சிங்கிள் சார்ஜ் 10 நாட்கள் நீடிக்கும் பேட்டரி… 22,500mAh, 64 mp நைட் விஷன் கேமிராவுடன் களமிறங்கும் ரக்கட் 5ஜி ஸ்மார்ட்போன்!

சிங்கிள் சார்ஜ் 10 நாட்கள் நீடிக்கும் பேட்டரி… 22,500mAh, 64 mp நைட் விஷன் கேமிராவுடன் களமிறங்கும் ரக்கட் 5ஜி ஸ்மார்ட்போன்!

Ulefone நிறுவனம், வெளிப்புறப் பயன்பாடுகளுக்கு ஏற்ற, புதிய மற்றும் மேம்படுத்தப்பட்ட Ulefone Armor 33 மற்றும் Armor 33 Pro ஸ்மார்ட்போன் சீரிஸ்களை அறிமுகப்படுத்தியுள்ளது. இந்தப் போன்கள், அசாதாரணமான பேட்டரி ஆயுள் மற்றும் உறுதியான வடிவமைப்புடன் கவனத்தை ஈர்க்கின்றன.Ulefone Armor 33 சீரிஸ் போன்கள், 22,500mAh என்ற பேட்டரி திறனைக் கொண்டுள்ளன. இது ஒருமுறை சார்ஜ் செய்தால் 10 நாட்கள் வரை பேட்டரி ஆயுளை வழங்கும் என Ulefone நிறுவனம் உறுதியளிக்கிறது. இந்த போன்கள் IP68+IP69K தூசு, நீர் எதிர்ப்புத் தரச்சான்றுகளைப் பெற்றுள்ளன. அதாவது, இவை தூசி மற்றும் தண்ணீருக்கு எதிராக முழுமையாகப் பாதுகாக்கப்படுகின்றன. மேலும், MIL-STD-810H என்ற ராணுவத் தரத்திலான நீடித்துழைப்புச் சான்றிதழையும் கொண்டுள்ளன, அதாவது இவை அதிக உயரத்தில் இருந்து கீழே விழுந்தாலும் சேதமடையாது. 118dB ஸ்பீக்கர் மற்றும் Infinite Halo 2.0 RGB விளக்குகள் பொருத்தப்பட்டுள்ளன.Ulefone Armor 33 சீரிஸ் ஸ்மார்ட்போன்களின் விலைகள் இன்னும் அதிகாரப்பூர்வமாக அறிவிக்கப்படவில்லை.ஆக.18 முதல் சர்வதேச சந்தைகளில் உள்ள வாடிக்கையாளர்கள் Ulefone-ன் அதிகாரப்பூர்வ இணையதளம் மற்றும் AliExpress மூலம் 50% வரை தள்ளுபடியுடன் Armor 33 மற்றும் Armor 33 Pro போன்களை வாங்க முடியும் என்று நிறுவனம் உறுதிப்படுத்தியுள்ளது.Ulefone Armor 33 சீரிஸ் போன்கள் 6.95-இன்ச் முழு-HD+ (1,080×2,460 பிக்சல்கள்) டிஸ்ப்ளேவை கொண்டுள்ளன. இவை 120Hz புதுப்பிப்பு வீதம் (refresh rate), 700 நிட்ஸ் பிரகாச அளவு, மற்றும் கார்னிங் கொரில்லா கிளாஸ் 5 (Corning Gorilla Glass 5) பாதுகாப்புடன் வருகின்றன. ப்ரோ (Pro) மாடலில் கூடுதலாகப் பின்புறம் 3.4-இன்ச் HD+ (412×960 பிக்சல்கள்) IPS LCD திரை உள்ளது. இது 60Hz புதுப்பிப்பு வீதம் மற்றும் 600 நிட்ஸ் பிரகாச அளவைக் கொண்டுள்ளது. அடிப்படை மாடலில் (base variant) பின்புறத் திரைக்குப் பதிலாக, 1,100 லூமன்ஸ் LED லைட் யூனிட் உள்ளமைக்கப்பட்டிருக்கிறது.Ulefone Armor 33 ஆனது MediaTek Helio G100 SoC சிப்செட் மற்றும் 12GB RAM உடன் இயங்குகிறது. ப்ரோ (Pro) மாடல் ஆனது MediaTek Dimensity 7300X சிப்செட் மற்றும் 16GB RAM உடன் வருகிறது. 2 போன்களும் 512GB உள்ளடக்கச் சேமிப்பகத்தை ஆதரிக்கின்றன. இவை ஸ்டாக் ஆண்ட்ராய்டு 14 (Stock Android 14) இயங்குதளத்தில் இயங்குகின்றன. Ulefone Armor 33 சீரிஸ் போன்களில் 3 பின்புற கேமராகள் உள்ளன. 50 mp முதன்மை சென்சார், 64 mp night vision கேமரா, 50 mp அல்ட்ராவைட் (ultrawide) ஷூட்டர், முன்புறத்தில், செல்ஃபிக்களுக்காக 32 mp சென்சார் கொடுக்கப்பட்டுள்ளது.பாதுகாப்பிற்காக, பவர் பட்டனுடன் ஒருங்கிணைக்கப்பட்ட கைரேகை சென்சார் உள்ளது. கூடுதலாக, customisable key மற்றும் கேமராவிற்கான பிரத்யேக பொத்தானும் (dedicated camera button) கொடுக்கப்பட்டுள்ளது. Ulefone Armor 33 Pro ஆனது 5G இணைப்பு ஆதரவுடன் வருகிறது. அடிப்படை மாடல் 4G இணைப்புக்கு மட்டுமே ஆதரவு தருகிறது. இந்த Ulefone Armor 33 சீரிஸ் போன்கள், சாகசப் பயணங்கள் மேற்கொள்வோர் மற்றும் கடினமான சூழலில் வேலை செய்பவர்களுக்கு சிறந்த தேர்வாக அமையும்.