லிட்டருக்கு 70 கி.மீ மைலேஜ், ஸ்டைல், செயல்திறன்… ரூ.65,000 முதல் டாப் 5 பெஸ்ட் மைலேஜ் பைக்குகள்!

லிட்டருக்கு 70 கி.மீ மைலேஜ், ஸ்டைல், செயல்திறன்… ரூ.65,000 முதல் டாப் 5 பெஸ்ட் மைலேஜ் பைக்குகள்!

இந்திய சாலைகளில் அதிகம் வலம் வருபவை பட்ஜெட் விலையிலான பைக்குகள். அன்றாடப் பயணங்களுக்கு ஏற்ற நம்பகத்தன்மை, மிகக் குறைந்த பராமரிப்புச் செலவு மற்றும் முக்கியமாக, அதிக மைலேஜ் ஆகிய அம்சங்கள் காரணமாக, இந்த பைக்குகள் எப்போதும் மக்களின் முதல் தேர்வாகவே இருக்கின்றன. அதிலும், பெட்ரோல் விலை உயர்ந்து வரும் இந்தக் காலகட்டத்தில், ஒரு லிட்டர் பெட்ரோலுக்கு அதிகபட்ச மைலேஜ் தரும் பைக்குகள் வாடிக்கையாளர்களுக்கு ஒரு வரப்பிரசாதமாகப் பார்க்கப்படுகின்றன. இந்தியாவில் கிடைக்கும் டாப் 5 பட்ஜெட் பைக்குகள் (விலை, சிறப்பம்சங்கள், மைலேஜ்) குறித்து இந்தப் பதிவில் பார்க்கலாம். 1. ஹீரோ ஸ்ப்ளெண்டர் பிளஸ் (Hero Splendor Plus) பல ஆண்டுகளாக இந்தியச் சந்தையில் முன்னணி பட்ஜெட் பைக்காகத் திகழ்ந்து வருகிறது ஹீரோ ஸ்ப்ளெண்டர் பிளஸ். அதன் உறுதியான உருவாக்கம், நம்பகத்தன்மை மற்றும் எளிமையான வடிவமைப்பு ஆகியவை குடும்பப் பயன்பாட்டிற்கு இது சிறந்த தேர்வாக அமைகின்றன.விலை: ரூ.75,141 முதல் ரூ.79,851 வரை (எக்ஸ்-ஷோரூம்)மைலேஜ்: லிட்டருக்கு 60 முதல் 70 கி.மீ. வரை.சிறப்பம்சங்கள்: 97.2 சிசி இன்ஜின், இது 8.02 பிஎஸ் பவர், 8.05 என்எம் டார்க் திறனை வழங்குகிறது. i3S (Idle Start-Stop System) தொழில்நுட்பம், பைக்கின் இன்ஜின் ஐடிலாக இருக்கும்போது தானாகவே அணைந்து, பெட்ரோல் சேமிப்பிற்கு உதவுகிறது. அனைத்து சாலைகளுக்கும் ஏற்ற, வலுவான சேஸ் மற்றும் சஸ்பென்ஷன் அமைப்பு.2. பஜாஜ் பிளாட்டினா 100 (Bajaj Platina 100) சிறந்த மைலேஜை வழங்குவதில் பஜாஜ் பிளாட்டினா 100 பைக் ஒரு சாதனையாளன். கிராமப்புற மற்றும் நகர்ப்புறப் பயணங்களுக்குச் சமமாகப் பொருந்தும் இதன் எளிமையான வடிவமைப்பு, பலரையும் ஈர்க்கிறது.விலை: ரூ.65,972 முதல் ரூ.69,045 வரை (எக்ஸ்-ஷோரூம்)மைலேஜ்: லிட்டருக்கு 70 முதல் 75 கி.மீ. வரை.சிறப்பம்சங்கள்: 102 சிசி சிங்கிள்-சிலிண்டர் DTS-i இன்ஜின், இது 7.9 பிஎஸ் பவர், 8.3 என்எம் டார்க் திறனை வழங்குகிறது. நீண்ட பயணங்களின் போது ஏற்படும் அதிர்வுகளைக் குறைக்கும் சிறந்த சஸ்பென்ஷன் அமைப்பு. இன்ஸ்டன்ட் பிக்கப் தொழில்நுட்பம் (Instant Pickup Technology), பயணத்தைத் தொடங்கும்போதே சிறந்த செயல்திறனை அளிக்கிறது.3. டிவிஎஸ் ஸ்போர்ட் (TVS Sport) டிவிஎஸ் ஸ்போர்ட் பைக், அதன் ஸ்டைலான தோற்றத்திற்காக இளைஞர்கள் மத்தியில் பிரபலம். அதே சமயம், நம்பமுடியாத மைலேஜ் திறனை வழங்கி, பட்ஜெட்டிலும் சிக்கனத்தைக் கடைப்பிடிக்கிறது.