உலகம்
Maharashtra Election Results: எதிர்க்கட்சி அந்தஸ்து கூட.. மகாராஷ்டிராவில் மகா விகாஸ் அகாதி கூட்டணியின் பரிதாப நிலை!
Maharashtra Election Results: எதிர்க்கட்சி அந்தஸ்து கூட.. மகாராஷ்டிராவில் மகா விகாஸ் அகாதி கூட்டணியின் பரிதாப நிலை!
மகாராஷ்டிரா தேர்தலில் எதிர்க்கட்சியான மகா விகாஸ் அகாதி கூட்டணி மோசமான தோல்வியை சந்தித்துள்ளது.
மகாராஷ்டிர சட்டப்பேரவைத் தேர்தலில் அபார வெற்றி பெற்ற பாஜக கூட்டணி ஆட்சியை தக்கவைத்துள்ளது. இந்த தேர்தலில், பாஜகவை உள்ளடக்கிய ஆளும் கூட்டணியான மகாயுதி மற்றும் காங்கிரஸ் இடம்பெற்ற மகா விகாஸ் அகாடி இடையே போட்டி இருந்தது. தேர்தல் முடிவுகளின்படி, பாஜக போட்டியிட்ட 149 இடங்களில் 132 இடங்களை கைப்பற்றி தனிப்பெரும் கட்சியாக உருவெடுத்துள்ளது. முதலமைச்சர் ஏக்நாத் ஷிண்டே தலைமையிலான சிவசேனா 57 இடங்களையும், அஜித்பவார் தலைமையிலான தேசியவாத காங்கிரஸ் 41 இடங்களையும் கைப்பற்றின.
எதிர்முனையில், காங்கிரஸ் கட்சி 16 இடங்களில் மட்டுமே வென்றி பெற்றுள்ளது. உத்தவ் தாக்கரே தலைமையிலான சிவசேனா 20 இடங்களையும், சரத்பவாரின் தேசியவாத காங்கிரஸ் 10 இடங்களையும் மட்டுமே கைப்பற்றின.
மொத்தம் 288 இடங்களைக் கொண்ட மகாராஷ்டிரா சட்டப்பேரவையில் பெரும்பான்மைக்கு 145 இடங்கள் தேவை எனும் நிலையில், பாஜக கூட்டணி 234 இடங்களை அள்ளியதால், மீண்டும் ஆட்சி அமைக்க உள்ளது. காங்கிரஸ் இடம்பெற்ற எதிர் கூட்டணி மொத்தம் 50 தொகுதிகளை மட்டுமே கைப்பற்றியது.
எதிர்க்கட்சி அந்தஸ்தைப் பெற மொத்தமுள்ள இடங்களில் 10 விழுக்காட்டை பெற்றிருக்க வேண்டும் எனும் நிலையில், காங்கிரஸ் கூட்டணியில் எந்த கட்சியும் அந்த இலக்கை எட்டவில்லை.
அதிலும் சரத்பவாரின் தேசியவாத காங்கிரஸ் கட்சி வரலாற்றில் இதுவரை இல்லாத மோசமான தோல்வியைத் தழுவியிருக்கிறது.