08 தேசிய அடையாள அட்டைகளை வைத்திருந்தவர் கைது

08 தேசிய அடையாள அட்டைகளை வைத்திருந்தவர் கைது

   கண்டியில் சிறப்பு சோதனை நடவடிக்கையின் போது, 08 தேசிய அடையாள அட்டைகளை (National Identity Card) வைத்திருந்த ஒருவர் உட்பட பலர் கைது செய்யப்பட்டதாக பொலிஸ் கண்காணிப்பாளர் அனுருத்த பண்டாரநாயக்க தெரிவித்தார்.

இந்த முறை கண்டி எசல பெரஹெரா ரந்தோலி பெரஹெராவைக் காண ஏராளமான பக்தர்கள் வருவார்கள் என்று எதிர்பார்க்கப்படுவதால், பணியில் உள்ள பொலிஸ் அதிகாரிகளுக்கு கூடுதலாக பொலிஸ் குழுக்கள் நிறுத்தப்படும் என பொலிஸ் கண்காணிப்பாளர் தெரிவித்தார்.

பொலிஸ் கண்காணிப்பாளர் அலுவலகத்தில், திங்கட்கிழமை (04) நடைபெற்ற ஊடக சந்திப்பில் மூத்த காவல்துறை கண்காணிப்பாளர் அனுருத்த பண்டாரநாயக்க இவ்வாறு தெரிவித்தார்.

பெரஹெராவைப் பார்ப்பது என்ற போலிக்காரணத்தின் கீழ் பல்வேறு குற்றச் செயல்களில் ஈடுபடக்கூடிய நபர்கள் பொதுமக்களிடையே இருப்பதால், சந்தேகத்திற்கிடமான நபர்களை அடையாளம் கண்டால் உடனடியாக அருகிலுள்ள பொலிஸ் அதிகாரிக்கு அறிவிக்குமாறும் அவர் பொதுமக்களுக்குத் தெரிவித்தார்.