கேரளாவில் காங்கிரஸின் எழுச்சி: நிலம்பூர் இடைத் தேர்தலில் கிடைத்த வெற்றி!

கேரளாவில் காங்கிரஸின் எழுச்சி: நிலம்பூர் இடைத் தேர்தலில் கிடைத்த வெற்றி!

கேரள மாநிலம் நிலம்பூர் தொகுதி இடைத்தேர்தலில் காங்கிரஸ் வெற்றி பெற்றுள்ளது. காங்கிரஸ் வேட்பாளர் ஆர்யாடன் சௌகத் அபார வெற்றி பெற்றுள்ளார். அவர் தன்னை எதிர்த்து போட்டியிட்ட மார்க்சிஸ்ட் வேட்பாளரைவிட 11,077 வாக்குகள் கூடுதலாக பெற்று வெற்றி பெற்றுள்ளார். 2 முறை சி.பி.ஐ.(M) ஆதரவு பெற்ற சுயேச்சை சட்டமன்ற உறுப்பினர் பி.வி.அன்வர் தனது பதவியை ராஜினாமா செய்ததையடுத்து இடைத்தேர்தல் நடைபெற்றது. பி.வி. அன்வர் இம்முறை சுயேச்சையாகப் போட்டியிட்டு, 19,690 வாக்குகளுடன் 3-வது இடத்தைப் பிடித்தார்.காங்கிரஸ் கட்சியின் பிரியங்கா காந்தி பிரதிநிதித்துவப்படுத்தும் வயநாடு மக்களவைத் தொகுதியின் கீழ் வரும் நிலம்பூர் சட்டமன்றத் தொகுதியில் 75.87% வாக்குப்பதிவு பதிவாகியுள்ளது. வெற்றி பெற்ற ஆரியடன் ஷௌக்கத், மறைந்த காங்கிரஸ் மூத்த தலைவர் ஆரியடன் முகமதுவின் மகன் ஆவார். ஆரியடன் முகமது 1987 முதல் 2016 வரை இத்தொகுதியின் சட்டமன்ற உறுப்பினராகப் பதவி வகித்தவர் என்பது குறிப்பிடத்தக்கது.கேரளாவின் நிலம்பூர் இடைத்தேர்தலில் காங்கிரஸ் பெற்ற வெற்றி, கட்சிக்கு பல வகைகளில் முக்கியத்துவம் வாய்ந்தது:பினராயி விஜயன் அரசுக்கு எதிரான மக்கள் தீர்ப்பு: காங்கிரஸ் கட்சி இந்த இடைத்தேர்தலை, முதலமைச்சர் பினராயி விஜயன் தலைமையிலான 9 வருட ஆட்சிக்கு எதிரான மக்கள் ஆணையாகவே அணுகியது. 2021-க்குப் பிறகு காங்கிரஸ் எல்.டி.எஃப்-இடமிருந்து ஒரு தொகுதியைக் கைப்பற்றுவது இதுவே முதல்முறை. இதற்கு முந்தைய இடைத்தேர்தல்களில் காங்கிரஸ் தான் வசம் இருந்த தொகுதிகளை மட்டுமே தக்கவைக்க முடிந்தது. இந்த வெற்றி ஆளும் அரசு மீதான அதிருப்தியைப் பிரதிபலிப்பதாக காங்கிரஸ் கருதுகிறது.வரவிருக்கும் தேர்தல்களுக்கு ஊக்கம்: இந்த வெற்றி, இந்த ஆண்டு இறுதியில் நடைபெறவிருக்கும் உள்ளாட்சித் தேர்தல்களுக்கும், அடுத்த ஆண்டு ஏப்ரல்-மே மாதங்களில் நடைபெறவுள்ள சட்டமன்றத் தேர்தல்களுக்கும் காங்கிரஸ் கட்சிக்கு ஒரு பெரிய நம்பிக்கையை அளிக்கும். சி.பி.ஐ.(எம்) மட்டுமல்லாமல், சுயேச்சையாகப் போட்டியிட்ட பி.வி. அன்வரையும் எதிர்த்து காங்கிரஸ் வெற்றி பெற வேண்டியிருந்தது, இது கட்சியின் தேர்தல் இயந்திரத்தின் வலிமையைக் காட்டுகிறது.வி.டி. சத்தீசனின் செல்வாக்கு அதிகரிப்பு: இந்த தேர்தல் முடிவு, பிரச்சார இயந்திரத்திற்கு தலைமை தாங்கிய எதிர்க்கட்சித் தலைவர் வி.