நகைப்பிரியர்களுக்கு இன்ப அதிர்ச்சி: சென்னையில் தங்கம் விலை சவரன் ரூ.90 ஆயிரத்திற்கும் கீழ் சரிந்தது

நகைப்பிரியர்களுக்கு இன்ப அதிர்ச்சி: சென்னையில் தங்கம் விலை சவரன் ரூ.90 ஆயிரத்திற்கும் கீழ் சரிந்தது

கடந்த சில நாட்களுக்கு முன்பு உச்ச விலையைத் தொட்டிருந்த தங்கத்தின் விலை, பின்னர் சரிவைச் சந்தித்தது. கடந்த ஒரு வாரமாகப் பெரிய அளவில் மாற்றம் இல்லாமல், ஏற்ற இறக்கத்துடனேயே நீடித்து வந்தது. அந்த வகையில், கடந்த 1-ஆம் தேதி முதல் உயர்ந்திருந்த விலை, நேற்று சற்று ஆறுதல் அளிக்கும் விதமாகக் குறைந்தது.நேற்று முன்தினம் (நவம்பர் 4) ஒரு கிராம் தங்கம் ரூ.11,350-க்கும், ஒரு சவரன் ரூ.90,800-க்கும் விற்பனை செய்யப்பட்டது. நேற்று (நவம்பர் 5) கிராமுக்கு ரூ.100-ம், சவரனுக்கு ரூ.800-ம் குறைந்து, ஒரு கிராம் ரூ.11,250-க்கும், ஒரு சவரன் ரூ.90,000-க்கும் விற்பனையானது. தொடர்ந்து விலை அதிகரித்த பின், மீண்டும் ரூ.90 ஆயிரத்திற்குக் குறைந்தது நகை வாங்குவோரிடையே எதிர்பார்ப்பை ஏற்படுத்தியது.இன்றும் அதிரடி விலை குறைவு!    சவரனுக்கு ரூ.800 குறைந்ததால் மகிழ்ச்சியில் இருந்த நகைப்பிரியர்கள், இன்று விலை மேலும் குறையுமா என ஆவலோடு எதிர்பார்த்திருந்தனர். அந்த எதிர்பார்ப்பை இன்ப அதிர்ச்சியாக்கும் விதமாக, இன்றும் தங்கம் விலை சரிவைச் சந்தித்துள்ளது.வெள்ளி விலையும் குறைந்தது!தங்கத்தின் விலையைப் போலவே, வெள்ளி விலையும் ஏறுவதும், இறங்குவதுமான சூழலில் காணப்பட்டது. நேற்றைய நிலவரப்படி, வெள்ளி விலையானது கிராமுக்கு ரூ.3-ம், கிலோவுக்கு ரூ.3,000-ம் குறைந்து, ஒரு கிராம் ரூ.165-க்கும், ஒரு கிலோ ரூ.1 லட்சத்து 65 ஆயிரத்துக்கும் விற்பனை ஆனது.இந்த நிலையில், இன்றும் வெள்ளி விலையும் சரிந்துள்ளது. இன்று ஒரு கிராம் வெள்ளி ரூ.2 குறைந்து, ஒரு கிராம் ரூ.163-க்கும், ஒரு கிலோ வெள்ளி ரூ.1 லட்சத்து 63 ஆயிரத்துக்கும் விற்பனை செய்யப்பட்டு வருகிறது.