பர்ஸ்ட் ரோர் வீடியோ வெளியான உடனே சாதனை! யூடியூப்பை அதிரவைத்த ஜனநாயகன்…

பர்ஸ்ட் ரோர் வீடியோ வெளியான உடனே சாதனை! யூடியூப்பை அதிரவைத்த ஜனநாயகன்…

தமிழ் சினிமாவின் தரமான நடிகராக மட்டுமல்லாமல், மக்கள் மனதில் இடம்பிடித்த நாயகனாகவும் விளங்கும் தளபதி விஜய், இம்முறை தனது பிறந்த நாளை மாபெரும் களமாக மாற்றியுள்ளார். அவரது 51வது பிறந்த நாளை முன்னிட்டு வெளியான “ஜனநாயகன்” படத்தின் ‘பர்ஸ்ட் ரோர்’ வீடியோ ரசிகர்களிடையே பிரமாண்ட வரவேற்பைப் பெற்றுள்ளது.வீடியோ வெளியான சில நிமிடங்களிலேயே, யூடியூப்பில் பார்வையாளர்கள் குவிந்து 15 நிமிடங்களில் 1 மில்லியனை தாண்டியது. இது தமிழ் சினிமா வரலாற்றில் முன்னேற்றமான சாதனையாக பார்க்கப்படுகின்றது. இந்த அப்டேட்டை அதிகாரபூர்வமாக KVN Productions நிறுவனம் அறிவித்துள்ளது.’பர்ஸ்ட் ரோர்’ என அழைக்கப்படும் இந்த வீடியோ, விஜயின் மாஸான அழகையும், அவரது கம்பீர நடையையும் ஒருங்கிணைத்து ரசிகர்களுக்கு தள்ளுபடி இல்லாத குதூகலத்தை தரும் வகையில் அமைந்துள்ளது.இந்நிலையில் அவர் தனது சினிமா வாழ்க்கைக்கு விடை சொல்லும் கடைசி படமாக “ஜனநாயகன்”-ஐ முடிவெடுத்திருக்கிறார் என்பதே, படத்தின் மீது மிகுந்த எதிர்பார்ப்பை ஏற்படுத்தியுள்ளது. ரசிகர்களும், மக்களும் இந்தப் படத்தை சிறந்த ஒரு அரசியல் கருத்துக்களம் கலந்த ‘send off film’ என எதிர்பார்க்கின்றனர்.