சுனிதா வில்லியம்சின் சிறுநீர் மற்றும் வியர்வை மறுசுழற்சிக்கு உட்படுத்தப்படுகின்றதா…

சுனிதா வில்லியம்சின் சிறுநீர் மற்றும் வியர்வை மறுசுழற்சிக்கு உட்படுத்தப்படுகின்றதா…

நாசா விண்வெளி வீரர்களான சுனிதா வில்லியம்ஸ், புட்ச் வில்மோர் சர்வதேச விண்வெளி நிலையத்தில் சுமார் ஐந்து மாதங்களுக்கு மேல் தங்கியிருக்கும் சூழ்நிலையில் இருவருடைய உடல்நிலை மிகவும் மோசமடைந்துள்ளதாக கூறப்பட்டது.

சுனிதா வில்லியம்ஸ் எடை குறைந்து காணப்படுவதாக தெரிவிக்கப்பட்டது.

இதனைத் தொடர்ந்து இருவருடைய உடல்நிலை குறித்து நாசா மிகவும் உன்னிப்பாக கவனித்து வருகிறது.

அவர்களுடைய உடல்நலம் மற்றும் உணவுகள் விசயத்தில் மிகவும் உன்னிப்பாக கவனித்து வரும் நிலையில், தண்ணீர் சரியான முறையில் பயன்படுத்துதல் மற்றும் அதிக அளவிலான கழிவை குறைத்தல் ஆகியவற்றிலும் கவனம் செலுத்துவதாக கூறப்படுகிறது.

இதன் காரணமாக இருவரின் சிறுநீர் மற்றும் வியர்வை ஆகியவை மறுசுழற்சி மூலம் சுத்தமான நீராக மாற்றப்பட்டு மீண்டும் பயன்படுத்தப்படுவதாக அமெரிக்காவின் நியூயார்க் போஸ்ட் வெளியிட்டுள்ள செய்தியில் குறிப்பிடப்பட்டுள்ளது.

மற்றொரு பக்கம் விண்வெளி நிலையத்தில் உள்ள 530 கலோன் சுத்தமான நீர் தாங்கியிலிருந்து தேவைப்படும் தண்ணீர் எடுக்கப்படுவதாக செய்திகள் வெளியாகியுள்ளது.