மொத்தமாக ரூ1 கோடி கிடைக்கும்; மாதம் இவ்வளவு சேமித்தால் போதும்: மியூச்சுவல் ஃபண்ட் மேஜிக்

மொத்தமாக ரூ1 கோடி கிடைக்கும்; மாதம் இவ்வளவு சேமித்தால் போதும்: மியூச்சுவல் ஃபண்ட் மேஜிக்

பணம் சம்பாதிப்பது ஒரு கலை என்றால், அதை புத்திசாலித்தனமாக முதலீடு செய்வது ஒரு அறிவியல். நிலையான முதலீட்டின் மூலம் நீண்ட காலத்தில் செல்வத்தைப் பெருக்குவதற்கு சிஸ்டமெடிக் இன்வெஸ்ட்மென்ட்  பிளான் (SIP) ஒரு எளிய, ஆனால் மிகவும் சக்திவாய்ந்த கருவியாகும்.எஸ்.ஐ.பி-யின் (SIP) அடித்தளமாக இரண்டு மந்திரங்கள் செயல்படுகின்றன: ரூபாய் செலவு சராசரி (Rupee-Cost Averaging) மற்றும் கூட்டுச் சக்தியின் பலன் (Power of Compounding).ரூபாய் செலவு சராசரி: சந்தையின் ஏற்ற இறக்கங்களைப் பற்றி கவலைப்படாமல் இருக்க இது உதவுகிறது. அதாவது, சந்தை உயரும்போது குறைவான யூனிட்களையும், குறையும்போது அதிக யூனிட்களையும் நீங்கள் வாங்குவீர்கள். இதன் மூலம் உங்கள் முதலீடு தானாகவே சராசரியாகிவிடும்.கூட்டுச் சக்தி (Compounding): காலப்போக்கில் உங்கள் அசல் முதலீடும், அதிலிருந்து வரும் வருமானமும் சேர்ந்து மேலும் வருமானம் ஈட்டும்போது, உங்கள் பணம் அதிவேகமாகப் பெருகும்.எஸ்.ஐ.பி-யின் ரகசிய பலம்: எஸ்.ஐ.பி (SIP) என்பது செல்வத்தை உருவாக்குவது மட்டுமல்ல, உங்களின் நிதி ஒழுக்கத்தையும் பேணுகிறது. மாதாந்திர முதலீட்டுத் தொகை உங்கள் வங்கிக் கணக்கிலிருந்து தானாகவே கழிக்கப்படுவதால், உணர்ச்சிவசப்பட்டு முடிவெடுப்பதைத் தவிர்த்து, உங்கள் முதலீடு சீராகத் தொடர்கிறது.இதில் உள்ள மற்றொரு பெரிய நன்மை நெகிழ்வுத்தன்மை (Flexibility). நீங்கள் சிறிய தொகையில் தொடங்கலாம், உங்களின் வருமானம் அதிகரிக்கும்போது முதலீட்டுத் தொகையையும் படிப்படியாக அதிகரிக்கலாம். இதற்குப் பெயர்தான் ஸ்டெப்-அப் சிப் (Step-up SIP). இந்த எளிய மாற்றம் உங்களின் நீண்ட கால செல்வ உருவாக்கத்தில் மிகப்பெரிய வித்தியாசத்தை ஏற்படுத்தும்.ஸ்டெப்-அப் எஸ்.ஐ.பி: உங்கள் செல்வத்தை இரட்டிப்பாக்கும் சூத்திரம்!சாதாரண எஸ்.ஐ.பி -ஐ விட, இந்த ஸ்டெப்-அப் சிப் உங்கள் முதலீட்டை எப்படிப் பெருக்குகிறது என்று ஒரு உதாரணத்தைப் பார்ப்போம்:ஒரு உதாரணத்தைக் கவனியுங்கள்: நீங்கள் மாதம் ரூ. 1,000 முதலீடு செய்யத் தொடங்குகிறீர்கள். இதை 20 ஆண்டுகளுக்குத் தொடர்ந்து, சராசரியாக 15% கூட்டு வளர்ச்சி வருமானத்தைப் (CAGR) பெறுகிறீர்கள் என்று வைத்துக் கொள்வோம்.