சமையல் எரிவாயு விலை குறித்து வெளியான அறிவிப்பு!

சமையல் எரிவாயு விலை குறித்து வெளியான அறிவிப்பு!

ஓகஸ்ட் மாதத்தில் சமையல் எரிவாயு விலையில் மாற்றம் இல்லை என லிட்ரோ மற்றும் லாஃப்ஸ் நிறுவனங்கள் அறிவித்துள்ளன.

அதன்படி,  தற்போது விற்பனை செய்யப்படும் விலையிலேயே தொடர்ந்தும் லிட்ரோ சமையல் எரிவாயு கொள்கலன்கள் விற்பனை செய்யப்படும் என  லிட்ரோ நிறுவனம் அறிவித்துள்ளது.

12.5 கிலோகிராம் நிறையுடைய லிட்ரோ சமையல் எரிவாயு கொள்கலன் ஒன்றின் விலை 3,690 ரூபாவுக்கு விற்பனை செய்யப்படுகிறது.

5 கிலோகிராம் நிறையுடைய லிட்ரோ சமையல் எரிவாயு கொள்கலன் ஒன்றின் விலை 1,482 ரூபாவுக்கும், 2.3 கிலோகிராம் நிறையுடைய சமையல் எரிவாயு கொள்கலன் ஒன்றின் விலை 694 ரூபாவுக்கும் தொடர்ந்து விற்பனை செய்யப்படுமென லிட்ரோ நிறுவனம் தெரிவித்துள்ளது.

இதேவேளை தற்போது 12.5 கிலோ கிராம் லாஃப்ஸ் சமையல் எரிவாயு சிலிண்டர் 4,100 ரூபாவுக்கும், 5 கிலோ சமையல் எரிவாயு சிலிண்டர் 1,645 ரூபாவுக்கும், 2 கிலோ கிராம் சமையல் எரிவாயு சிலிண்டர் 658 ரூபாவுக்கும் விற்பனை செய்யப்படுகிறது.