99.99% தூய தங்கம்: உயர் தரத்தில் தங்க உற்பத்தி செய்யும் உலகின் டாப் 5 நாடுகள்!

99.99% தூய தங்கம்: உயர் தரத்தில் தங்க உற்பத்தி செய்யும் உலகின் டாப் 5 நாடுகள்!

நீங்க வாங்கும் தங்கம் 100% தூய்மையானது என்று நினைக்கிறீர்களா? உண்மையில், அப்படி இருக்க வாய்ப்பே இல்லை! தங்கம் இயற்கையாக மிகவும் மென்மையான உலோகம் என்பதால், 100% தூய்மையான தங்கத்தை உருவாக்குவது கிட்டத்தட்ட சாத்தியமற்றது. தற்போது உலகில் அடையக்கூடிய அதிகபட்ச தூய்மையே 99.99% தான். இந்த “99.99%” தங்கத்தை உற்பத்தி செய்வதிலும், சுத்திகரிப்பதிலும் உலகின் டாப் 6 நாடுகள் எவை என்று பார்ப்போம்.1. சீனா: தங்க உற்பத்தியின் கிங்!உலகின் நம்பர் 1 தங்க உற்பத்தியாளர் சீனாதான். அதிநவீன சுரங்கத் தொழில்நுட்பம் மற்றும் உயர்தரத் தங்கத்திற்கான இடைவிடாத உள்நாட்டு தேவை ஆகியவை சீனாவை முதலிடத்தில் வைத்துள்ளது. சீன அரசு மற்றும் தனியார் தங்கசாலைகள் (Mints) மிக உயர்ந்த தூய்மையை உறுதி செய்கின்றன. அதிகளவில் உற்பத்தி செய்வது மட்டுமல்ல, தரமான தங்கத்தை உருவாக்குவதிலும் சீனா இன்று முக்கிய கவனம் செலுத்துகிறது.2. சுவிட்சர்லாந்து: தூய்மையின் மறுபெயர்!தங்கச் சுரங்கம் இல்லாமலேயே தங்கத்தின் தரத்திற்கு பெயர் பெற்ற நாடு சுவிட்சர்லாந்து. தங்கத்தை வெட்டி எடுக்காது; மாறாக, உலகெங்கிலும் இருந்து வரும் தங்கத்தை வாங்கி, அதை 99.99% வரை சுத்திகரித்து, உலகின் “பளிச்” தங்கமாக மாற்றுவதில் இவர்கள் மாஸ்டர்கள். உலகின் மிக உயர்ந்த தொழில் தரத்தில் தங்கக் கட்டிகளை இவர்கள் சுத்திகரித்து மீண்டும் ஏற்றுமதி செய்கிறார்கள். அதனால்தான், சர்வதேச அளவில் “சுவிஸ் தங்கம்” என்பது தூய்மைக்கான அளவுகோலாக (Benchmark) மதிக்கப்படுகிறது.3. ஆஸ்திரேலியா: நம்பிக்கையின் தரம்!ஆஸ்திரேலியா, தங்கத்தின் தூய்மை மற்றும் அதுவெட்டி எடுக்கப்படும் விதத்தில் (Ethical Sourcing) மிக கடுமையான விதிகளைக் கொண்டுள்ளது. குறிப்பாக, இவர்களது “பெர்த் மிண்ட்” (Perth Mint) தங்கசாலை சர்வதேச அளவில் மிகவும் மதிக்கப்படுகிறது. சுரங்கத்தில் இருந்து இறுதித் தங்கக் கட்டி வரை, மேம்பட்ட தொழில்நுட்பங்களைப் பயன்படுத்தி உயர்தரத்தை உறுதி செய்கிறார்கள். இதனால், ஆஸ்திரேலிய தங்க நாணயங்கள் மற்றும் கட்டிகள் முதலீட்டாளர்களின் அசைக்க முடியாத நம்பிக்கையைப் பெற்றுள்ளன.4. அமெரிக்கா: நம்பகமான ஜாம்பவான்!அமெரிக்கா, குறிப்பாக நெவாடா மாகாணம், தங்க உற்பத்தியில் ஒரு முக்கிய ஜாம்பவான். அமெரிக்க அரசாங்கத்தால் வழங்கப்படும் தங்கக் கட்டிகள் மற்றும் நாணயங்கள் (Bullion and Coins) அவற்றின் நிலையான தூய்மைக்காக உலகப் புகழ்பெற்றவை. “யுஎஸ் மிண்ட்” (US Mint) போன்ற புகழ்பெற்ற தங்கசாலைகள், மிக உயர்ந்த உற்பத்தித் தரங்களுக்காக உலகளவில் மதிக்கப்படுகின்றன.5. கனடா: வெளிப்படையான தூய்மை!கனடாவின் “ராயல் கனேடியன் மிண்ட்” (Royal Canadian Mint) தங்கசாலை, முதலீட்டாளர்களின் நம்பிக்கைக்குப் பாத்திரமானது. காரணம், இவர்களது தங்கத்தின் தூய்மை, அரசாங்கச் சான்றிதழ்கள் மற்றும் அது எங்கிருந்து வெட்டி எடுக்கப்பட்டது என்ற வெளிப்படையான (Transparent) தகவல்கள். கனடாவின் கடுமையான கனிம வள சட்டங்கள், இவர்களது தங்கம் உயர் நெறிமுறை மற்றும் தரத்துடன் இருப்பதை உலகளவில் உறுதி செய்கின்றன.6. ரஷ்யா: மாபெரும் சக்தி!சைபீரியா மற்றும் தூர கிழக்கு பகுதிகளில் பிரம்மாண்டமான சுரங்கங்களைக் கொண்ட ரஷ்யா, தங்க உற்பத்தியில் ஒரு முன்னணி சக்தியாகும். இவர்களிடம் வலுவான சப்ளை மற்றும் முதிர்ச்சியடைந்த சுத்திகரிப்பு வசதிகள் உள்ளன. ரஷ்ய தங்கசாலைகள் சர்வதேச தரநிலைகளைப் பின்பற்றுகின்றன, மேலும் உலகளாவிய தங்கச் சந்தையில் ரஷ்யாவின் தங்க ஏற்றுமதி மிக முக்கியப் பங்கு வகிக்கிறது.