ஹரியானா தேர்தலில் எட்டில் ஒரு பங்கு போலி வாக்குகள்: பா.ஜ.க – தேர்தல் ஆணையம் கூட்டு சேர்ந்து ஜனநாயகத்தை அழிக்கிறது – ராகுல் காந்தி குற்றச்சாட்டு

ஹரியானா தேர்தலில் எட்டில் ஒரு பங்கு போலி வாக்குகள்: பா.ஜ.க – தேர்தல் ஆணையம் கூட்டு சேர்ந்து ஜனநாயகத்தை அழிக்கிறது – ராகுல் காந்தி குற்றச்சாட்டு

மக்களவை எதிர்க்கட்சித் தலைவர் ராகுல் காந்தி புதன்கிழமை அகில இந்திய காங்கிரஸ் கமிட்டி தலைமை அலுவலகத்தில் செய்தியாளர் சந்திப்பை நடத்தினார். அப்போது, “ஹரியானாவில் ஒரு பிரேசிலிய மாடல் உட்பட நூற்றுக்கணக்கான போலி வாக்காளர் விவரங்கள் பயன்படுத்தப்பட்டதாகவும், காங்கிரஸ் தோற்க தேர்தல் ஆணையம் பா.ஜ.க-வுடன் கூட்டு சேர்ந்தது” என்றும் குற்றம் சாட்டினார்.ஆங்கிலத்தில் படிக்க:ராகுல் காந்தி செய்தியாளர்கள் சந்திப்பின்போது, “H-கோப்புகள்” (H-Files) என்ற ஆவணங்களை வெளியிட்டார். கடந்த ஆண்டு நடந்த ஹரியானா சட்டமன்றத் தேர்தலில் வாக்கு திருடப்பட்டது என்று குற்றம் சாட்டிய ராகுல் காந்தி, 25 இலட்சம் வாக்காளர் விவரங்கள் போலியாக சேர்க்கப்பட்டதாகவும், காங்கிரஸ் 22,779 வாக்குகள் வித்தியாசத்தில் தோற்க, தேர்தல் ஆணையம் பா.ஜ.க-வுடன் கூட்டு சேர்ந்ததாகவும் குற்றம் சாட்டினார்.ஹரியானாவில் பதிவான வாக்குகளில் எட்டில் ஒரு பங்கு போலி வாக்குகள் என்றும், இதற்கு ஐந்து முறைகள் பயன்படுத்தப்பட்டதாகவும் அவர் கூறினார்.வாக்காளர் பட்டியலில் ஒரே பெண்ணின் புகைப்படம் 223 முறை இடம் பெற்றுள்ளது என்றும், மற்றொரு பெண் 100 முறை வாக்களித்துள்ளார் என்றும் அவர் ஆதாரங்களை வெளியிட்டார்.பிரேசிலிய மாடலின் விவரம் ஹரியானா வாக்காளர் பட்டியலில் பயன்படுத்தப்பட்டுள்ளது. இது ஒரு மத்தியப்படுத்தப்பட்ட நடவடிக்கை என்றும், “ஒரு பிரேசிலியர் ஹரியானா வாக்காளர் பட்டியலில் என்ன செய்கிறார்?” என்றும் அவர் கேள்வி எழுப்பினார்.ஹரியானா மற்றும் உத்தரப் பிரதேசம் ஆகிய இரு மாநிலங்களிலும் ஆயிரக்கணக்கான வாக்காளர்கள் பதிவு செய்துள்ளனர் என்றும், பா.ஜ.க.வின் சரபஞ்ச் (கிராமத் தலைவர்) ஒருவர் இரு மாநிலங்களிலும் வாக்காளராக உள்ளார் என்றும் குற்றம் சாட்டினார்.வீட்டு எண் பூஜ்ஜியம் (House Number 0) குறித்து விளக்கம் அளித்த ராகுல் காந்தி, இந்த முறையில் வாக்காளர்களைக் கண்டறிய முடியாது என்றும், இதனால் வாக்காளர் சரிபார்ப்பு கடினமாகும் என்றும், தலைமைத் தேர்தல் அதிகாரி பொய் சொல்கிறார் என்றும் குற்றம் சாட்டினார்.