இப்போது, நீங்கள் உங்கள் SIP தொகையை ஒவ்வொரு ஆண்டும் 10% அதிகரித்தால் (முதல் ஆண்டு ரூ. 1,000, இரண்டாம் ஆண்டு ரூ. 1,100, மூன்றாம் ஆண்டு ரூ. 1,210 என உயரும்):அதாவது, ஆண்டுக்கு 10% முதலீட்டை அதிகரிப்பதன் மூலம், நீங்கள் பெறும் தொகை கிட்டத்தட்ட இரண்டு மடங்கு ஆகிறது. பெரும்பாலான மக்களின் சம்பளமும் ஏறக்குறைய இந்தச் சதவீதத்தில் வளர்வதால், இது மிகவும் யதார்த்தமான அணுகுமுறையாகும்.ரூ. 1 கோடி இலக்கை விரைவாக அடைவது எப்படி?மியூச்சுவல் ஃபண்ட் திட்டங்களில் நீண்ட காலத்திற்கு 15% கூட்டு வளர்ச்சி வருமானம் (CAGR) சாத்தியம்தான். இந்தியாவில் 20 ஆண்டுகளை நிறைவு செய்த 100-க்கும் மேற்பட்ட ஈக்விட்டி திட்டங்களில், 55-க்கும் மேற்பட்ட ஃபண்டுகள் 10% முதல் 19.62% வரை வருமானம் அளித்துள்ளன.ரூ. 1 கோடி இலக்கை அடைய உங்களுக்கு எவ்வளவு முதலீடு தேவை என்று பார்ப்போம் (எதிர்பார்க்கப்படும் ஆண்டு வருமானம் 15%):சாதாரண எஸ்.ஐ.பி (நிலையான முதலீடு): இந்த இலக்கை அடைய, நீங்கள் 20 ஆண்டுகளுக்கு மாதம் ரூ. 7,500 முதலீடு செய்ய வேண்டும்.ஸ்டெப்-அப் எஸ்.ஐ.பி (ஆண்டுக்கு 10% அதிகரிப்பு): நீங்கள் உங்கள் SIP தொகையை ஒவ்வொரு ஆண்டும் 10% அதிகரித்தால், அதே ரூ. 1 கோடி இலக்கை 17 ஆண்டுகளுக்கும் குறைவான காலத்தில் அடைய முடியும்.இதன் மூலம், வெறும் மூன்று ஆண்டுகளுக்கு முன்னதாகவே நீங்கள் கோடீஸ்வரர் ஆகலாம் என்பது நிரூபணமாகிறது.முதலீட்டாளர்களுக்கு ஒரு எச்சரிக்கைகடந்த இரண்டு தசாப்தங்களில் பல மியூச்சுவல் ஃபண்ட் எஸ்.பி.ஐ 15% க்கும் அதிகமான வருமானத்தை அளித்துள்ள போதிலும், கடந்த காலச் செயல்பாடு எதிர்கால வருமானத்திற்கு உத்தரவாதம் அல்ல. சந்தைச் சுழற்சிகள், பொருளாதார நிலைமைகள் மற்றும் ஃபண்ட் மேலாண்மை உத்திகள் ஆகியவை வருமானத்தைப் பாதிக்கலாம்.எனவே, முதலீட்டாளர்கள் ஃபண்டுகளை கவனமாக ஆய்வு செய்து, தங்கள் ஆபத்து தாங்கும் திறனுக்கேற்ப முதலீடு செய்ய வேண்டும். கூட்டுச் சக்தியின் முழுப் பலனையும் பெற, நீண்ட காலத்திற்கு முதலீட்டில் நிலைத்திருப்பது மிக முக்கியம்.(பொறுப்புத் துறப்பு: இந்தக் கட்டுரை தகவல் நோக்கங்களுக்காக மட்டுமே. மியூச்சுவல் ஃபண்ட் முதலீடுகள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் நிதி ஆலோசகரை அணுகவும்.)இந்த செய்தியை ஆங்கிலத்தில் வாசிக்க இங்கே கிளிக் செய்யுங்கள்!