டி. சத்தீசனின் செல்வாக்கைப் பலப்படுத்தும். நிலம்பூரில் அன்வரை ஐ.யு.டி.எஃப் உடன் இணைக்க அனுமதிக்கும் அவரது கோரிக்கையை சத்தீசன் எதிர்த்தார். தோல்வி ஏற்பட்டிருந்தால், ஐ.யு.டி.எஃப், காங்கிரஸ் இரண்டிலும் சத்தீசனின் மேலாதிக்கம் பலவீனமடைந்திருக்கும். இந்த வெற்றி அவரது நிலைப்பாட்டை உறுதிப்படுத்தியுள்ளது.சி.பி.ஐ.(எம்) மற்றும் விஜயனுக்கு பின்னடைவு: கேரளாவின் நிலம்பூர் இடைத்தேர்தலில் ஆளும் சி.பி.ஐ.(எம்) கட்சி தோல்வியடைந்துள்ளது, இது முதல்வர் பினராயி விஜயன் அரசு 9 ஆண்டுகளை நிறைவு செய்துள்ள நிலையில் தோல்வியை சந்தித்துள்ளது. எல்.டி.எஃப் அரசுக்கு எதிராக எந்த விதமான ஆட்சிக்கு எதிரான அலை இல்லை எனக்கூறி வந்த சி.பி.ஐ.(எம்), அடுத்தாண்டு தேர்தல்களில் 3வது முறையாக ஆட்சிக்கு வருவதற்கான பிரச்சாரத்தைத் தொடங்கியுள்ளது. இந்தத் தோல்வி அவர்களுக்கு பெரிய சவாலாக அமைகிறது.நிலம்பூரில், சி.பி.ஐ.(எம்) முன்பு சுயேச்சைகளுக்கு ஆதரவு அளித்து வந்த வழக்கத்தை மாற்றி, இம்முறை நேரடியாக தங்கள் வேட்பாளரை நிறுத்தியது. இருப்பினும், இளைஞர் தலைவரை களமிறக்கியதன் மூலம், ஆட்சிக்கு எதிரான மனநிலையை முறியடிக்க கட்சி தவறிவிட்டது. அதேசமயம், நிலம்பூரில் கிடைத்த இந்த தீர்ப்பை, அடுத்த ஆண்டு நடைபெறவுள்ள சட்டமன்றத் தேர்தல்களில் ஏற்படப் போகும் முடிவுகளின் முன்னோடியாக மட்டுமே எடுத்துக்கொள்ள முடியாது என்றும் பார்க்கப்படுகிறது.இந்தத் தோல்வி, பினராயி விஜயன் தலைமையிலான சி.பி.ஐ.(எம்) அரசுக்கு ஏற்பட்டுள்ள நான்காவது இடைத்தேர்தல் பின்னடைவாகும். இதற்கு முன்னர் புதுப்பள்ளி, பாலக்காடு மற்றும் திருக்காக்கரை சட்டமன்றத் தொகுதிகளிலும் எல்.டி.எஃப் தோல்வியடைந்துள்ளது. ஆளும் கட்சி இழந்த ஒரு சிட்டிங் சீட்டை எதிர்க்கட்சி கைப்பற்றுவது இதுவே முதல் முறை என்பதும் குறிப்பிடத்தக்கது.சி.பி.ஐ.(எம்) மாநிலச் செயலாளர் எம்.வி. கோவிந்தன், நிலம்பூரில் மக்கள் அளித்த தீர்ப்பை ஏற்றுக்கொள்வதாகத் தெரிவித்துள்ளார். மேலும், இந்தத் தோல்வியை ஆய்வு செய்து, தவறுகளை சரிசெய்து முன்னேறுவோம் என்றும், தேவைப்பட்டால் திருத்தங்களைச் செய்வோம் என்றும் அவர் கூறியுள்ளார். இந்த இடைத்தேர்தல், ஆளும் அரசுக்கு எதிரான மனநிலையை வெளிப்படுத்துவதாக காங்கிரஸ் கட்சி கருதுகிறது. மேலும், இந்த வெற்றி வரவிருக்கும் உள்ளாட்சி, சட்டமன்றத் தேர்தல்களில் காங்கிரஸுக்கு ஒரு உத்வேகத்தை அளிக்கும் என எதிர்பார்க்கப்படுகிறது.நிலம்பூர் இடைத்தேர்தல் முடிவுகள் மற்றும் எதிர்காலம்:நிலம்பூர் இடைத்தேர்தலில் சுமார் 19,000 வாக்குகளைப் பெற்று, 2016 முதல் சி.