25 வருட பழமை; எனக்கு படிப்பு வரல, ஆனா அடக்கமான பொண்ணு இல்ல; சுந்தரி நடிகை ஹோம் டூர் வீடியோ!

25 வருட பழமை; எனக்கு படிப்பு வரல, ஆனா அடக்கமான பொண்ணு இல்ல; சுந்தரி நடிகை ஹோம் டூர் வீடியோ!

பிரபல நடிகை கேப்ரியெல்லா செல்லஸ், தன் தனிப்பட்ட வாழ்க்கையின் ஒரு பகுதியை தனது ரசிகர்களுடன் பகிர்ந்து கொண்டார். சமீபத்தில் அவர் தனது சொந்த ஊரான திருச்சியில் உள்ள தனது வீட்டைச் சுற்றி ஒரு ஹோம் டூர் வீடியோ சினிஉலகம் யூடியூப் பக்கத்தில் செய்து இருந்தார். அதில் அவர் தனது வீடு மற்றும் வாழ்க்கைப் பயணத்தைப் பற்றிப் பேசினார்.நடிகை கேப்ரியெல்லா செல்லஸ், தமிழ் தொலைக்காட்சி மற்றும் திரைப்படத் துறையில் நன்கு அறியப்பட்டவர். இவர் தனது நடிப்புத் திறமையால் ரசிகர்களின் மனதில் இடம் பிடித்தவர்.  கேப்ரியெல்லாவின் திரை வாழ்க்கையில் ஒரு திருப்புமுனையாக அமைந்தது சன் டிவியில் ஒளிபரப்பான “சுந்தரி” என்ற தொடர். இந்தத் தொடரில், அவர் “சுந்தரி தேவி” என்ற முக்கிய கதாபாத்திரத்தில் நடித்தார். இது அவரது நடிப்புக்கு பெரிய அளவில் பாராட்டைப் பெற்றுத்தந்தது. “சுந்தரி” தொடர் 1000 எபிசோட்களைக் கடந்து மிகப் பெரிய வெற்றியைப் பெற்றது. இந்தக் கதாபாத்திரம் அவரை மக்கள் மத்தியில் மிகவும் பிரபலமாக்கியது. அதுமட்டுமின்றி  அவர் 2016-ல் நடிகர் ரஜினிகாந்த் நடித்த “கபாலி” திரைப்படத்தில் ஒரு சிறிய வேடத்தில் நடித்தார். இது அவரது திரை வாழ்க்கையின் தொடக்கமாக அமைந்தது. 2019-ல் வெளியான “ஐரா” திரைப்படத்தில் நடிகை நயன்தாராவின் சிறுவயது கதாபாத்திரத்தில் நடித்து ரசிகர்களிடையே கவனம் பெற்றார்.கேப்ரியெல்லா கூறியதன்படி, அவரது அம்மாவால் சுமார் 25 ஆண்டுகளுக்கு முன்பு கட்டப்பட்ட இந்த வீடு, இன்றும் மாறாத பழமையான அழகைக் கொண்டிருக்கிறது. தனது வீட்டின் ஒவ்வொரு பகுதியையும் காண்பிக்கும்போது, அவர் குடும்பத்துடன் இருந்த அழகான தருணங்களை நினைவுகூர்ந்தார். இந்த பயணத்தில், அவர் தனது சிறு வயதுப் புகைப்படங்களைப் பற்றியும் பேசினார். ஒரு குறிப்பிட்ட சிறுவயதுப் புகைப்படத்தைப் பார்த்து, அந்தப் புகைப்படம் எடுக்கும்போது பயந்ததாகக் குறிப்பிட்ட அவர், காலப்போக்கில் தான் எப்படி ஒரு தைரியமான பெண்ணாக மாறினார் என்பதையும் பகிர்ந்துகொண்டார்.தனது பள்ளிப் படிப்பைப் பற்றியும் அவர் மனம் திறந்து பேசினார். தான் சிறுவயதிலிருந்தே படிப்பு வராது என்றும், ஆசிரியர்களிடம் இருந்து தப்பிப்பதற்காகப் பல காரணங்களைக் கூறி நடித்ததாகவும் அவர் வெளிப்படையாகக் கூறினார். ஆனால், அப்போது ஒரு பொழுதுபோக்காக இருந்த நடிப்பு, இன்று அவரது வாழ்க்கையாகவும், தொழிலாகவும் மாறிவிட்டதைக் கண்டு அவர் மகிழ்ச்சி அடைந்தார்.மேலும், கேப்ரியெல்லா செல்லஸ் ஒரு நாடகப் பள்ளியை நடத்தி வருவதாகவும் தெரிவித்தார். இது அவரது நடிப்புத் திறனை மேலும் வளர்த்துக்கொள்வதோடு, புதிய கலைஞர்களை உருவாக்குவதற்கும் உதவுகிறது. நடிகையாகவும், நாடகப் பள்ளி நடத்துபவராகவும், அவர் தனது கலையை அடுத்த தலைமுறைக்குக் கொண்டு செல்கிறார்.