வேலை நிறுத்தத்தில் இறங்கிய இலங்கை போக்குவரத்து சபையின் தொழிற்சங்கங்கள்!

வேலை நிறுத்தத்தில் இறங்கிய இலங்கை போக்குவரத்து சபையின் தொழிற்சங்கங்கள்!

இலங்கை போக்குவரத்து சபையின் பல தொழிற்சங்கங்கள் நான்கு கோரிக்கைகளை முன்வைத்து நேற்று (27) நள்ளிரவு முதல் வேலைநிறுத்தத்தில் ஈடுபட்டுள்ளன.

 இலங்கை போக்குவரத்து சபையின் சமகி சேவக சங்கத்தின் தலைவர் நிரோஷன் சம்பத் பிரேமரத்ன, கூட்டு நேர அட்டவணையில் பேருந்துகளை இயக்கும் முடிவுக்கு எதிர்ப்பு தெரிவித்தும், வேறு பல கோரிக்கைகள் காரணமாகவும் இந்த வேலைநிறுத்தம் தொடங்கப்பட்டதாக தெரிவித்தார். 

 அறிமுகப்படுத்தப்பட்ட கூட்டு நேர அட்டவணையில் பல சிக்கல்கள் இருப்பதாக இலங்கை தனியார் பேருந்து உரிமையாளர்கள் சங்கத்தின் தலைவர் கெமுனு விஜேரத்னவும் தெரிவித்தார். 

 இருப்பினும், அனைத்து தரப்பினரின் கருத்துக்களின் அடிப்படையிலேயே கூட்டு நேர அட்டவணை தயாரிக்கும் பணி மேற்கொள்ளப்பட்டதாக தேசிய போக்குவரத்து ஆணையத்தின் தலைவர் பி.ஏ. சந்திரபால தெரிவித்தார். 

 தொழிற்சங்கங்கள் முன்வைத்த பெரும்பாலான கோரிக்கைகள் ஏற்கனவே வழங்கப்பட்டிருப்பதால், வேலைநிறுத்தம் நியாயமற்றது என்று போக்குவரத்து துணை அமைச்சர் பிரசன்ன குமார குணசேன கூறினார். 

 இலங்கை போக்குவரத்து சபையுடன் இணைந்த தொழிற்சங்கங்கள் வேலைநிறுத்தத்தை செயல்படுத்துவதாக அறிவித்த போதிலும், நேற்று நள்ளிரவு முதல் கொழும்பு மத்திய பேருந்து நிலையத்திலிருந்து இயக்கத் தொடங்கிய பேருந்துகள் வழக்கம் போல் தங்கள் பயணத்தைத் தொடங்கியதாக தெரிவிக்கப்படுகுிறது. 

 இலங்கை போக்குவரத்து சபையுடன் இணைந்த ஒரு சாரதி இன்று எந்த பிரச்சனையும் இல்லாமல் பேருந்துகளை இயக்க ஏற்பாடுகள் செய்யப்பட்டுள்ளதாக தெரிவித்தார்.

லங்கா4 (Lanka4)

அனுசரணை