பட்ஜெட் விலை, பிரீமியம் அம்சங்கள்… ஒன்பிளஸ் புல்லட்ஸ் வயர்லெஸ் Z3

பட்ஜெட் விலை, பிரீமியம் அம்சங்கள்… ஒன்பிளஸ் புல்லட்ஸ் வயர்லெஸ் Z3

ஜூன் 19 ஆம் தேதி இந்தியாவில் ஒன்பிளஸ் நிறுவனத்தின் அடுத்த நெக்பேண்ட் வயர்லெஸ் ஹெட்செட் ஆக ஒன்பிளஸ் புல்லட்ஸ் வயர்லெஸ் இசட்3 (OnePlus Bullets Wireless Z3) மாடல் அறிமுகப்பட உள்ளது. ஒன்பிளஸ்ஸின் பிரபலமான “நெக்பேண்ட்” வரிசையில் வெளியாகும் இந்த புதிய ஹெட்செட் நீண்ட கால பேட்டரி ஆயுள், மின்னல் வேக சார்ஜிங் மற்றும் மேம்படுத்தப்பட்ட ஆடியோ தரம் ஆகியவற்றை கொண்டிருக்கும் எனக் கூறப்படுகிறது.புல்லட்ஸ் வயர்லெஸ் Z2 மாடல் ஏற்கனவே தனது பேட்டரி ஆயுளால் பெரும் வரவேற்பைப் பெற்ற நிலையில், Z3 அதனை அடுத்த கட்டத்திற்கு எடுத்துச் செல்கிறது. ஒன்பிளஸ் தகவல்படி, ஒருமுறை முழு சார்ஜ் செய்தால், 36 மணிநேரம் வரை தடையற்ற இசையை அனுபவிக்க முடியும். இது Z2 மாடலை விடவும் 6 மணிநேரம் அதிகம் என்பது குறிப்பிடத்தக்கது. அவசர பயணங்களில், 10 நிமிட சார்ஜிங் கூட, சுமார் 27 மணிநேரம் வரை இசையை கேட்க உதவும் என்பது புரட்சிகரமான அம்சம். இது இன்றைய பிஸியான வாழ்க்கை முறைக்கு மிகவும் அவசியமான சிறப்பம்சமாகும்.மேம்படுத்தப்பட்ட ஆடியோ செயல்திறன் மற்றும் ஆழ்ந்த பாஸ் அனுபவத்தை (immersive bass) இது வழங்கும் என்று ஒன்பிளஸ் தெரிவித்துள்ளது. AI-மேம்படுத்தப்பட்ட தெளிவு (AI-enhanced clarity) அம்சத்துடன், ஒவ்வொரு நுட்பமான இசைக் குறிப்பையும், குரல் தெளிவையும் அனுபவிக்க முடியும். இது இசைப்பிரியர்களுக்கும், அழைப்புகளின் தெளிவை எதிர்பார்ப்பவர்களுக்கும் சிறந்த தேர்வாகும்.ஒன்பிளஸ் புல்லட்ஸ் வயர்லெஸ் Z3, நவீன புளூடூத் 5.4 இணைப்புடன் வருகிறது. வேகமான மற்றும் நிலையான இணைப்பை உறுதி செய்கிறது. கூகிள் ஃபாஸ்ட் பேர் (Google Fast Pair) ஆதரவுடன், ஆண்ட்ராய்டு பயனர்கள் உடனடியாக தங்கள் சாதனங்களுடன் இணைத்து பயன்படுத்த முடியும். வடிவமைப்பைப் பொறுத்தவரை, லைட்வெயிட் மற்றும் நடைமுறைக்கு உகந்த நெக்பேண்ட் வடிவத்தில் வருகிறது. காந்தக் கட்டுப்பாடு (magnetic control) மற்றும் விரைவு ஸ்விட்ச் (Quick Switch) போன்ற அம்சங்கள் பயனர் அனுபவத்தை எளிதாக்குகின்றன. IP55 மதிப்பீடுடன், தூசு மற்றும் நீர் எதிர்ப்பையும் இது கொண்டுள்ளது, இது உடற்பயிற்சி அல்லது அன்றாட பயன்பாட்டில் கூடுதல் பாதுகாப்பை வழங்குகிறது.மாம்போ மிட்நைட் (Mambo Midnight) மற்றும் சாம்ப் சன்செட் (Samba Sunset) ஆகிய இரண்டு ஸ்டைலான வண்ணங்களில் இந்த நெக்பேண்ட் கிடைக்கும். அதிகாரப்பூர்வ விலை இன்னும் அறிவிக்கப்படவில்லை என்றாலும், ஒன்பிளஸ் நிறுவனத்தின் வழக்கமான விலையமைப்பைப் பார்க்கும்போது, இதன் விலை சுமார் ரூ.2,000-க்குள் இருக்கும் என்று எதிர்பார்க்கப்படுகிறது. ஒன்பிளஸ் புல்லட்ஸ் வயர்லெஸ் Z3, அமேசான், ஒன்பிளஸ் அதிகாரப்பூர்வ இணையதளம், ஒன்பிளஸ் எக்ஸ்குளூசிவ் ஸ்டோர்கள் மற்றும் பிற சில்லறை கடைகளிலும் கிடைக்கும்.