விமர்சன வீடியோக்களில் விளம்பரம் போட்டால் இரண்டும் பாதிக்கப்படும்…!கலையரசன் எச்சரிக்கை!

விமர்சன வீடியோக்களில் விளம்பரம் போட்டால் இரண்டும் பாதிக்கப்படும்…!கலையரசன் எச்சரிக்கை!

நடிகர் கலையரசன் தற்போது ‘டிரெண்டிங்’ என்ற திரைப்படத்தில் கதாநாயகனாக நடித்துள்ளார். இந்தப்படத்தை அறிமுக இயக்குநர் சிவராஜ் இயக்கியுள்ளார். பிரியாலயா நாயகியாக நடித்துள்ள இந்த கமர்ஷியல் பொழுதுபோக்கு திரைப்படத்தில், பிரேம் குமார் மற்றும் பெசன்ட் ரவியும் முக்கிய கதாப்பாத்திரங்களில் நடித்துள்ளனர். சாம் சி.எஸ். இசையமைத்துள்ள இந்த படம் ஜூலை 18-ம் தேதி திரைக்கு வர உள்ளது. இதில் இடம்பெற்ற பாடல்கள் ஏற்கனவே சமூக ஊடகங்களில் வைரலாகி வருகின்றன.இந்நிலையில், சமீபத்தில் பட விழாவில் கலையரசன் அளித்த கருத்து இணையத்தில் கவனத்தை பெற்றுள்ளது. தமிழ் சினிமா ஊடகங்களில் காணப்படும் தவறான ஓர் நடைமுறை குறித்து அவர் வெளிப்படையாக பேசினார். “ஒரு படம் குறித்த விமர்சன வீடியோவில் வேறு ஒரு படத்தின் விளம்பரம் வந்தால், அது இரண்டும் படங்களும் பாதிக்கப்படும்,” என அவர் சுட்டிக்காட்டினார். ரசிகர்கள் ஒரு படத்திற்காக வந்திருக்கும் போது, இடையே வரும் மற்ற பட விளம்பரம் குழப்பத்தை உருவாக்கும் என்றும், இருவருக்கும் பாதிப்பாகும் என்றும் கூறினார்.விமர்சனங்கள் இன்று மக்களை சென்று சேரும் முக்கிய ஊடகமாக இருக்கையில், அதில் விளம்பரங்களை நுட்பமாக சேர்க்க வேண்டும் என்றார். கலையரசனின் இந்த கருத்துக்கு பலரும் சமூக ஊடகங்களில் ஆதரவை  தெரிவித்து வருகின்றனர்.