திருச்சியில் ஒலிம்பிக் அகாடமி பூமி பூஜையில் அமைச்சர்கள் நேரு – மகேஷ் பங்கேற்பு; சிறப்புகள் என்ன?

திருச்சியில் ஒலிம்பிக் அகாடமி பூமி பூஜையில் அமைச்சர்கள் நேரு – மகேஷ் பங்கேற்பு; சிறப்புகள் என்ன?

தமிழ்நாடு விளையாட்டு மேம்பாட்டு ஆணையம் சார்பில் திருவெறும்பூர் தொகுதிக்கு உட்பட்ட காந்தளூர் ஊராட்சி எலந்தைப்பட்டி கிராமத்தில் ரூ.50 கோடி மதிப்பீட்டில் ஒலிம்பிக் அகாடமி பகுதி ஒன்றிற்கு தமிழக நகர்ப்புற வளர்ச்சித்துறை அமைச்சர் நேரு, பள்ளிக்கல்வித்துறை அமைச்சர் அன்பில் மகேஸ் பொய்யாமொழி ஆகியோர் அடிக்கல் நாட்டினர்.திருவெறும்பூர் அருகே உள்ள சூரியூர் செல்லும் வழியில் எலந்தப்பட்டி பகுதிக்கு உட்பட்ட பகுதியில் சுமார் 50 ஏக்கர் பரப்பளவில் ஒலிம்பிக் அகாடமி அமைப்பதற்கான அடிக்கல் நடு விழாவிற்கு திருச்சி மாவட்ட ஆட்சியர் பிரதீப்குமார் தலைமை வைத்தார். நகர்ப்புற வளர்ச்சி துறை அமைச்சர் கே.என்.நேரு, தமிழக பள்ளிக்கல்வித்துறை அமைச்சர் அன்பில் மகேஸ் பொய்யாமொழி ஆகியோர் சிறப்பு விருந்தினராக கலந்து கொண்டு புதிதாக அமைய உள்ள ஒலிம்பிக் அகாடமி மையத்திற்காக அடிக்கல் நாட்டினார்.மேலும், இந்த நிகழ்ச்சியில் திட்ட இயக்குனர் கங்காதரணி, திருவெறும்பூர் தாசில்தார் ஜெயபிரகாசம், திருவெறும்பூர் வட்டார வளர்ச்சி அலுவலர்கள் ராஜா, தலைமை செயற்குழு உறுப்பினர் கே.என்.சேகரன், திருவெறும்பூர் தெற்கு ஒன்றிய செயலாளர் கங்காதரன் மற்றும் அண்ணாதுரை, விளையாட்டு மேம்பாட்டுத்துறை அதிகாரிகள், விளையாட்டு பிரிவை சேர்ந்த மாணவ, மாணவிகள் மற்றும் எலந்தப்பட்டி கிராம பொதுமக்கள், தி.மு.க நிர்வாகிகள், தொண்டர்கள் என ஏராளமானோர் கலந்து கொண்டனர்.பின்னர் நகர்புற வளர்ச்சித் துறை அமைச்சர் கே.என்.நேரு செய்தியாளர் சந்திப்பில் கூறியதாவது; ”ஒலிம்பிக் அகாடமி மையம் 50 ஏக்கர் பரப்பளவில் இந்த இடத்தில் அமைகிறது. இதற்கான அடிக்கல்லை ஏற்கனவே உதயநிதி ஸ்டாலின் நாட்டியுள்ளார். இந்த நிலையில், இந்த ஒலிம்பிக் அகாடமி பகுதி ஒன்று, இரண்டு என இரண்டு பகுதியாக நடைபெறுகிறது. இந்தப் பணி 18 மாதத்தில் நிறைவடையும் என்பதை சுற்று வட்ட பகுதிக்கு மக்களுக்கு தெரிவிப்பதற்காக தற்பொழுது அடிக்கல் நாட்டப்பட்டுள்ளது. இங்கு எல்லாவிதமான விளையாட்டுக்கும் பயிற்சி அளிக்கப்படும்” என கூறினார்.இந்த ஒலிம்பிக் அகாடமியின் சிறப்புகள் வருமாறு; திருவெறும்பூர் அருகே உள்ள எலந்தப்பட்டி கிராமத்தில் ஒலிம்பிக் அகாடமி அமைகிறது. இந்த திட்டத்தின் தோராய மதிப்பீடு செலவு ரூ.50 கோடி ஆகும், இது 47.87 ஏக்கர் பரப்பில் நடைபெறுகிறது. இந்ததிட்டம் கால அளவு 18 மாதங்களில் நிறைவடையும்.