தனுஷ்க்கு மீண்டும் திருமணம்: அமெரிக்காவில் கொண்டாட்டம் நடத்திய நெப்போலியன்: நெகிழ்ச்சி பதிவு

தனுஷ்க்கு மீண்டும் திருமணம்: அமெரிக்காவில் கொண்டாட்டம் நடத்திய நெப்போலியன்: நெகிழ்ச்சி பதிவு

தசை சிதைவு நோயால் பாதிக்கப்பட்ட தனது மகனுக்காக அமெரிக்காவில் செட்டில் ஆன, நடிகரும் முன்னாள் அரசியல்வாதியுமான நெப்போலியன், கடந்த ஆண்டு தனது மகனுக்கு ஜப்பானில் திருமணம் செய்த நிலையில், தற்போது அமெரிக்காவில் மீண்டும் திருமணத்தை நடத்தியுள்ளார்.பாரதிராஜா இயக்கத்தில் வெளியான புது நெல்லு புது நாத்து படத்தின் மூலம் தமிழ் சினிமாவில் அறிமுகமானவர் நடிகர் நெப்போலியன். 90-களில் தமிழ் சினிமாவின் முன்னணி நடிகராக பல வெற்றிப்படங்களை கொடுத்த இவர், படங்களில் பாடகராகவும் தன்னை நிரூபித்துள்ளார். அரசியலில் திமுக சார்பில் தேர்தலில் போட்டியிட்ட எம்.பி.யாக இருந்த நெப்போலியன், மத்திய அமைச்சராகவும் பதவியில் இருந்துள்ளார்.ஜெயசுதா என்பவரை திருமணம் செய்துகொண்ட நடிகர் நெப்போலியனுக்கு 2 மகன்கள் உள்ளனர். இதில் அவரது மூத்த மகன் தனுஷ் சிறுயதிலேயே தசை சிதைவு நோயால் பாதிக்கப்பட்ட நிலையில, அவரின் சிகிச்சைக்காக நெப்போலியன், தனது குடும்பத்துடன் அமெரிக்காவில் செட்டில் ஆகிவிட்டார். சமீபத்தில் தனது மூத்த மகன் தனுஷ்க்கு ஜப்பானில் திருமணம் நடத்தினார் நெப்போலியன். இந்த திருமணம் தொடர்பான புகைப்படங்கள் மற்றும் வீடியோக்கள் இணையத்தில் வைரலாக பரவியது.மேலும், தனுஷ் குறித்து அவதூறு பரப்பும் வகையிலான வீடியோக்களும் இணையத்தில் வெளியானது. இது குறித்து நெப்போலியன் நெல்லை காவல் நிலையத்தில் புகார் அளித்திருந்தார். அதன்பிறகு வீடியோவை நீக்கினர். இதனிடையே கடந்த சில தினங்களுக்கு முன்பு, தனது மகன் தனுஷ் பிறந்த நாளை விமர்சையாக கொண்டாடிய நெப்போலியன் அது தொடர்பான புகைப்படங்கள் மற்றும் வீடியோக்களை வெளியிட்டிருந்தார். அந்த வரிசையில் தற்போது மகன் தனுஷ்க்கு மீண்டும் திருமணம் செய்து வைத்துள்ளார் நெப்போலியன்.A post shared by Nepoleon Duraisamy (@nepoleon_duraisamy)முதல் திருமணம் ஜப்பானில் நடைபெற்ற நிலையில், தற்போது அமெரிக்க முறைப்படி மீண்டும் திருமணம் செய்து வைத்துள்ளார். இது குறித்த வீடியோ பதிவை வெளியிட்டுள்ள நெப்போலியன், உங்களின் அன்போடும் ஆசீர்வாதத்துடனும், அமெரிக்க அரசின் திருமண அனுமதிபெற்று நேஷ்வில்லில் வாழும் நம் தமிழ்ச் சொந்தங்கள், நண்பர்கள் முன்னிலையில், நேஷ்வில் ஶ்ரீ கணேஷ் கோவிலின் மூத்த குருக்களின் வாழ்த்துக்களோடு, அமெரிக்க அரசால் அங்கீகரிக்கப்பட்ட அதிகாரியின் தலைமையில், அமெரிக்க முறைப்படி , எங்கள் மகன் தனுஷ்க்கும் & அக்‌ஷயாவிற்கும் திருமணம் இனிதே நடைபெற்றது. உங்களின் மேலான பார்வைக்கும் உங்களின் வாழ்த்துக்களுக்கும்..! நன்றிகள் பல கோடி..! என்று பதிவிட்டுள்ளார்.