உள்ளூராட்சி மன்றங்களுக்கான உறுப்பினர்கள் தொடர்பில் தேர்தல் ஆணைக்குழுவின் விசேட அறிவிப்பு!

உள்ளூராட்சி மன்றங்களுக்கான உறுப்பினர்கள் தொடர்பில் தேர்தல் ஆணைக்குழுவின் விசேட அறிவிப்பு!

உள்ளூராட்சி மன்றங்களுக்குத் தேர்ந்தெடுக்கப்பட்ட உறுப்பினர்கள் குறித்த விபரங்களை உடனடியாக வழங்குமாறு அனைத்துக் கட்சிகளையும் சுயேச்சைக் குழுக்களையும் தேர்தல் ஆணையம் கேட்டுக் கொண்டுள்ளது.

தொடர்புடைய தகவல்கள் கிடைத்தவுடன், உள்ளூராட்சி மன்றங்களுக்கான உறுப்பினர்களின் பெயர்களை வர்த்தமானியில் வெளியிட நடவடிக்கை எடுக்கப்படும் என்று அதன் தலைவர், ஆர்.எம்.ஏ.எல். ரத்நாயக்க குறிப்பிட்டுள்ளார்.

இதேவேளை, உள்ளூராட்சித் தேர்தல்கள் தொடர்பான வருமானம் மற்றும் செலவு அறிக்கைகளை சமர்ப்பிக்காத அனைத்து வேட்பாளர்கள், அரசியல் கட்சிகள் மற்றும் சுயேச்சைக் குழுக்கள் 27 ஆம் திகதிக்கு முன்னர் அந்த அறிக்கைகளை சமர்ப்பிக்க வேண்டும் என்றும் அவர் அறிவுறுத்தியுள்ளார்.