நிவின் பாலியின் பிறந்த நாள் ஸ்பெஷல்.. ‘Dear Students’ படத்தின் போஸ்டரை வெளியிட்ட படக்குழு

நிவின் பாலியின் பிறந்த நாள் ஸ்பெஷல்.. ‘Dear Students’ படத்தின் போஸ்டரை வெளியிட்ட படக்குழு

இன்று தனது பிறந்த நாளைக் கொண்டாடும் மலையாள நடிகர் நிவின் பாலிக்கு பல தரப்பில் இருந்து வாழ்த்துக்கள் குவிந்து வருகின்றன. ரசிகர்கள் மட்டுமல்லாமல், திரைத்துறையினரும், சமூக வலைத்தளங்களிலும், ஊடகங்களிலும் வாழ்த்துகளைத் தெரிவித்து வருகின்றனர். இந்நிலையில், நிவின் பாலி நடித்து வரும் பெரும் எதிர்பார்ப்பு கொண்ட திரைப்படமான ‘Dear Students’ படக்குழுவும், அவருக்கு சிறப்பான பரிசினை வழங்கியுள்ளது. ‘Dear Students’ படக்குழு இன்று காலை அதிகாரபூர்வமாக படத்தின் புதிய போஸ்டரை வெளியிட்டு, நிவின் பாலிக்கு பிறந்த நாள் வாழ்த்துகளை தெரிவித்துள்ளது. இப்படம் உருவாகும் செய்தி வெளிவந்த முதல் நாளிலிருந்தே ரசிகர்களிடம் பெரும் வரவேற்பைப் பெற்றது. தற்போது வெளியாகியிருக்கும் இந்த புதிய போஸ்டர், ரசிகர்களிடையே மிகுந்த ஆர்வத்தையும் எதிர்பார்ப்பையும் கிளப்பியுள்ளது.போஸ்டரில், நிவின் பாலி அவரது தனித்துவமான ஸ்டைலில் புதிய தோற்றத்துடன் காணப்படுகின்றார். அவரின் சிரிப்பு மற்றும் ஸ்டைல் கதையின் மையத்தைக் குறிக்கின்ற வகையில் அமைந்துள்ளது. இந்தப் படத்தில் நாயகியாக நயன்தாரா நடிக்கின்றார் என்பதும் குறிப்பிடத்தக்கது. படத்தின் வெளியீட்டு தேதி குறித்தும், டீசர் மற்றும் ட்ரெய்லர் குறித்தும் விரைவில் அறிவிப்பு வெளியாகும் என எதிர்பார்க்கப்படுகிறது. இதனால், நிவின் பாலியின் பிறந்த நாளில் இந்த போஸ்டர் வந்துள்ளதால் ரசிகர்களிடம் எதிர்பார்ப்பு மேலும் வலுவடைந்துள்ளது.