பி.ஐ.(எம்) ஆதரவு சுயேச்சையாக அவர் பிரதிநிதித்துவப்படுத்திய தொகுதியில் தனது செல்வாக்கை அன்வர் நிரூபித்துள்ளார். அவர் இடதுசாரி ஜனநாயக முன்னணிக்கு (எல்.டி.எஃப்) எதிரான வாக்குகளைப் பிரித்துள்ளார், அதில் ஒருபகுதி காங்கிரஸுக்குச் சென்றிருக்கும். அன்வர், “பினராயிசம்” (செயல்பாட்டு பாணி) தோற்கடிக்கவே தான் தேர்தலில் களமிறங்கியதாக அறிவித்துள்ளார். (பினராயிசம் என்பது கேரள அரசியலில் முதல்வர் பினராயி விஜயனின் தனிப்பட்ட தலைமை பாணியையும், அவர் சார்ந்திருக்கும் சிபிஎம் கட்சியின் சில கொள்கைகளையும் விமர்சிப்பதற்காகப் பயன்படுத்தப்படும் சொல்.)திரிணாமூல் காங்கிரஸ் (TMC) மாநில ஒருங்கிணைப்பாளராக இருக்கும் அன்வரின் எதிர்காலம், காங்கிரஸின் அணுகுமுறையைப் பொறுத்தது. இதுவரை, ஐக்கிய ஜனநாயக முன்னணியுடன் (UDF) இணைய வேண்டும் என்ற அவரது விருப்பத்திற்கு காங்கிரஸ் கதவுகளை மூடி வைத்துள்ளது.நிலம்பூருக்கு வெளியே அன்வருக்கு பெரிய அளவில் செல்வாக்கு இல்லை என்பது, காங்கிரஸ் ஒரு முடிவெடுப்பதற்கு முன் பரிசீலனை செய்யும் ஒரு காரணியாக இருக்கும். மேலும், அன்வர் ஒரு சவாலை முன்வைத்த போதிலும், காங்கிரஸ் கணிசமான வாக்கு வித்தியாசத்தில் வெற்றி பெற முடிந்தது என்பதும் கவனிக்கத்தக்கது. அன்வரின் இந்த வாக்குகள், காங்கிரஸ் மற்றும் சி.பி.ஐ.(எம்) ஆகிய இரு கட்சிகளின் வாக்கு வங்கிகளில் இருந்தும் பெறப்பட்டிருக்கலாம், நிலம்பூர் அரசியலில் அவரது தனிப்பட்ட செல்வாக்கை காட்டுகிறது. அரசியல் எதிர்காலம், காங்கிரஸுடனான பேச்சுவார்த்தைகள் மற்றும் அவர் தனது ‘பினராயிச’ எதிர்ப்பு நிலைப்பாட்டை எவ்வாறு தக்கவைக்கிறார் என்பதைப் பொறுத்தே அமையும்.பா.ஜ.க.வின் மந்தமான அணுகுமுறை:நிலம்பூர் இடைத்தேர்தலில் பாரதிய ஜனதா கட்சியின் (பா.ஜ.க) வேட்பாளர் மோகன் ஜார்ஜ் காங்கிரஸ், சி.பி.ஐ.(எம்) மற்றும் அன்வருக்குப் பின்னால் நான்காவது இடத்தைப் பிடித்தார். புதிய மாநிலத் தலைவர் ராஜீவ் சந்திரசேகர் தலைமையில் உள்ள பா.ஜ.க, சட்டமன்றத் தேர்தலுக்கு ஒரு வருடத்திற்கும் குறைவாக இருக்கும் நிலையில், இந்த இடைத்தேர்தல் மாநில அரசியலில் எந்த மாற்றத்தையும் கொண்டு வராது என்று கூறி, போட்டியிடுவதில் தயக்கம் காட்டியது.2011 மக்கள் தொகை கணக்கெடுப்பின்படி 45% வாக்காளர்கள் இந்துக்கள் உள்ள இந்தத் தொகுதியில், கட்சி ஒரு உள்ளூர் கிறிஸ்தவ தலைவரை, அதாவது கேரளா காங்கிரஸ் என்ற பிராந்திய கிறிஸ்தவ கட்சியில் இருந்து தேர்வு செய்தது. இந்தத் தொகுதியில் கிறிஸ்தவர்கள் மொத்த வாக்காளர்களில் 8% க்கும் குறைவாகவே உள்ளனர்.