மனைவி மற்றும் காதலியை கொடூரமாக கொலை செய்த நபர் ; பொலிஸார் அதிர்ச்சி

மனைவி மற்றும் காதலியை கொடூரமாக கொலை செய்த நபர் ; பொலிஸார் அதிர்ச்சி

 மனைவி மற்றும் தனது முறைசாரா காதலியை கொடூரமாக கொலை செய்த நபர் வென்னப்புவ பகுதியில் உள்ள தென்னை நார் ஆலையில் இருந்தபோது பொலிஸாரால் கைது செய்யப்பட்டுள்ளார்.

சம்பவம் தொடர்பில் மேலும் தெரியவருகையில்,

குருணாகல், குளியாப்பிட்டிய பிரதேசத்தில் தொலைபேசி மூலம் மற்றொரு காதல் விவகாரம் இருப்பதாக சந்தேகித்து, தன்னுடைய முறைசாரா காதலியை சுத்தியலால் தாக்கி கொலை செய்துள்ளார்.

உபேந்திர சேரசிங்க என்ற நபரையே குளியாப்பிட்டிய குற்றப் புலனாய்வுப் பிரிவினர் இவ்வாறு கைது செய்துள்ளனர்.

கைது செய்யப்பட்ட நபர் முன்னாள் சிவில் பாதுகாப்புப் படை அதிகாரி என்றும் அவர் தும்மலசூரிய பகுதியில் உள்ள நிலக்கரி ஆலையில் பணிபுரிந்து வந்துள்ள நிலையில் கைது செய்யப்பட்டதாகவும் தெரிவிக்கப்படுகின்றது.

சந்தேக நபர் முன்னர் வெலிகந்த பகுதியில் வசித்து வந்த நிலையில், அவருடைய மனைவி வேறொருவருடன் தொடர்பில் இருந்ததைக் கண்டு கழுத்தை அறுத்து கொலை செய்துள்ளார்.

[]

தாக்குதலின் போது, மனைவியுடன் தொடர்பில் இருந்த நபரும் கத்தியால் தாக்கப்பட்டதில் தனது கையை இழந்ததாகவும், ஆனால் தப்பித்து உயிர் பிழைத்ததாகவும் பொலிஸாருக்கு தகவல் கிடைத்தது.

பின்னர் சந்தேக நபர் அந்த இடத்தை விட்டு வெளியேறி, தும்மலசூரிய பகுதியில் உள்ள ஒரு தென்னை நார் ஆலையில் பணிபுரிந்து கொண்டிருந்தபோது, ​​கடந்த மாதம் 23ஆம் திகதியன்று அவரது சட்டத்திற்கு புறம்பான காதலியின் தலையில் அடித்து கொலை செய்துள்ளார்.

சம்பவத்தை தொடர்ந்து  வென்னப்புவ பகுதியில் உள்ள தென்னை நார் ஆலையில் பதுங்கி இருந்த நிலையில்  பொலிஸாரால் கைது செய்யப்பட்டுள்ளார்.