இலங்கையின் தற்போதைய ஏற்றுமதி வருவாய்!

இலங்கையின் தற்போதைய ஏற்றுமதி வருவாய்!

2025 ஜனவரி முதல் செப்டம்பர் வரையிலான காலகட்டத்தில் இலங்கையின் ஏற்றுமதித் துறை தொடர்ந்து நிலைத்தன்மையையும் நிலையான வளர்ச்சியையும் காட்டி மொத்த வருவாய் 12,986.52 மில்லியன் அமெரிக்க டொலர்களைப் பதிவு செய்துள்ளதாக இலங்கை ஏற்றுமதி அபிவிருத்தி சபைதெரிவித்துள்ளது. 

கடந்த 2024 ஆம் ஆண்டின் இதே காலகட்டத்துடன் ஒப்பிடும்போது இது 7% அதிகரிப்பு ஆகும். 

2025 செப்டம்பர் இல் மட்டும், வணிக ஏற்றுமதி, சேவைகள் ஏற்றுமதி ஆகிய இரண்டையும் உள்ளடக்கி மொத்த ஏற்றுமதி வருவாய் 1,469.75 மில்லியன் அமெரிக்க டொலர்களை எட்டியுள்ளது. இது 2024 செப்டம்பர் உடன் ஒப்பிடும்போது 12.33% வளர்ச்சியாகும். 

இது இலங்கையின் ஏற்றுமதித் துறையின் வலிமையையும், சந்தை அணுகலை விரிவுபடுத்துவதற்கும் உலகளாவிய போட்டித்தன்மையை மேம்படுத்துவதற்கும் செயல்படுத்தப்பட்ட உத்திகளின் செயல்திறனையும் நிரூபித்துள்ளது.