலா 2” என்ற தெலுங்கு சூப்பர்நேச்சுரல் திரில்லர் திரைப்படத்தில் தமன்னா சிவ பக்தையாக நடித்திருந்தார். இந்த படம் நல்ல வரவேற்பை பெற்றிருந்தது குறிப்பிடத்தக்கது,