கொரிய மொழியில் குறியீடு: கே.பாப் இசையால் ஈர்க்கப்படும் இந்திய குழந்தைகள்; மாதவன் ஓபன் டாக்!

கொரிய மொழியில் குறியீடு: கே.பாப் இசையால் ஈர்க்கப்படும் இந்திய குழந்தைகள்; மாதவன் ஓபன் டாக்!

எந்தவொரு கலை வடிவத்திலும் ரசிகர்களை ஈடுபாட்டுடன் வைத்திருக்க வேண்டியது அவசியம். குறிப்பாக சினிமா துறையில் இது இன்னும் அதிகமாக உள்ளது, அங்கு கவனச்சிதறல்கள் ஏராளமாக இருந்தாலும், ஈடுபாட்டு பழைய நெறிமுறையை உடைப்பது அதிகரித்து வருகிறது. அந்த வகையில, இன்றைய திரைப்பட தயாரிப்பாளர்கள் எதிர்கொள்ளும் சவால்கள் மற்றும் அது திரையில் காட்டப்படுவதற்கு மட்டும் எவ்வளவு சிறமமாக உள்ளது என்பது குறித்து இது நடிகர்-திரைப்பட இயக்குனர் மாதவன், இந்தியா டிவிக்கு அளித்த பேட்டியில், மனம் திறந்து பேசினார்.இந்த செய்தியை ஆங்கிலத்தில் படிக்க: R Madhavan says Indian kids are speaking Korean because of K-pop: ‘How did we lose our audience to them?’இது குறித்து அவர் கூறுகையில், முன்பு, நாங்கள் திரையரங்குகளில் படம் பார்க்கச் சென்றபோது, உணவு மற்றும் கூல்டிரிங்ஸ் சாப்பிடுவது, எங்களுக்கு அதிக விருப்பங்கள் இல்லை. அது பாப்கார்ன் அல்லது சமோசா உள்ளிட்ட சில ஐட்டங்கள் தான் இருக்கும். ஆனால் இன்று, அங்கு எதை சாப்பிடுவது என்பது குறித்து முடிவு எடுக்க வேண்டிய ஒரு பெரிய குழப்பம் உள்ளது. ஒரு குடும்பமாக ஒரு படத்தைப் பார்ப்பது முற்றிலும் வேறுபட்ட தன்மையாக மாறிவிட்டது என்று மாதவன் கூறியுள்ளார்.படம் பார்க்கும் ரசிகர்கள் ஒரு படத்தைப் பார்ப்பதற்கு ஒரு குறிப்பிட்ட அர்ப்பணிப்பை எவ்வாறு முயற்சிக்கிறார்கள் என்பது குறித்து பேசிய மாதவன், “நீங்கள் உங்கள் வாகனத்தை எடுத்துச் செல்ல வேண்டும், அதை எங்காவது நிறுத்த வேண்டும், பார்க்கிங் கட்டணத்திற்கு பணம் செலுத்த வேண்டும், வானிலையைத் தாங்கிக்கொள்ள வேண்டும், உங்கள் குடும்பத்தினரை தியேட்டருக்கு அழைத்துச் செல்ல வேண்டும், பாதுகாப்புடன் விரைந்து செல்ல வேண்டும்.நீங்கள் தியேட்டருக்குள் நுழைவதற்கு சற்று முன்பு, பாப்கார்னின் நறுமணம் வீசும். அது உண்மையில் புதியதா என்று எனக்குத் தெரியவில்லை. ஒரு படத்தை பார்க்க ரசிகர்கள் கடக்க வேண்டிய தடைகள் இவை. கடைசியில் படம் திரையிடப்படும்போது பிரச்சினைகள் முடிவடையாது என்றும் கூறினார்.திரையரங்கிற்குள் மொபைல் போன்கள் மற்றும் மெனு விருப்பங்களும் படத்துடன் எவ்வாறு போட்டியிடுகின்றன என்பதைப் பற்றி மிகவும் வெளிப்படையாகப் பேசிய மாதவன், “திடீரென்று, யாரோ மெனுவைப் படிப்பதால் உங்களுக்கு ஒரு வெளிச்சம் வருகிறது. சிலர் பானி பூரியை ஆர்டர் செய்கிறார்கள், மேலும் அவர்கள் என்ன பானி சாப்பிடுகிறார்கள் என்பதை அறிய தங்கள் மொபைல் போனைப் பயன்படுத்துகிறார்கள். உங்கள் கவனத்தை ஈர்க்க நாம் இதையெல்லாம் எதிர்த்துப் போராட வேண்டும், கவனத்தை இந்த பக்கம் திருப்புவதால் படத்தில் கவனம் செலுத்த முடியவில்லை. இதனால், பெற்றோர்கள் பணத்தை வீணடிப்பது குறித்து சண்டையிடுகிறார்கள், பின்னர், அவர்களில் ஒருவர் படம் முடிவதற்கு சற்று முன்பு பார்க்கிங் இடத்திற்குத் திரும்பி திரையரங்குகளை விட்டு வெளியேறும் வாகனங்களின் கூட்டத்தை சமாளிக்க வேண்டும். இது கிட்டத்தட்ட அதிர்ச்சிகரமானது… உங்கள் படத்தால் அவர்களை எரிச்சலூட்டினால், அவர்கள் உங்களை மன்னிக்கப் போவதில்லை. என்று கூறியுள்ளார்.தொடர்ந்து நாட்டின் குழந்தைகளைப் பற்றிக் கொண்டிருக்கும் மற்றொரு சவாலைப் பற்றி பேசிய மாதவன், கே-பாப் கலாச்சாரத்தின் தாக்கத்தால் பல இந்திய குழந்தைகள் இப்போது கொரிய மொழியில் பேசுகிறார்கள். தெற்கில், இந்தியாவின் பெரும்பகுதியில், கே-பாப் பிரபலமான கலாச்சாரத்தை ஆக்கிரமித்துள்ளது என்று நான் தைரியமாகக் கூறுவேன். அந்த மொழியில் பேசும் குழந்தைகளை நான் அறிவேன், மேலும் அவர்கள் என்ன பேசுகிறார்கள் என்பதை பெற்றோருக்குத் தெரியப்படுத்தாமல் இருக்க அதை ஒரு ரகசியக் குறியீடாகப் பயன்படுத்துகிறார்கள்.கே-பாப் எப்படி நம் கலாச்சாரத்தில் நுழைந்தது? கே-பாப்பிற்கு நம் ரசிகர்களை எப்படி இழந்தோம்? அவர்களின் கதைசொல்லலில் என்ன வித்தியாசம்? இதுபோன்ற கேள்விகள் இப்போது என் மூளையை வறுத்தெடுக்கின்றன,” என்று மாதவன் கூறியுள்ளார். சமீபத்தில் நெட்ஃபிலிக்ஸ் தளத்தில் வெளியான டெஸ்ட் படத்தில் நடித்திருந்த மாதவன், அடுத்து கேசரி: அத்தியாயம் 2, படத்தில் நடித்துள்ளார், அக்ஷய் குமார் மற்றும் அனன்யா பாண்டே இணைந்து நடித்துள்ளனர். இந்தப் படம் ஏப்ரல் 18 அன்று திரைக்கு வர உள்ளது.