Connect with us

இந்தியா

இந்தியாவில் அமெரிக்க பொருட்களை தேர்வு செய்யும் பகுதிகள் எவை? அடையாளம் காண அரசு உத்தரவு!

Published

on

Goyal

Loading

இந்தியாவில் அமெரிக்க பொருட்களை தேர்வு செய்யும் பகுதிகள் எவை? அடையாளம் காண அரசு உத்தரவு!

அமெரிக்காவில் புதிய அதிபராக பொறுப்பேற்றுள்ள டெனால்ட் ட்ரம்ப், அமெரிக்காவில் இறக்குமதி செய்யப்படும் வெளிநாட்டு பொருட்களுக்கு வரி உயர்த்துவதாக அறிவித்துள்ளார். இந்த வரி உயர்வு, வரும் ஏப்ரல் 2-ந் தேதி அமலுக்கு வர உள்ள நிலையில், சீனா மற்றும் பிற நாடுகளில் இருந்து இறக்குமதி செய்யப்படும் பொருட்களை அமெரிக்க பொருட்களால் மாற்றக்கூடிய பகுதிகளை அடையாளம் காணுமாறு வர்த்தக மற்றும் தொழில்துறை அமைச்சகம் தொழில்துறையினரிடம் கேட்டுக்கொண்டுள்ளதாக இந்த வளர்ச்சியை நன்கு அறிந்த நிர்வாகிகள் தி இந்தியன் எக்ஸ்பிரஸிடம் தெரிவித்தனர்.இந்த செய்தியை ஆங்கிலத்தில் படிக்க: Identify areas where US goods can be chosen over China, Govt asks industryஆட்டோமொபைல் மற்றும் விவசாயத் துறையில் இந்தியா அதிக வரிகள் விதித்திருப்பது குறித்து அமெரிக்க ஜனாதிபதி டொனால்ட் டிரம்ப் கடுமையாக விமர்சித்த சில நாட்களுக்குப் பிறகு இந்த நடவடிக்கை மேற்கொள்ளப்பட்டுள்ளது. உலகளாவிய வர்த்தகத்தை மறுவடிவமைத்து சீனா மற்றும் ஐரோப்பிய ஒன்றியம் போன்ற முக்கிய நாடுகளை உள்ளடக்கிய வர்த்தகப் போரை தூண்டும் வகையிலான அமெரிக்க வரிகளை பெருமளவில் தவிர்க்க, அரசாங்கம் கட்டணக் குறைப்புக்கள் மற்றும் சந்தை அணுகலில் செயல்பட்டு வருகிறது.இது குறித்து மத்திய தொழில்துறை அமைச்சகத்தின் அறிக்கையின்படி, இந்திய ஏற்றுமதியாளர்களுக்கு சிறந்த விளைவுகளை உறுதி செய்வதற்காக பல உத்திகளைப் பின்பற்றும் அதே வேளையில், ஏற்றுமதியாளர்களின் நலன்களைப் பாதுகாக்க அரசாங்கம் செயல்பட்டு வருவதாக வர்த்தக அமைச்சர் பியூஷ் கோயல் தெரிவித்துள்ளார். மேலும், அமெரிக்காவின் பரஸ்பர வரிகள் குறித்து, கோயல் ஏற்றுமதியாளர்கள் “பாதுகாப்பான மனநிலையை” கடந்து செல்லுமாறும் தைரியமாக இருக்குமாறும் கேட்டுக்கொண்டுள்ளார்.இது தொடர்பாக நேற்று (மார்ச் 13) தொழில்துறை பிரதிநிதிகளுடனான சந்திப்பின் போது, அதிகாரிகள் இந்த வரிகளின் வாய்ப்புகள் மற்றும் தாக்கம் குறித்து விவாதித்தனர். இந்த வாரம் அமலுக்கு வந்த டிரம்பின் 25 சதவீத வரி உயர்வால், எஃகு மற்றும் அலுமினிய ஏற்றுமதியாளர்கள், இந்த உலோகங்கள் மீதான 5 பில்லியன் டாலர் மதிப்புள்ள பொருட்கள் ஏற்கனவே பாதிக்கப்பட்டுள்ளதாக அரசாங்கத்திடம் தெரிவித்தனர்.இது குறித்து, இந்தியாவின் பொறியியல் ஏற்றுமதி மேம்பாட்டு கவுன்சிலின் (EEPC) தலைவர் பங்கஜ் சாதா, டிரம்பின் சமீபத்திய வரிகளால் 5 பில்லியன் டாலர் மதிப்புள்ள ஏற்றுமதிகள் பாதிக்கப்பட்டுள்ளது. இதனால், மைக்ரோ, சிறு மற்றும் நடுத்தர நிறுவனங்கள் (MSME) துறை கவலையில் ஆழ்ந்துள்ளது. 