டியூட் படத்தில் பிரதீப் வாங்கிய சம்பளம் இத்தனை கோடியா? நாட்டாமையை மிஞ்சிட்டாரே.!

டியூட் படத்தில் பிரதீப் வாங்கிய சம்பளம் இத்தனை கோடியா? நாட்டாமையை மிஞ்சிட்டாரே.!

கோமாளி படத்தின் மூலம் இயக்குநராக அறிமுகமானவர் பிரதீப் ரங்கநாதன்.  அதன்பின்பு லவ் டுடே படத்தின் மூலம் நடிகராக தமிழ் சினிமா ரசிகர்களிடம் மிகவும் பிரபலமானார். மாரிமுத்து இயக்கத்தில் வெளியான டிராகன் படமும் பிரதீப்புக்கு மெகா ஹிட் படமாக அமைந்தது. குறைந்த பட்ஜெட், அதிக லாபம் என்ற ஃபார்முலாவை பிரதீப் ரங்கநாதனின் படங்கள் வெளிக்காட்டுகின்றன.  இதனால் பிரதீப்பை வைத்து படம் எடுப்பதற்கு பல தயாரிப்பாளர்களும் போட்டி போட்டு வருகின்றனர்.  விக்னேஷ் சிவன் இயக்கத்தில் எல்ஐகே என்ற படத்தில்  பிரதீப் நடித்துள்ளார். இந்த படம் தீபாவளியை முன்னிட்டு ரிலீஸ் ஆக இருந்தது. ஆனால்  ஒரே நேரத்தில் இரண்டு படங்கள் வேண்டாம் என்ற முடிவினால் டிசம்பர் 28ஆம் தேதிக்கு அது தள்ளிப்போனது .தற்போது வெளியான டியூட் படம்  கலவையான விமர்சனங்களை பெற்று வருகிறது.  இந்தப் படத்தை 2கே கிட்ஸ் இளைஞர்கள் கொண்டாடி வருகின்றனர்.  காதல், குடும்ப செண்டிமெண்ட், காமெடி கலந்த ஒரு ஜாலியான படமாக டியூட் படம் உருவாகியுள்ளது. இந்த படத்தில் பிரதீப் ரங்கநாதனுக்கு ஜோடியாக மமிதா பைஜூ நடித்துள்ளார்.  சரத்குமாரும் வித்தியாசமான கேரக்டரில் நடித்து மிரட்டி உள்ளார்.  இந்த படம் முதல் நாளில் 20 கோடி ரூபாய் வசூலித்ததாக  மைத்ரி மூவி மேக்ஸ் நிறுவனம் அதிகார்வபூர்வமாக அறிவித்தது. இந்த நிலையில், டியூட் படத்தில் நடித்த நடிகர்களின் சம்பள விபரம் வெளியாகியுள்ளது. அதன்படி பிரதீப் ரங்கநாதனுக்கு 12 கோடியும், மமீதாவுக்கு 60 லட்சம், சரத்குமார் 70 லட்சம், நேகா செட்டிக்கு 40 லட்சம் வழங்கப்பட்டுள்ளது.