வாக்குப் பெட்டிகளின் சிசிடிவி காட்சிகளை அழித்துவிட்டதாகவும், இரட்டைப் பதிவுகளை நீக்கத் தேர்தல் ஆணையத்தால் முடியும் என்றும் ஆனால் பா.ஜ.க-வுக்கு உதவ அவர்கள் அதைச் செய்யவில்லை என்றும் அவர் குற்றம் சாட்டினார்.அவர் ஹரியானா முதலமைச்சர் நயாப் சிங் சைனியின் வீடியோவையும் வெளியிட்டு, “காங்கிரஸ் வெல்லும் என்று அனைத்து கருத்துக் கணிப்புகளும் காட்டியபோது, இந்த ‘அனைத்து ஏற்பாடுகளும்’ என்பது என்ன?” என்று கேள்வி எழுப்பினார்.வாக்காளர் பட்டியல் சிறப்புத் தீவிர திருத்தம் என்பது அரசாங்கத்தின் புதிய ஆயுதம் என்றும், இது பீகாரிலும் வாக்குகளை ‘திருட’ பயன்படுத்தப்படுவதாகவும் அவர் கூறினார்.ஹரியானா தேர்தலில் பதிவான வாக்குகளில் எட்டில் ஒரு பங்கு போலி வாக்குகள் என்று குற்றம் சாட்டிய ராகுல் காந்தி, பா.ஜ.க.வுடன் கூட்டு சேர்ந்து தேர்தல் ஆணையம் ஜனநாயகத்தை அழிப்பதாக கூறினார்.டெல்லியில் உள்ள காங்கிரஸ் தலைமை அலுவலகத்தில் நடந்த சிறப்புச் செய்தியாளர் சந்திப்பில் பேசிய ராகுல் காந்தி, தனது குற்றச்சாட்டுகள் “100 சதவிகிதம் உண்மை” என்று கூறினார்.வாக்காளர் பட்டியலில் உள்ள முறைகேடுகள் குறித்து தேர்தல் ஆணையம் மற்றும் பா.ஜ.க.வுக்கு எதிராக தனது “வாக்கு திருட்டு” குற்றச்சாட்டுகளை அடுக்கியுள்ள எதிர்க்கட்சித் தலைவரும் காங்கிரஸ் தலைவருமான ராகுல் காந்தி, கடந்த ஆண்டு தனது கட்சி தோல்வியடைந்த ஹரியானா சட்டமன்றத் தேர்தல் “திருடப்பட்டது” என்றும், மாநிலத்தில் 25 இலட்சம் போலி வாக்குகள் பதிவாகியுள்ளதாகவும் புதன்கிழமை குற்றம் சாட்டினார்.”H-கோப்புகள்” மற்றும் 5 முறைகள்டெல்லியில் உள்ள காங்கிரஸ் தலைமை அலுவலகத்தில் செய்தியாளர்களைச் சந்தித்த ராகுல் காந்தி, தான் முன்பு கர்நாடகா மற்றும் மகாராஷ்டிராவில் “வாக்கு திருட்டு” குற்றச்சாட்டுகளை முன்வைத்ததை நினைவுபடுத்தி, இப்போது “H-கோப்புகள்” (H-Files) என்ற ஆவணங்களை வெளியிட்டார். ஆங்கிலத்தில் படிக்க:ஹரியானாவில் மொத்தம் 2 கோடி வாக்காளர்கள் உள்ளனர் என்று கூறிய அவர், ஹரியானா தேர்தலில் பதிவான வாக்குகளில் எட்டில் ஒரு பங்கு போலி வாக்குகள் என்று குற்றம் சாட்டினார்.இந்த மோசடிக்காக ஐந்து முறைகள் பயன்படுத்தப்பட்டதாக அவர் கூறினார்:போலி புகைப்படங்கள் (Fake Photographs): போலி படங்கள் பயன்படுத்தப்பட்ட வாக்காளர்கள்.