கிரெடிட் ஸ்கோர் என்றால் என்ன…? அது எப்படி கணக்கீடு செய்யப்படுகிறது…? விளக்கமான தகவல்கள்!!!

கிரெடிட் ஸ்கோர் என்றால் என்ன…? அது எப்படி கணக்கீடு செய்யப்படுகிறது…? விளக்கமான தகவல்கள்!!!

பேமெண்ட் வரலாறு: பேமெண்ட் ரெக்கார்டு என்பது நீங்கள் வாங்கிய கிரெடிட் கார்டு, பர்சனல் லோன், ஹோம் லோன் மற்றும் மற்றும் பிற லோன்கள் மற்றும் கிரெடிட் அக்கவுண்டுகளின் விவரங்களை வைத்திருக்கக் கூடியது. இதில் நீங்கள் தவறவிட்ட அல்லது தாமதமாக செலுத்திய பேமெண்ட்டுகள் போன்ற அனைத்து விவரங்களும் இருக்கும். நீங்கள் சரியான நேரத்தில் பேமெண்ட்டை செலுத்தினீர்களா?, எவ்வளவு தொகை செலுத்தினீர்கள்?, எத்தனை பேமெண்ட்களை தவற விட்டீர்கள்? போன்ற அனைத்து விவரங்களின் அடிப்படையிலும் கிரெடிட் ஸ்கோர் கணக்கிடப்படும்.

கிரெடிட் பயனீட்டு விகிதம் என்பது உங்களுடைய கிரெடிட் ஸ்கோரை நிர்ணயிப்பதில் முக்கியப் பங்கு கொண்டுள்ளது. இது பொதுவாக நீங்கள் எடுக்கக்கூடிய மொத்த கடன் தொகையில் நீங்கள் எவ்வளவு கடனாக வாங்கி இருக்கிறீர்கள் என்பதை வகுத்து கணக்கிடப்படுகிறது. இந்த விகிதம் 30 சதவீதத்தை விட அதிகமாக இருந்தால், உங்களுடைய கிரெடிட் ஸ்கோர் குறைந்துவிடும்.

நீங்கள் வைத்திருக்கக்கூடிய கடன்களின் எண்ணிக்கை மற்றும் வகையும் உங்களுடைய கிரெடிட் ஸ்கோரை பாதிக்கலாம். ஹோம் லோன், பர்சனல் லோன் மற்றும் கிரெடிட் கார்டுகள் போன்றவை உங்களுடைய கிரெடிட் ஸ்கோரை அதிகரிக்கும் .

அடமானம் மூலமாக பெறப்படும் கடன்கள் மற்றும் அடமானம் இல்லாமல் பெறும் கடன்கள் ஆகியவை இணைந்து உங்களுடைய சிபில் ஸ்கோரை பாதிக்கலாம். அடைமானம் வைத்து நீங்கள் வாங்கிய கடன்கள் உங்களுடைய கிரெடிட் ஸ்கோரில் குறைவான தாக்கத்தையே ஏற்படுத்தும். ஆனால் இந்த கடனை திருப்பி செலுத்துவதில் நீங்கள் தாமதம் காட்டி இருந்தால், அது உங்களுடைய கிரெடிட் ரிப்போர்ட்டில் எதிர்மறையாக எதிரொலிக்கும்.

கடன் விண்ணப்பங்கள் கடனுக்காக நீங்கள் பல்வேறு விண்ணப்பங்களை சமர்ப்பித்து இருந்தால் இந்த காரணத்திற்காக உங்களுடைய விண்ணப்பம் நிராகரிக்கப்படுவதற்கான வாய்ப்புகள் உள்ளன. எனவே எப்பொழுதும் நீங்கள் கடன் வாங்குவதில் உறுதியாக இருந்தால் மட்டுமே அது குறித்த செயல்முறையில் ஈடுபடுவது அவசியம்.

கிரெடிட் ஸ்கோர் என்பது குறைந்தபட்சமாக 300-ல் ஆரம்பித்து அதிகபட்சமாக 900 வரை செல்லும்.

உங்களுடைய பர்சனல் லோன் EMIகள் மற்றும் கிரெடிட் கார்டு பேலன்ஸ்கள் போன்றவற்றை சரியான நேரத்தில் திருப்பி செலுத்துவதை உறுதிப்படுத்துங்கள். இது உங்களுடைய பொருளாதார பொறுப்பை வெளிப்படுத்தும் ஒரு முக்கியமான விஷயம். ஒரு முறை நீங்கள் பேமெண்ட் செலுத்த தவறிவிட்டால் கூட அது உங்களுடைய கிரெடிட் ஸ்கோரை மிக மோசமாக பாதிக்கலாம்.

கிரெடிட் கார்டு பில்லை பொறுத்தவரை குறைந்தபட்ச தொகையை மட்டும் செலுத்துவதை தவிர்ப்பது நல்லது. ஒவ்வொரு மாதத்திற்கான மொத்த பேலன்ஸ் தொகையையும் செலுத்துங்கள். இது அதிக வட்டி விதிக்கப்படுவதை தவிர்ப்பதோடு மட்டுமல்லாமல், உங்களுடைய கிரெடிட் ஸ்கோரையும் அதிகரிக்கும்.

எப்போதும் உங்களுடைய கிரெடிட் கார்டின் அதிகபட்ச லிமிட் வரை பயன்படுத்துவதை தவிர்ப்பது நல்லது. ஏனெனில், இது உங்களுடைய கிரெடிட் ஸ்கோரை குறைத்து விடலாம்.

அளவுக்கு அதிகமாக கிரெடிட் கார்டுகள் அல்லது பெரிய அளவிலான லோன்கள் வாங்குவதை முடிந்த அளவு தவிர்க்கவும். இந்த இரண்டின் காரணமாகவும் நீங்கள் மிக எளிதாக கடன் விலைக்குள் மாட்டிக் கொள்ளலாம். எனவே, உங்களால் திருப்பிச் செலுத்தக்கூடிய தொகையை மட்டும் கடனாக வாங்குவது அவசியம்.

இறுதியாக, எந்த ஒரு கடனாக இருந்தாலும் சரி அதில் அபாயங்கள் கட்டாயமாக இருக்கும் என்பதை மனதில் வைத்துக் கொள்ளுங்கள். எனவே, எந்த ஒரு கிரெடிட் கார்டு அல்லது கடன் வாங்குவதற்கு முன்பும் உங்களுடைய பொருளாதார திறனை கருத்தில் கொள்வது அவசியம். இதன் மூலமாக நீங்கள் சிறந்த ஒரு முடிவை எடுத்து கடன் வலைகளுக்குள் மாட்டிக் கொள்ளாமல், அதே நேரத்தில் நல்ல கிரெடிட் ஸ்கோரை பராமரிக்கலாம்.