தமிழகத்திற்கு வருகை தரும் அமித்ஷா; பா.ம.க-வுக்கு தலைவரான ராமதாஸ்; மகன் அன்புமணி பதவி இறக்கம்

தமிழகத்திற்கு வருகை தரும் அமித்ஷா; பா.ம.க-வுக்கு தலைவரான ராமதாஸ்; மகன் அன்புமணி பதவி இறக்கம்

எதிர்பாராத விதமாக, பாட்டாளி மக்கள் கட்சி நிறுவனர் டாக்டர் ராமதாஸ் வியாழக்கிழமை தனது மகன் அன்புமணி ராமதாஸை பா.ஜ.க தலைவர் பதவியில் இருந்து நீக்கி, இனி நானே தலைவர் என்று அறிவித்தார். மேலும், அவருடைய மகன் அன்புமணி ராமதாஸ் செயல் தலைவராக இருப்பார் என்று கூறினார். ஏப்ரல் 2026-ல் நடைபெற உள்ள தமிழக சட்டமன்றத் தேர்தலை கருத்தில் கொண்டு, கட்சியின் முழு கட்டுப்பாட்டையும் மீண்டும் எடுப்பதாக 85 வயதான ராமதாஸ் அறிவித்தார்.ஆங்கிலத்தில் படிக்க:மத்திய உள்துறை அமைச்சர் அமித் ஷா மாநிலத்திற்கு வருவதற்கு சில மணி நேரங்களுக்கு முன்பு இந்த வியத்தகு நிகழ்வு நடந்துள்ளது, இது பா.ஜ.க-வின் தேர்தல் ஏற்பாடுகளைத் தொடங்கும்.வியாழக்கிழமை இரவு தொடங்கும் தனது இரண்டு நாள் சென்னை பயணத்தின் போது, ​​அமித்ஷா மாநில பா.ஜ.க தலைவர்களுடன் சந்திப்புகளை நடத்தி நிலைமை மற்றும் கட்சியின் செயல்பாடுகள் குறித்து ஆய்வு செய்கிறார். பா.ஜ.க நிர்வாகிகள் மற்றும் ஆர்.எஸ்.எஸ் சித்தாந்தவாதி எஸ். குருமூர்த்தியுடனான சந்திப்புகளும் அவரது அட்டவணையில் அடங்கும்.பாஜகவிற்கும் அதன் முன்னாள் கூட்டணிக் கட்சியான அதிமுகவிற்கும் இடையிலான உறவுகளில் ஏற்பட்ட ஒரு புரிதலின் பின்னணியில் அமித்ஷாவின் வருகை நிகழ்ந்துள்ளது. 2023-ம் ஆண்டில் அ.தி.மு.க மற்றும் பா.ஜ.க இடையே விரிசல் ஏற்படுவதற்கு முக்கிய காரணங்களில் ஒருவராகக் கருதப்படும் மாநில பா.ஜ.க தலைவர் அண்ணாமலை, இரு கட்சிகளுக்கும் இடையிலான கூட்டணி பேச்சுவார்த்தைகள் வேகமெடுக்கும் போது தனது பதவியில் இருந்து விலகக்கூடும்.தமிழக பா.ஜ.க-வில் வரவிருக்கும் தலைமை மாற்றம் குறித்த வதந்திகள் இருந்தபோதிலும், பல பா.ஜ.க மற்றும் ஆர்.எஸ்.எஸ் தலைவர்கள் அமித்ஷாவின் வருகையை அண்ணாமலைக்கு அடுத்து யார் தலைவர் என்பதைத் தேர்ந்தெடுப்பது தொடர்பான பிரச்சினையுடன் இணைக்க முடியாது என்று கூறினர்.  “அமித்ஷாவின் சென்னை பயணம் அண்ணாமலையைப் பற்றியது அல்ல. தேர்தல் நடைபெறவுள்ள அனைத்து மாநிலங்களிலும் அதன் மாநில பிரிவுகளை ஒரு வருடம் முன்னதாகவே தயார் செய்வது பா.ஜ.க-வின் தேசிய கட்டமைப்பின் ஒரு பகுதியாகும்” என்று மேற்கு வங்கம் மற்றும் பீகார் விஷயங்களை மேற்கோள் காட்டி, பா.ஜ.க-வின் மூத்த தலைவர் ஒருவர் தி இந்தியன் எக்ஸ்பிரஸிடம் கூறினார்.திருநெல்வேலியைச் சேர்ந்த பா.ஜ.க எம்.எல்.ஏ நயினார் நாகேந்திரன், புதிய மாநிலக் கட்சித் தலைவர் பதவிக்கு முன்னணியில் உள்ள நிலையில், மத்திய உள்துறை அமைச்சரின் சுற்றுப்பயணத்தின் போது எந்த முடிவும் அறிவிக்கப்படாது என்று பா.ஜ.க மூத்த தலைவர் கூறினார்.இருப்பினும், அமித்ஷாவின் வருகை தரும் நாளில், பா.ம.க-வின் கொந்தளிப்பான பதற்றம் வெடித்தது பலரை ஆச்சரியப்படுத்தியது.பா.ஜ.க தலைமையிலான தேசிய ஜனநாயகக் கூட்டணியின் கூட்டாளியான பா.ம.