அதர்வா நடிப்பில் அதிர்ச்சியும் உணர்வும் கலந்து வரும் “DNA”..! முழு திரைவிமர்சனம் இதோ..!

அதர்வா நடிப்பில் அதிர்ச்சியும் உணர்வும் கலந்து வரும் “DNA”..! முழு திரைவிமர்சனம் இதோ..!

அதர்வா மற்றும் நிமிஷா சஜயன் முதன்மையாக நடித்திருக்கும் புதிய திரைப்படமான DNA, உணர்வு, மர்மம், சமூக விமர்சனம் என மூன்றையும் கலந்த பரபரப்பான படைப்பாக உருவாகியுள்ளது. நெல்சன் வெங்கடேசன் இயக்கத்தில் உருவான இந்த திரைப்படம், குழந்தை கடத்தலை மையமாகக் கொண்டு மனநல பாதிப்புகள் மற்றும் குடும்ப உறவுகளில் ஏற்படும் சிக்கல்களை உணர்ச்சிபூர்வமாக காட்டுகிறது.அதர்வா ஒரு காதல் தோல்வியால் மன உளைச்சலுக்கு ஆளாகி, குடிப்பழக்கத்தில் ஆழ்ந்துவிடுகிறார். இதனால் அவருடைய குடும்ப உறவுகளும் மோசமடைகின்றன. மற்றொரு புறம், மனநல சிக்கலால் திருமணமாக முடியாமல் தவிக்கும் நிமிஷா சஜயன், அவரது குடும்பத்தினரால் புறக்கணிக்கப்படுகிறார். இருவரும் சமுதாயத்தின் புறக்கணிப்பில் தள்ளப்பட்டவர்களாக காணப்படுகின்றனர்.ஒரு கட்டத்திற்கு பிறகு அவர்கள் திருமணத்துக்குள் நுழைகிறார்கள். வாழ்க்கை இனிமையாக செல்ல, அவர்கள் பிள்ளை பெற்றிருப்பதும் சந்தோஷத்தை கொண்டு வருகிறது. ஆனால் பிரசவத்தின் பின், நிமிஷா தனது கையில் இருக்கும் குழந்தையை நோக்கி, “இது என்னுடைய குழந்தை அல்ல” என்று கூறுகிறாள். அந்த ஒரு வசனம் கதையின் ஓட்டத்தை மாற்றுகிறது.இந்த கேள்விகளுக்கான பதில்களும், அவற்றைத் தேடும் பயணமும் தான் கதையின் பின்னணி. அழுகை, சோகம், கோபம் மற்றும் குற்ற உணர்வு என அனைத்து உணர்வுகளையும் அதர்வா இப்படத்தில் வெளிப்படுத்துகிறார். இந்தக் கதையின் மூலம், தாய்மை, பாசம், பாதுகாப்பு என அனைத்தையும் கேள்விக்குள்ளாக்கும் துணிச்சலான முயற்சியை இயக்குநர் நெல்சன் வெங்கடேசன் எடுத்திருக்கிறார்.