அமெரிக்க பொருட்களுக்கு அதிக வரி விதிப்பு: இந்தியா மீது டொனால்ட் டிரம்ப் தாக்கு

அமெரிக்க பொருட்களுக்கு அதிக வரி விதிப்பு: இந்தியா மீது டொனால்ட் டிரம்ப் தாக்கு

‘அவர்கள் எங்களுக்கு வரி விதித்தால், நாங்களும் அவர்களுக்கு அதே அளவு வரி விதிப்போம்’ என இந்தியா குறித்து டொனால்ட் டிரம்ப் பேசியுள்ளார். பரஸ்பர வரிகளை சுமத்துவதற்கான தனது நோக்கத்தை மீண்டும் வலியுறுத்தி, அமெரிக்க அதிபராக தேர்ந்தெடுக்கப்பட்ட டொனால்ட் டிரம்ப், இந்தியா அதிக வரி வசூலிப்பதாக குற்றம் சாட்டினார். மேலும் இந்தியா விதிக்கும் அதே அளவு வரி விதிக்கப்படும் என்றும் எச்சரித்தார். திங்களன்று Mar-a-Lago-ல் செய்தியாளர்களிடம் பேசிய டிரம்ப், சில குறிப்பிட்ட அமெரிக்க தயாரிப்புகளுக்கு இந்தியா 100% வரி விதித்திருப்பதற்கு டொனால்ட் டிரம்ப்  விமர்சனம் செய்தார். “எனக்கு பரஸ்பர வார்த்தை முக்கியமானது, ஏனென்றால் இந்தியா  நம் சொந்தத்தைப் பற்றி நாம் பேச வேண்டியதில்லை, இந்தியா எங்களிடம் 100 சதவீதம் வசூலித்தால், அதற்காக நாங்களும்  அவர்களிடம் அதையே வசூலிக்கலாம் இல்லையா? உங்களுக்கு தெரியும், அவர்கள் ஒரு சைக்கிளை அனுப்புகிறார்கள், நாங்கள் அவர்களுக்கு ஒரு சைக்கிளை அனுப்புகிறோம். அவர்கள் எங்களிடம் 100 மற்றும் 200 வசூலிக்கிறார்கள்,” என்று டிரம்ப் கூறினார்.சீனாவுடனான வர்த்தக ஒப்பந்தம் குறித்த கேள்விக்கு பதிலளித்த டிரம்ப், இந்தியாவும் பிரேசிலும் தான் அதிக வரி விதிப்பதாக கூறினார்.“இந்தியா நிறைய வரி வசூலிக்கிறது. பிரேசிலும் அதிக வரி வசூலிக்கிறது. அவர்கள் எங்களிடம் கட்டணம் வசூலிக்க விரும்பினால், அது பரவாயில்லை, ஆனால் நாங்கள் அவர்களிடம் அதே கட்டணத்தை வசூலிக்கப் போகிறோம், ”என்று டிரம்ப் செய்தியாளர் சந்திப்பில் கூறினார். ஆங்கிலத்தில் படிக்க:  ‘If they tax us, we tax them the same amount’: Donald Trump’s message to India on high tariffs