ஷாப்பிங் முதல் சினிமா வரை… தள்ளுபடிகளை அள்ளிக் கொடுக்கும் கிரெடிட் கார்டுகளின் பட்டியல் இதோ!

ஷாப்பிங் முதல் சினிமா வரை… தள்ளுபடிகளை அள்ளிக் கொடுக்கும் கிரெடிட் கார்டுகளின் பட்டியல் இதோ!

இன்றைய காலகட்டத்தில், கடன் அட்டைகள் நமது நிதி வாழ்க்கையின் ஒரு முக்கிய அங்கமாக மாறிவிட்டன. சரியான கடன் அட்டையைத் தேர்ந்தெடுப்பது, நமது செலவுகளை நிர்வகிப்பதிலும், சலுகைகளை பெறுவதிலும், நிதிச் சுதந்திரத்தை அடைவதிலும் பெரும் பங்கு வகிக்கிறது. அதன்படி, வாழ்நாள் முழுவதும் இலவசமாக கிடைக்கும் (Lifetime Free) சிறந்த ஐந்து கடன் அட்டைகள் மற்றும் அவற்றின் தனித்துவமான அம்சங்கள் குறித்து பாஸ்வாலா யூடியூப் சேனலில் குறிப்பிடப்பட்டுள்ளது. அவற்றை இந்தக் குறிப்பில் பார்க்கலாம்.அமேசான் பே ஐ.சி.ஐ.சி.ஐ வங்கி கிரெடிட் கார்டு (Amazon Pay ICICI Bank Credit Card):ஆன்லைன் ஷாப்பிங் பிரியர்களுக்கு, குறிப்பாக அமேசானில் அடிக்கடி பொருள் வாங்குபவர்களுக்கு இந்த கடன் அட்டை ஒரு வரப்பிரசாதம். இது அமேசானில் செய்யப்படும் அனைத்து பரிவர்த்தனைகளுக்கும் வரம்பற்ற கேஷ்பேக்கை வழங்குகிறது. பிரைம் உறுப்பினர்களுக்கு அதிக சதவீத கேஷ்பேக்கும், அமேசான் வணிக கூட்டாளர்களிடமிருந்து வாங்கும் பொருட்களுக்கு கூடுதல் சலுகைகளும் கிடைக்கின்றன. இது வாழ்நாள் முழுவதும் இலவசமாக கிடைப்பதால், எந்த வருடாந்திர கட்டணமும் இன்றி அமேசான் ஷாப்பிங்கில் சேமிக்க இது சிறந்த வழியாகும்.க்ரெடிட் பே ஏஸ் யெஸ் பேங்க் கிரெடிட் கார்டு (Kredit pe Yes Bank): இந்தக் கார்டு பயன்படுத்துவதன் மூலம் யுபிஐ பரிவர்த்தனைகளுக்கு 2% கேஷ்பேக் கிடைக்கும். ஆன்லைன் ஷாப்பிங்கில் குறைந்தபட்சம் 8% முதல் தள்ளுபடிகள் கிடைக்கும். இது தவிர பல்வேறு ரிவார்ட் புள்ளிகளும் இதில் கிடைக்கின்றன. ஐ.டி.எஃப்.சி வங்கி வெல்த் கிரெடிட் கார்டு (IDFC Bank Wealth Credit Card): பலதரப்பட்ட நன்மைகளையும், அம்சங்களையும் விரும்பும் நபர்களுக்கு ஐடிஎஃப்சி வங்கி வெல்த் கிரெடிட் கார்டு ஒரு சிறந்த தேர்வாகும். இது உள்நாட்டு மற்றும் சர்வதேச லவுஞ்ச் அணுகல் போன்ற பல சலுகைகளை வழங்குகிறது. இது ஒரு விரிவான பலன்களைக் கொண்ட கடன் அட்டையாகும்.செலெஸ்டா ஃபெடெரல் பேங்க் கிரெடிட் கார்டு (Celesta Federal Bank Credit Card):திரைப்பட ஆர்வலர்களுக்கு இந்த கிரெடிட் கார்டு மிகவும் பயனுள்ளதாக இருக்கும். இது “ஒன்று வாங்கினால் ஒன்று இலவசம்” என்ற சலுகையை திரைப்பட டிக்கெட்டுகளுக்கு வழங்குகிறது. மேலும், இது ஆண்டுதோறும் சர்வதேச லவுஞ்ச் வருகைகளையும், உணவு செலவுகளுக்கு ரிவார்டு புள்ளிகளையும் வழங்குகிறது. இது பொழுதுபோக்கு மற்றும் பயணத்திற்கான ஒரு நல்ல கலவையாகும்.ஸ்கேபியா ஃபெடரல் வங்கி கிரெடிட் கார்டு (Scapia Federal Bank Credit Card):அடிக்கடி பயணம் செய்பவர்களுக்கும், சர்வதேச பரிவர்த்தனைகளை மேற்கொள்பவர்களுக்கும் ஸ்கேபியா ஃபெடரல் வங்கி கிரெடிட் கார்டு மிகவும் பொருத்தமானது. இது சர்வதேச பரிவர்த்தனைகளுக்கு பூஜ்ஜிய அந்நிய செலாவணி மார்க்அப் கட்டணத்தை (Zero Forex Markup) கொண்டுள்ளது. இது வெளிநாட்டு செலவினங்களுக்கு மிகவும் ஏற்றது. இந்த கடன் அட்டையைப் பெற குறைந்தபட்சம் 50,000 ரூபாய் மாத சம்பளம் தேவை .