அதில் தங்கும் வசதி, 2100 சதுர மீட்டர் தரைத்தளம் கட்டுமானப் பகுதியுடன் கூடிய அடி தளத்துடன் கூடிய இரண்டு மாடி அமைப்பு, அதி நவீன வசதிகளுடன் கூடிய கழிப்பறை, மாநாட்டு அறை, நூலகம் மற்றும் 100 எண்ணிக்கை கொண்ட வகுப்பு அறைகள், பணி நிலையங்கள், முதன்மை அறை, வரவேற்பு லாபி மற்றும் முதல் தளத்தில் உடற்பயிற்சி அறைகள், மாற்றும் அறைகளுடன் கூடிய பிசியோதெரபி அறைகள், ஆலோசனை அறைகள், கழிப்பறை வசதிகள்,இரண்டாவது தளம் வரவேற்பு மற்றும் லாபி, கழிப்பறை வசதிகளுடன் கூடிய தங்குமிட அறைகள், 1000 இருக்கை அரை மற்றும் ட்ரெஸ்ஸிங் மாற்றும் 2 அறைகள், ஆடவர் மற்றும் மகளிர் கழிப்பறை, மாநாடு மற்றும் பயிற்சியாளர் அறைகள், வைப்பறை, முதலுதவி மற்றும் லாபி 1584 சதுர மீட்டர் பரப்பளவு கொண்ட உட்புற விளையாட்டு தரைத்தளம், கூடைப்பந்து மற்றும் பூப்பந்து மைதானம், சிறுவர் மற்றும் சிறுமிகளுக்கான கழிப்பறைகள், பயிற்சியாளர் அறை மற்றும் சேமிப்பு வசதிகளுடன் தனித்தனி அறைகள் முதல் தளம்-500 இருக்கைகள் கொண்ட கேலரி -2701 சதுர மீட்டர் பரப்பளவு,ஒலிம்பிக் ஸ்டாண்டர்ட் வாலிபால் கோர்ட்-3 எண்கள், ஒலிம்பிக் ஸ்டாண்டர்ட் பேட்மிண்டன் கோர்ட்-3 எண்கள் இருக்கை வசதிகள், உட்புற நீச்சல் குளம் 25 மீ x 50 மீ ஒலிம்பிக் நிலையான நீச்சல் குளம் மாற்றும் அறைகளுடன் முதல் தளம்-2302 சதுர மீட்டர் பரப்பளவு, ஜிம்னாஸ்டிக்ஸ், பில்லியர்ட்ஸ், டேபிள் டென்னிஸ், குத்துச்சண்டை, வாள்வீச்சு, மல்யுத்தம், டேக் வோண்டோ, பளு தூக்குதல், கராத்தே அலுவலகம், லாபி மற்றும் சேமிப்பு கிடங்கு 400 மீட்டர் 8 லேன் சிந்தடிக்டிராக், ஒலிம்பிக் ஸ்டாண்டர்ட் கால்பந்து மைதானம், இந்த திட்டத்தில் மேலும் ஒரு நுழைவு வாயில், சாலைகள், பார்க்கிங் வசதிகள் மற்றும் ஒரு காம்பவுண்ட் வால் உள்ளடங்கியதாகும்.பகுதி 2-ல் அடுத்த கட்டுமானம் இந்த திட்டத்தின் மதிப்பிடப்பட்ட செலவு 100 கோடி ரூபாயாகும். இந்த ப்ராஜெக்டில் ஒரு ஆண்கள் ஹாஸ்டல் பகுதி, ஒரு பெண்கள் ஹாஸ்டல் பகுதி, ஒரு உணவக பகுதி, ஒரு விருந்தினர் அறை பகுதி மற்றும் ஒரு வி.ஜ.பி அறை பகுதி அடங்கும். இந்த ப்ராஜெக்டில் குட்டி கர்ன நீச்சல் ஒரு உள்ளக ஷூட்டிங் கோர்ட் மற்றும் ஒரு வில்வித்தை கிரவுண்ட் ஆகியவை அடங்கும்.சிந்தடிக் ஹாக்கி மைதானம், 4 கூடைப்பந்து மைதானம், 4 கையுந்துபந்து மைதானம் மற்றும் 2 கைப்பந்து மைதானம், 4 டென்னிஸ் கோர்ட், கிரிக்கெட் மைதானம், சைக்கிள் வெலட்ரோம், கேலரி மற்றும் இதர வசதிகளுடன் கூடிய கால்பந்து மைதானம், திறந்தவெளி திரையரங்கம் மற்றும் பல விளையாட்டு வசதிகள், இந்த திட்டத்தில் வீதிகள், பாதைகள் அமைப்பது மற்றும் நீர் வடிகால் பணிகள் மற்றும் வெளியக மின்சார பணிகள் அடங்கும்.க.சண்முகவடிவேல்