இரட்டை வாக்காளர்கள் (Duplicate Voters): உத்தரப் பிரதேசத்தில் பா.ஜ.க.வுடன் தொடர்புடைய வாக்காளர்கள் ஹரியானா தேர்தலிலும் வாக்களித்தது.மங்கலான புகைப்படங்கள் (Blurred Photographs): வாக்காளர் அட்டைகளில் மங்கலான புகைப்படங்கள் பயன்படுத்தப்பட்டது.நீக்கப்பட்ட வாக்காளர்கள் (Deleted Voters): வாக்காளர் பட்டியலில் இருந்து நீக்கப்பட்டவர்கள்.வீட்டு எண் பூஜ்ஜியம் (House Number 0): முகவரியாக வீட்டு எண் பூஜ்ஜியம் (‘House No. 0’) காட்டப்பட்ட வாக்காளர்கள்.அரசியல் சதி மற்றும் முன்னறிவிப்புதனது குற்றச்சாட்டுகள் “100 சதவிகிதம் உண்மை” என்று வலியுறுத்திய அவர், “இது ஒரு மாநிலம் முழுவதும் எப்படி திருடப்பட்டது என்பதைப் பற்றியது. மகா தேவாபுரா, ஆலந்த் (கர்நாடகாவில்) விவகாரங்களுக்குப் பிறகு, இது மாநில மற்றும் தேசிய அளவில் நடக்கிறது என்று நாங்கள் சந்தேகித்தோம்… அனைத்து எக்சிட் போல்களும் காங்கிரஸ் வெற்றி பெறும் என்றுதான் சுட்டிக் காட்டின” என்று கூறினார்.அதே விஷயம் வியாழக்கிழமை முதல் கட்ட வாக்குப் பதிவு நடைபெறவுள்ள பீகார் தேர்தலிலும் நடக்கும் என்றும் அவர் கூறினார். பீகாரில் உள்ள ஜமுய் மாவட்டத்தைச் சேர்ந்த சிலரையும் அவர் பத்திரிக்கையாளர்கள் முன் கொண்டு வந்தார். அவர்கள் தங்கள் பெயர்கள் வாக்காளர் பட்டியலில் இருந்து நீக்கப்பட்டதாகக் கூறினர்.”ஹரியானாவில் எங்களுக்குப் பல புகார்கள் வந்தன. அங்குப் பல கணிப்புகள் தலைகீழாகின. எனவே, ஹரியானாவில் என்ன நடந்தது என்று நாங்கள் விரிவாக ஆராய்ந்தோம்,” என்று அவர் கூறினார். மேலும், “ஹரியானாவின் தேர்தல் வரலாற்றில் முதல்முறையாக,” அஞ்சல் வாக்குகள் (Postal Votes) “உண்மையான வாக்குப் பதிவில் இருந்து வித்தியாசமாக இருந்தன” என்றும், “அஞ்சல் வாக்குகளில் காங்கிரஸ் 73 இடங்களையும், பா.ஜ.க. 17 இடங்களையும் பெற்றது” என்றும் அவர் தெரிவித்தார்.”காங்கிரஸின் அபார வெற்றியைத் தோல்வியாக மாற்ற ஒரு திட்டம் நடைமுறைப்படுத்தப்பட்டது,” என்றும் அவர் குற்றம் சாட்டினார். தேர்தலுக்கு முன்னதாக ஹரியானா முதலமைச்சர் நயாப் சிங் சைனி பேசிய பழைய காணொளியையும் அவர் ஓடவிட்டார். அதில் அவர், பா.ஜ.க. வெற்றி பெற்று ஆட்சி அமைக்கும் என்றும், அதற்கு அனைத்து “வியவஸ்தா” (ஏற்பாடுகளும்) தயார் என்றும் கூறியிருந்தார்.