ஒரு சில காட்சிகள் சரியில்லை, அதுக்காக இப்படியா? மீண்டும் கங்குவா பற்றி ஜோதிகா கருத்து!

ஒரு சில காட்சிகள் சரியில்லை, அதுக்காக இப்படியா? மீண்டும் கங்குவா பற்றி ஜோதிகா கருத்து!

சூர்யா நடிப்பில் வெளியான கங்குவா திரைப்படம் பாக்ஸ்ஆபீஸில் தோல்வியை சந்திதிருக்கும் நிலையில், இந்த படம் நன்றாகவே இருந்தது என்று தற்போதுவரை கூறி வரும் நடிகை ஜோதிகா, கங்குவா படத்தில் ஒரு சில காட்சிகள் சரியாக இல்லால் இருக்கலாம். ஆனால் ஒட்டுமொத்தமாக பார்க்க போனால் இது ஒரு புதிய முயற்சி. மீடியாக்கள் சரியாக நடந்துகொள்ளாதது வருத்தமாக உள்ளது என்று கூறியுள்ளார்.இந்த செய்தியை ஆங்கிலத்தில் படிக்க: Jyotika says Suriya’s Kanguva getting harsher reviews than other ‘pathetic’ movies irked her: ‘Maybe some parts weren’t good, but…’சூர்யா நடிப்பில் சிறுத்தை சிவா இயக்கத்தில் வெளியான படம் கங்குவா. வரலாற்று பின்னணியில் திரைக்கதை அமைக்கப்பட்ட இந்த படத்தில் சூர்யாவுக்கு வில்லனாக பாபி தியோல் நடத்திருந்த நிலையில், பெரிய எதிர்பார்ப்புக்கு மத்தியில் வெளியான இந்த படம், கலவையான விமர்சனங்களை பெற்று பாக்ஸ் ஆபீஸில் தோல்வியை சந்தித்தது. ரூ.300–350 கோடி பட்ஜெட்டில் தயாரான இந்த படம், உலகளவில் ரூ.106.25 கோடியை மட்டுமே வசூலித்தது, சமீப கால தமிழ் சினிமாவில் மிகப்பெரிய தோல்விப்படங்களில் ஒன்றாக அமைந்தது என்று தொழில்துறை கண்காணிப்பாளர் சக்னில்க் கூறுகிறார்.படத்தின் வெளியீட்டுக்கு முன்னதாக, பெரிய ப்ரமோஷன் இருந்தபோதிலும், மிக மோசமான விமர்சனங்களைப் பெற்று இறுதியில் பாக்ஸ் ஆபிஸில் தோல்வியை சந்தித்து. படத்தின் மிகப்பெரிய தோல்வி சம்பந்தப்பட்ட அனைவரையும் பாதித்தாலும், சூரியாவும் அவரது ரசிகர்களும் கங்குவா மீது அதிக நம்பிக்கை வைத்திருந்ததால், அவர்களுக்கு பெரிய ஏமாற்றமாக அமைந்தது. கடந்த சில ஆண்டுகளாக பாக்ஸ்ஆபீஸில் பெரிய வெற்றியை கொடுக்க காத்திக்கும் சூர்யாவுக்கு இந்த படம் பிளாக்பஸ்டராக மாறும் என்று எதிர்பார்த்தனர்.  ஆனால் படம் இறுதியில் தோல்வியடைந்தது.அதே சமயம் கங்குவா திரைப்படம் திரையரங்குகளில் வெளியானபோது கடுமையான விமர்சனங்களை பெற்றிருந்தாலும், சூர்யாவின் மனைவியும் பிரபல நடிகையுமான ஜோதிகா, அந்தப் படம் குறித்து பாசிட்டீவாக பேசி வருகிறார். இது குறித்து படம் வெளியானபோது அவர் வெளியிட்ட பதிவில், தென்னிந்தியாவில் விமர்சன ரீதியாகவும் வணிக ரீதியாகவும் வெற்றி பெற்ற மோசமான படங்களை தான் பார்த்திருப்பதாக சுட்டிக்காட்டிய ஜோதிகா,  கங்குவா, படத்தில் குறைபாடுகள் இருந்தாலும், இது ஒரு தனித்துவமான முயற்சி என்று சமீபத்தில் தி பூஜா தல்வார் ஷோவில் தோன்றியபோது பகிர்ந்து கொண்டார்.மேலும், என் கணவரின் படத்தைப் பொறுத்தவரை, அது மிகவும் கடுமையாக விமர்சிக்கப்பட்டதாக உணர்ந்தேன். படத்தில் சரியில்லாத சில காட்சிகள் இருக்கலாம். ஆனால் ஒட்டுமொத்தமாக, அதில் நிறைய முயற்சி எடுக்கப்பட்டது. இது ஒரு வகையானது. “எனவே, சில பரிதாபகரமான விமர்சனங்களை விட கங்குவாவுக்கு கடுமையான விமர்சனங்களைப் பார்த்தபோது, அது கஷ்டமாக இருந்தது. மீடியாக்கள் நியாயமாக நடந்து கொள்ளாததற்காக நான் மிகவும் வருத்தப்பட்டேன்,” என்று ஜோதிகா கூறியிருந்தார்.கங்குவா படம் வெளியானபோது தனது சமூகவலைதள பக்கத்தில் குறிப்பிட்ட ஜோதிகா, “ஊடகங்கள் மற்றும் சில சகோதரத்துவவாதிகளிடமிருந்து வரும் எதிர்மறையான விமர்சனங்களைப் பார்த்து நான் ஆச்சரியப்படுகிறேன், ஏனெனில் நான் முன்பு பார்த்த மிகவும் அறிவார்ந்த பெரிய பட்ஜெட் படங்களுக்கு அவர்கள் இவ்வளவு உயர்ந்த மட்டத்தில் விமர்சனம் செய்யவில்லை, அங்கு பெண்கள் பின்தொடரப்படுகிறார்கள், இரட்டை அர்த்த வசனங்கள் பேசப்படுகிறார்கள், மேலும் மிகைப்படுத்தப்பட்ட அதிரடி காட்சிகளைக் வைத்துள்ளனர் என்று கூறியிருந்தார்.மேலும் கங்குவா படத்தில் “நிச்சயமாக முதல் அரை மணி நேரம் வேலை செய்யாது, சத்தம் பயங்கரமாக இருக்கிறது” என்று அவர் ஒப்புக்கொண்டார். இருப்பினும், இந்த அளவிலான மற்றும் சோதனை இயல்புடைய படங்களில் இதுபோன்ற பிரச்சினைகள் இயல்பானவை என்று வாதிட்டு, இந்த குறைபாடுகளை அவர் மறைத்து கூறியிருந்தது குறிப்பிடத்தக்கது.