இனி பேசிக் கொண்டே தேடலாம், கேமராவிலும் கேட்கலாம்… கூகுள் ‘சர்ச் லைவ் ஏ.ஐ. மோட்’ இந்தியாவில் அறிமுகம்!

இனி பேசிக் கொண்டே தேடலாம், கேமராவிலும் கேட்கலாம்… கூகுள் ‘சர்ச் லைவ் ஏ.ஐ. மோட்’ இந்தியாவில் அறிமுகம்!

கூகுள் நிறுவனம், இந்தியாவில் தனது மொபைல் தேடல் அனுபவத்தில் பெரிய மாற்றத்தை கொண்டுவந்துள்ளது. புதிதாக அறிமுகப்படுத்தப்பட்டு உள்ள ‘சர்ச் லைவ் இன் ஏ.ஐ. மோட்’ என்ற இந்த அம்சம், ஆன்லைன் தேடல்களை இண்ட்ராக்டிவ் (Interactive), உரையாடல் வடிவில் (Conversational) மாற்ற வடிவமைக்கப்பட்டுள்ளது. அமெரிக்காவுக்கு வெளியே இந்த வசதியை பெறும் முதல்நாடு இந்தியா என்பது குறிப்பிடத்தக்கது. ஆங்கிலம் மற்றும் இந்தி ஆகிய இரு மொழிகளிலும் கிடைக்கிறது.சர்ச் லைவ் என்றால் என்ன?’சர்ச் லைவ்’ வசதியுடன், பயனர்கள் இப்போது கூகுளுடன் நேரடியாகப் பேசலாம் அல்லது பொருள்களைக் காட்ட தங்கள் ஃபோனின் கேமராவைப் பயன்படுத்தலாம். நீங்க பேசும் கேள்விக்கு ஏ.ஐ. உடனடியாகப் பதிலளிக்கிறது. ஒரு நிஜ உரையாடலைப் போலவே, நீங்கள் தொடர்ந்து துணைக் கேள்விகளைக் (follow-up questions) கேட்கலாம். உங்க ஃபோன் கேமராவை ஒரு பொருள் அல்லது காட்சியின் மீது காட்டினால், அதைப் பற்றி ஏ.ஐ. ஆராய்ந்து பதிலளிக்கும்.இந்த அனுபவம் ஹேண்ட்ஸ்-ஃப்ரீ முறையில் இருப்பதால், நீங்க ஒரே நேரத்தில் பல வேலைகளைச் (multitask) செய்யலாம். உரையாடல்கள் பின்னணியில் தொடர்வதால், நீங்க வேறு பயன்பாடுகளுக்கு (apps) மாறினாலும், கூகுளுடன் தொடர்ந்து உரையாட முடியும். முந்தைய தேடல் அமர்வுகள் அனைத்தும் ஏ.ஐ. மோட் வரலாற்றில் சேமிக்கப்படுவதால், நீங்க எங்கு நிறுத்தினீர்களோ அங்கிருந்து மீண்டும் தொடங்கலாம்.சர்ச் லைவ் ஏ.ஐ. மோட் செயல்படுத்துவது எப்படி?உங்க ஃபோனில் கூகுள் செயலியை (Google app) திறக்கவும். தேடல் பட்டிக்கு கீழே உள்ள ‘லைவ்’ (Live) ஐகானைத் தட்டவும். முதல் முறையாக அமைக்கும்போது திரையில் தோன்றும் வழிமுறைகளைப் பின்பற்றவும். குரல் மூலம் கேள்விகள் கேட்க, மைக்ரோஃபோனைச் செயல்படுத்த ‘அன்-மியூட்’ (Unmute) என்பதைத் தட்டவும். பேசுவதை நிறுத்த ‘மியூட்’ (Mute) என்பதை தொடவும். கூகுளின் பதிலை எந்த நேரத்திலும் இடைநிறுத்த, “ஸ்டாப்” (Stop) என்று கூறலாம். கேமரா மூலம் தொடர்புகொள்ள, ‘வீடியோ’ (Video) ஐகானைத் தட்டவும். நீங்க பகுப்பாய்வு செய்ய விரும்பும் பொருள் அல்லது காட்சியில் உங்கள் ஃபோனைக் காட்டவும். உரையாடலை முடிக்க, ‘வெளியேறு’ (Exit) என்பதைத் தட்டவும்.’லைவ்’ ஐகான் மீண்டும் தொடுவதன் மூலம், ஏ.ஐ. மோடிற்கும் ‘லைவ்’ உரையாடலுக்கும் இடையில் நீங்க எப்போது வேண்டுமானாலும் மாறலாம். கூகுள் லென்ஸில் உள்ள ‘லைவ்’ (Live) விருப்பத்தைத் தொடுவதன் மூலமும் இந்த அம்சத்தை அணுகலாம்.சர்ச் லைவ் ஏ.ஐ. மோட் நிறுத்துவது எப்படி?நீங்க பாரம்பரிய கூகுள் தேடல் அனுபவத்தைப் பயன்படுத்த விரும்பினால், இந்த அம்சத்தை எளிதாக முடக்கலாம்: labs.google.com/search என்ற இணையதளத்திற்குச் செல்லவும். ஏ.ஐ. மோட் ஆப் செய்ய திரையில் தோன்றும் வழிமுறைகளைப் பின்பற்றவும். முடக்கப்பட்ட பிறகு, கூகுள் தேடல், நேரடி ஏ.ஐ. பதில்கள் இல்லாத நிலையான, ஊடாடலற்ற பதிப்பிற்குத் திரும்பிவிடும்.குரல், கேமரா உள்ளீடு மற்றும் நிகழ்நேர ஏ.ஐ. பதில்களை ஒருங்கிணைப்பதன் மூலம், ‘சர்ச் லைவ் இன் AI மோட்’ கூகுளுடன் உரையாட மிகவும் இயல்பான மற்றும் ஆழ்ந்த அனுபவத்தை வழங்குகிறது. சமையல் குறிப்புகளைப் பின்பற்றுவது, சிக்கல்களைத் தீர்ப்பது, படிப்பது அல்லது புதிய இடங்களை ஆராய்வது என எதுவாக இருந்தாலும், இந்த அம்சம் தகவல்களை வேகமாகப் பெற உதவுகிறது. இதன் மூலம் தேடல் என்பது நிலையான கேள்வியாக இல்லாமல், ஒரு நேரடி உரையாடல் அனுபவமாக மாறுகிறது.