72/73/76 அத்தியாயங்களின் கீழ் மொத்த ஏற்றுமதிகள் 5 பில்லியன் டாலர்கள். இரும்பு மற்றும் எஃகு பொருட்களை உள்ளடக்கிய அத்தியாயம் 73, 3 பில்லியன் டாலர்கள் மதிப்புடையது. இவை அனைத்தும், முதன்மையாக மைக்ரோ, சிறு மற்றும் நடுத்தர நிறுவனங்கள் மூலம் ஏற்றுமதியாளர்களால் இயக்கப்படுகிறது.மேலும், ஏற்றுமதியாகும் பொருட்கள், அமெரிக்கா சென்றடைவதற்கான பயண நேரம் சுமார் 60 நாட்கள் என்பதால், சுமார் 1 பில்லியன் டாலர் மதிப்புள்ள ஏற்றுமதிகள் தற்போது கடல்களில் உள்ளன. இந்த வரியால் அந்த பொருட்களும் பாதிக்கப்படும் என்று கூறியள்ள அவர், ஜவுளி, ரத்தினங்கள் நகைகள், கம்பளங்கள் மற்றும் மின்னணுவியல் போன்ற துறைகளில் அரசாங்கம் அமெரிக்காவிற்கு வழங்கக்கூடிய சந்தை மதிப்பு குறித்து தொழில்துறை பிரதிநிதிகள் குறித்த தகவல்களையும் வழங்கினர்.அமெரிக்க தயாரிப்புகளுக்கு வரி இல்லாத அணுகலுக்கு ஜவுளித் துறை விருப்பம் தெரிவித்தாலும், வெட்டப்பட்ட மற்றும் மெருகூட்டப்பட்ட வைரங்கள் மீதான வரியை தற்போதைய 5 சதவீதத்திலிருந்து குறைந்தபட்சம் 2.5 சதவீதமாக வைத்திருக்குமாறு ரத்தினக் கற்கள் மற்றும் நகைத் துறை அரசாங்கத்தை வலியுறுத்தியுள்ளது. இதற்கிடையில், சீனா, மெக்ஸிகோ மற்றும் கனடா போன்ற முக்கிய அமெரிக்க சப்ளையர்கள் அதிக வரிகளை எதிர்கொள்வதால், இந்தியா ஏற்கனவே அதிக ஆர்டர்களைப் பெறுவதாக பல ஏற்றுமதியாளர்கள் அரசாங்கத்திடம் தெரிவித்தனர்.விவசாயம் மற்றும் வேறு சில துறைகளைத் தவிர, மற்ற துறைகளுக்கு இந்த வரிகள் இந்தியாவுக்கு சாதகமாக செயல்படக்கூடும், ஏனெனில் நாங்கள் அமெரிக்காவை விட மிகக் குறைந்த விலையில் பொருட்களை உற்பத்தி செய்கிறோம். சில பிரிவுகளில் அமெரிக்காவிற்கு வரிகள் குறைக்கப்பட்டாலும், போட்டித்தன்மைதான் முக்கியம்,” என்று கூட்டத்தில் பங்கேற்ற ஒருவர் கூறியுள்ளார். இதற்கிடையில், அதிகரித்த வர்த்தகக் கொள்கை நிச்சயமற்ற தன்மை மற்றும் புதிய வரிகளின் வாய்ப்பு நடுத்தர காலத்தில் வர்த்தகத்தை பாதிக்கக்கூடும் என்று உலக வர்த்தக அமைப்பு (WTO) எச்சரிக்கை விடுத்துள்ளது.அதிகரித்து வரும் வர்த்தகக் கொள்கை நிச்சயமற்ற தன்மை, வணிகங்களும் நுகர்வோரும் சாத்தியமான நடவடிக்கைகளுக்கு முன்னதாக இறக்குமதிகளை முன்கூட்டியே ஏற்றுவதால் வர்த்தகத்தை தற்காலிகமாக அதிகரித்திருக்கலாம், இது ஆண்டின் பிற்பகுதியில் தேவையைக் குறைக்கக்கூடும். இதன் விளைவாக, காற்றழுத்தமானி குறியீட்டை எச்சரிக்கையுடன் விளக்க வேண்டும், ”என்று உலக வர்த்தக அமைப்பு வெளியிடப்பட்ட அதன் அறிக்கையில் தெரிவித்துள்ளது.

Advertisement
Continue Reading
Advertisement
Click to comment

Leave a Reply

உங்கள் மின்னஞ்சல் வௌியிடப்பட மாட்டாது. கட்டாயமான புலங்கள் * ஆக குறிக்கப்பட்டுள்ளன