மோசடி முறைகளுக்கு உதாரணம்பிரேசிலிய மாடல்: “போலி வாக்காளர்களுக்கு” உதாரணமாக, ஒரு பிரேசிலியப் பெண்ணின் புகைப்படத்தைக் காட்டிய காந்தி, அவரது ஸ்டாக் புகைப்படம் பயன்படுத்தப்பட்டு, ராய் சட்டமன்றத் தொகுதியில் 10 வாக்குச் சாவடிகளில் 22 முறை வாக்குகள் பதிவாகியுள்ளதாகக் கூறினார். “அவருக்குப் பல பெயர்கள் உள்ளன – சீமா, ஸ்வீட்டி, சரஸ்வதி, ரஷ்மி, விமலா,” என்று அவர் குறிப்பிட்டார். “இது ஒரு மத்தியப்படுத்தப்பட்ட நடவடிக்கை. இந்த பெண்மணியின் விவரங்கள் மத்திய அளவில் தரவுத் தளத்தில் புகுத்தப்பட்டுள்ளது. இந்த பிரேசிலியப் பெண் ஹரியானா வாக்காளர் பட்டியலில் என்ன செய்கிறார்?” என்று அவர் கேள்வி எழுப்பினார். ‘நகல் வாக்காளர்கள்’ மூலம் மொத்தம் 5,21,619 வாக்குகள் திருடப்பட்டுள்ளன என்றும் அவர் குற்றம் சாட்டினார்.223 முறை பதிவு: மற்றொரு “நகல் வாக்காளருக்கு” உதாரணமாக, ஒரு பெண்ணின் புகைப்படத்தைக் காட்டிய காந்தி, அவர் இரண்டு வாக்குச் சாவடிகளில் 223 முறை பட்டியலில் இடம்பெற்றுள்ளார் என்று கூறினார். “அவர் எத்தனை முறை வாக்களித்தார் என்று தேர்தல் ஆணையம் எங்களிடம் சொல்ல வேண்டும். இதனால்தான் தேர்தல் ஆணையம் சிசிடிவி காட்சிகளை அழிக்கிறது. இது போன்ற ஆயிரக்கணக்கான எடுத்துக்காட்டுகள் உள்ளன,” என்று அவர் குற்றம் சாட்டினார். “தேர்தல் ஆணையத்தால் நகல்களை நொடியில் அகற்ற முடியும்… அதற்கு செயற்கை நுண்ணறிவு தேவையில்லை. ஆனால் அவர்கள் அதைச் செய்வதில்லை. அதற்குக் காரணம், அவர்கள் பா.ஜ.க.வுக்கு உதவுகிறார்கள்,” என்றும் அவர் குற்றம் சாட்டினார்.செல்லாத முகவரிகள்: “செல்லாத முகவரிகள்” குறித்துக் கூறிய அவர், வீட்டு எண் பூஜ்ஜியம் (House No. 0) போன்ற எண்களைப் பயன்படுத்தி 93,174 வாக்குகள் திருடப்பட்டுள்ளன என்றும், இது சரிபார்ப்பதை சாத்தியமற்றதாக்குகிறது என்றும் கூறினார்.மொத்த வாக்காளர்கள்: “மொத்த வாக்காளர்கள்” (Bulk Voters) மூலம் 19,26,351 வாக்குகள் திருடப்பட்டுள்ளன என்று அவர் குற்றம் சாட்டினார். ஒரு பா.ஜ.க. தலைவரின் வீட்டில் 66 பேர் வசிப்பதாகவும், அவருக்கு அந்த அனுமதி வழங்கப்பட்டுள்ளதாகவும் அவர் கூறினார். ஒரு வீட்டில் 500 வாக்காளர்கள் வசிப்பதாகவும், அவர்களைத் தேடிச் சென்றபோது அவர்கள் இருக்கவில்லை என்றும், “அவர்கள் உண்மையில் இல்லை. ஏன்? அதனால் உங்களால் சரிபார்க்க முடியாது,” என்றும் அவர் கூறினார்.