விலை: ரூ.66,493 முதல் ரூ.70,663 வரை (எக்ஸ்-ஷோரூம்)மைலேஜ்: லிட்டருக்கு 75 முதல் 80 கி.மீ. வரை.சிறப்பம்சங்கள்: 109.7 சிசி இன்ஜின், இது 8.19 பிஎஸ் பவர், 8.7 என்எம் டார்க் திறனை வழங்குகிறது. இன்டலிஜென்ட் ஸ்டார்ட்-ஸ்டாப் தொழில் நுட்பம், எரிபொருள் செலவைக் குறைக்கிறது. சிறந்த கிரவுண்ட் கிளியரன்ஸ், பள்ளம் மேடான சாலைகளிலும் சிரமமின்றி பயணிக்க உதவுகிறது.4. ஹோண்டா ஷைன் 125 (Honda Shine 125) ஹோண்டா ஷைன் 125, பட்ஜெட் பைக்கின் அனைத்து அம்சங்களுடன், ஒரு பிரீமியம் பைக்கின் அனுபவத்தையும் வழங்குகிறது. மென்மையான இன்ஜின், நீண்ட கால நம்பகத்தன்மை ஆகியவற்றுக்கு இது பெயர்பெற்றது.விலை: ரூ.80,409 முதல் ரூ.84,409 வரை (எக்ஸ்-ஷோரூம்)மைலேஜ்: லிட்டருக்கு 60 முதல் 65 கி.மீ. வரை.சிறப்பம்சங்கள்: 123.94 சிசி இன்ஜின், இது 10.74 பிஎஸ் பவர் மற்றும் 11 என்எம் டார்க் திறனை வழங்குகிறது. ACG சைலண்ட் ஸ்டார்ட் சிஸ்டம், பைக்கை மிக மென்மையாகவும், சத்தம் இல்லாமலும் ஸ்டார்ட் செய்ய உதவுகிறது. 5-ஸ்பீடு கியர்பாக்ஸ், நெடுஞ்சாலைப் பயணங்களுக்கு ஏற்ற ஒரு வசதியான அனுபவத்தை வழங்குகிறது.5. ஹீரோ பேஷன் பிளஸ் (Hero Passion Plus) ஹீரோவின் பேஷன் பிளஸ் பைக், ஸ்டைலான தோற்றத்துடன் தினசரிப் பயணங்களுக்குத் தேவையான செயல்திறனையும் வழங்குகிறது. இளைஞர்கள் மற்றும் குடும்பப் பயனாளர்கள் என இரு தரப்பினருக்கும் இது ஒரு நல்ல தேர்வாக அமைகிறது.விலை: ரூ.76,401 முதல் ரூ.79,301 வரை (எக்ஸ்-ஷோரூம்)மைலேஜ்: லிட்டருக்கு 65 முதல் 70 கி.மீ. வரை.சிறப்பம்சங்கள்: 97.2 சிசி இன்ஜின், 8.02 பிஎஸ் பவர் மற்றும் 8.05 என்எம் டார்க் திறனை வழங்குகிறது. டிஜிட்டல்-அனலாக் டிஸ்பிளே, இதில் பயணத் தகவல்களை எளிதாகப் பார்க்கலாம். i3S (Idle Start-Stop) தொழில்நுட்பம், பெட்ரோலைச் சேமித்து, செலவைக் குறைக்கிறது. இந்த 5 பைக்குகளும் பட்ஜெட் விலையில் அதிக மைலேஜ், நம்பகத்தன்மை மற்றும் நவீன அம்சங்களை வழங்குவதால், இந்திய சந்தையில் வலுவான போட்டியாளர்களாக உள்ளன. உங்கள் தேவை மற்றும் பட்ஜெட்டுக்கு ஏற்ற பைக்கைத் தேர்ந்தெடுக்கலாம்.