PBKS vs RR LIVE Score: ஆதிக்கம் செலுத்துமா பஞ்சாப்? ராஜஸ்தானுடன் இன்று மோதல்

PBKS vs RR LIVE Score: ஆதிக்கம் செலுத்துமா பஞ்சாப்? ராஜஸ்தானுடன் இன்று மோதல்

10 அணிகள் பங்கேற்றுள்ள இந்தியன் பிரீமியர் லீக் (ஐ.பி.எல். 2025) டி20 தொடரின் 18-வது சீசன் மார்ச் 22 ஆம் தேதி முதல் பரபரப்பாக அரங்கேறி வருகிறது. இந்நிலையில், இந்த தொடரில் இன்று சனிக்கிழமை 7:30 மணிக்கு சண்டிகர் மாநிலம் முல்லன்பூரில் நடைபெறும் 18-வது லீக் போட்டியில் பஞ்சாப் கிங்ஸ் –  ராஜஸ்தான் ராயல்ஸ் அணிகள் மோதுகின்றன.ஆங்கிலத்தில் படிக்கவும்: PBKS vs RR LIVE Cricket Score, IPL 2025நடப்பு தொடரில் இதுவரை ஆடிய 2 போட்டிகளிலும் வென்று முதலிடத்தில் இருக்கிறது ஸ்ரேயாஸ் தலைமையிலான பஞ்சாப். அதே இடத்தில் தொடர்ந்து நீடிக்க அந்த அணி வரிந்து கட்டும். இதுவரை ஆடிய 3  போட்டிகளில் ஒன்றில்  மட்டும் வென்று 9-வது இடத்தில் இருக்கிறது சஞ்சு சாம்சன் தலைமையிலான  ராஜஸ்தான். புள்ளிகள் பட்டியலில் முன்னேற அந்த அணி கடுமையாக போராடும். எனவே, இவ்விரு அணிகள் மோதும் இன்றைய ஆட்டத்தில் விறுவிறுப்புக்கு குறைவிருக்காது.   நேருக்கு நேர் ஐ.பி.எல்-லில் பஞ்சாப் மற்றும் ராஜஸ்தான் அணிகள் இதுவரை 28 போட்டிகளில் நேருக்கு நேர் மோதியுள்ளன. இந்த 28 போட்டிகளில், பஞ்சாப் 12 போட்டிகளில் வென்றுள்ளது. அதே நேரத்தில் ராஜஸ்தான் 16 முறை வெற்றி பெற்றுள்ளது.