நீக்கப்பட்ட வாக்காளர்கள்: மக்களவைத் தேர்தல் மற்றும் சட்டமன்றத் தேர்தலுக்கு இடையில், வாக்காளர்களின் மொத்த எண்ணிக்கையில் கிட்டத்தட்ட 2% பேர் அதாவது 3.5 இலட்சம் வாக்காளர்கள் பட்டியலில் இருந்து நீக்கப்பட்டுள்ளனர் என்றும் அவர் குற்றம் சாட்டினார்.ஹரியானா தேர்தல் குறித்த தனது குற்றச்சாட்டுகள் தொடர்பாக நீதிமன்றத்தை அணுகுவாரா என்று கேட்டதற்கு, தான் முன்வைக்கும் தகவல்களை உச்ச நீதிமன்றம் பார்த்துக் கொண்டிருப்பதாகவும், “நாங்கள் அதை வெளிப்படையாகச் செய்கிறோம்” என்றும் ராகுல் காந்தி பதிலளித்தார்.ராகுல் காந்தியின் குற்றச்சாட்டுகளுக்குப் பதிலளித்த தேர்தல் ஆணையம், அவை “ஆதாரமற்றவை” என்று கூறியது. தேர்தல் அதிகாரி ஒருவர், ராகுல் காந்தியின் குற்றச்சாட்டுகளை மறுக்கும் விதமாக, “பல பெயர்களைத் தவிர்ப்பதற்காக, திருத்தத்தின்போது காங்கிரஸ் கட்சிக்குச் சொந்தமான பூத் நிலை முகவர்கள் ஏன் ஆட்சேபனைகள் அல்லது கோரிக்கைகளை எழுப்பவில்லை?” என்று கேள்வி எழுப்பியுள்ளது.ஹரியானா வாக்காளர் பட்டியலில் எந்தவிதமான மேல்முறையீடுகளும் பதிவு செய்யப்படவில்லை என்றும், 90 சட்டமன்றத் தொகுதிகளுக்கு எதிராக தற்போது உயர் நீதிமன்றத்தில் 22 தேர்தல் மனுக்களே நிலுவையில் இருப்பதாகவும் தேர்தல் ஆணைய அதிகாரிகள் தெரிவித்தனர்.பா.ஜ.க.வின் எதிர்வினை என்ன?ராகுல் காந்தி ஹரியானா தேர்தல் குறித்துப் பெரிய குற்றச்சாட்டுகளை வைத்த சில நிமிடங்களிலேயே, பா.ஜ.க. தலைவரும் மத்திய அமைச்சருமான கிரண் ரிஜிஜு பதிலடி கொடுத்தார்.“ராகுல் காந்தி தனது தோல்விகளை மறைக்க பொய்யான, தர்க்கரீதியற்ற கூற்றுக்களைக் கூறி, உளறிக் கொண்டிருக்கிறார்,” என்று ரிஜிஜு கூறினார்.”ராகுல் காந்தி வெளிநாடுகளுக்குச் சென்று, நாட்டின் ஜனநாயகத்தையும், நிறுவனங்களையும் இழிவுபடுத்துகிறார். இந்தியாவுக்கு எதிரான சக்திகளுடன் கூட்டு சேர்ந்து ராகுல் காந்தி விளையாடும் ஆட்டங்கள் ஒருபோதும் வெற்றி பெறாது.” என்றும் ரிஜிஜு மேலும் கூறினார்.ராகுல் காந்தி, தான் சந்தித்த தேர்தல் தோல்விகளை மறைப்பதற்காகவே இதுபோன்ற பிரச்சினைகளை எழுப்புகிறார் என்றும், குறிப்பாக பீகார் தேர்தலுக்கு முன்னதாக கவனத்தைத் திசை திருப்பவே ஹரியானா விவகாரத்தைக் கொண்டு வந்துள்ளார் என்றும் அவர் குறிப்பிட்டார்.