க-வின் அரசியல், மிகவும் பிற்படுத்தப்பட்ட வகுப்பினரில் (MBC) வகைப்படுத்தப்பட்ட வன்னியர் சமூகத்தைச் சுற்றியே உள்ளது. இவர்கள் வட தமிழ்நாட்டிலும், மாநிலத்தின் மேற்குப் பகுதிகளின் சில பகுதிகளிலும் கணிசமான எண்ணிக்கையிலான வாக்காளர்களைக் கொண்டுள்ளனர்.“பா.ம.க-வில் ஏற்பட்டுள்ல இந்த குழப்பத்தின் மையக்கரு தலைமுறை மற்றும் தேர்தல் கூட்டணி உத்தி கருத்து வேறுபாடுகளில் உள்ளது: தேசிய ஜனநாயக கூட்டணியுடன் தொடர்வதா அல்லது அ.தி.மு.க-வுடன் நேரடியாக கூட்டணியை மறுசீரமைப்பதா என்பதுதான்” என்று பா.ம.க வட்டாரங்கள் தெரிவித்தன.“2026 தேர்தலில் அ.தி.மு.க-வுடன் கூட்டணி வைத்தால் மட்டுமே உறுதியான பலன்களை ஈட்ட முடியும்” என்று ராமதாஸ் நம்புவதால், பா.ம.க-வின் எதிர்காலம் அ.தி.மு.க-விடம்தான் உள்ளது என்ற நிலைப்பாட்டை ராமதாஸ் எடுத்துள்ளார்.” என்று வட்டாரங்கள் தெரிவித்தன.மறுபுறம், அன்புமணி, பா.ஜ.க-வின் தேசிய மேலாதிக்கத்தையும் பொருத்தத்தையும் எடுத்துக்காட்டுவதால், தேசிய ஜனநாயகக் கூட்டணியில் நீடிக்க விரும்புகிறார் என்று வட்டாரங்கள் தெரிவித்தன.அன்புமணி அமித்ஷாவை சந்திக்க முயன்றபோது ராமதாஸின் இந்த நடவடிக்கை வந்துள்ளது. ராமதாஸுக்கு நெருக்கமான பா.ம.க மூத்த தலைவர் ஒருவர் கூறுகையில், “பிரச்சினை நமது பிரதான கூட்டணி கட்சி யார் – அ.தி.மு.க-வா அல்லது பா.ஜ.க-வா என்பதுதான்” என்றார். அவர் கூறினார், “இது தேசிய ஜனநாயக கூட்டணிக்கு எதிரான பிரச்னை அல்ல, மாறாக பா.ஜ.க-வை விட நமது பிராந்திய நிலைப்பாட்டையும் அ.தி.மு.க மீதான நமது விசுவாசத்தையும் வலியுறுத்துவது பற்றியது.” என்று கூறினார்.பல மாதங்களாக கட்சிக்குள் நடந்த சலசலப்புகளுக்குப் பிறகு பாமக மறுசீரமைப்பு நடந்தது. கடந்த டிசம்பரில், விழுப்புரத்தில் நடந்த கட்சி பொதுக்குழுக் கூட்டத்தின் போது, தனது மூத்த மகள் காந்திமதியின் மகனும், ​​தனது பேரனுமான பரசுராமன் முகுந்தனை ராமதாஸ் பா.ம.க-வின் இளைஞர் பிரிவுத் தலைவராக நியமிக்கும் முயற்சியை அன்புமணி வெளிப்படையாக எதிர்த்தார்.தற்போது, ​​ராமதாஸ் தனது அதிகாரத்தை மீண்டும் உறுதிப்படுத்தியுள்ளார், கட்சியின் முக்கிய முகமாக மீண்டும் தன்னை நிலைநிறுத்திக் கொண்டு அன்புமணியை கிட்டத்தட்ட ஒரு அடையாள ரீதியான பாத்திரத்தை வகிக்கத் தள்ளியுள்ளார். கட்சியின் மூத்த தலைவர் ஜி.கே.மணியை அதன் கௌரவத் தலைவராகவும் அவர் நியமித்துள்ளார்.பா.ஜ.க தனது பங்கிற்கு, தமிழ்நாடு தொடர்பான விஷயங்களில் எச்சரிக்கையுடன் நடந்து வருகிறது, ஆளும் மு.க. ஸ்டாலின் தலைமையிலான தி.மு.க அரசு, தொகுதி மறுசீரமைப்பு மற்றும் மொழிக் கொள்கை உள்ளிட்ட பல்வேறு விஷயங்களில் நரேந்திர மோடி அரசாங்கத்திற்கு எதிராக முன்னணியில் உள்ளது.அதிமுக தலைவர் எடப்பாடி .பழனிசாமி சமீபத்தில் டெல்லியில் அமித்ஷாவை சந்தித்த பிறகு, பா.ஜ.க மற்றும் அ.தி.மு.க இடையேயான கூட்டணி பேச்சுவார்த்தைகள் திரைமறைவில் தொடர்வதாகக் கூறப்பட்டாலும், பா.ஜ.க முகாம் அதை மிகைப்படுத்தியுள்ளது.இபிஎஸ், அன்புமணி மற்றும் முன்னாள் அதிமுக தலைவர்கள் ஓ.பன்னீர்செல்வம் மற்றும் டி.டி.வி.தினகரன் ஆகியோருக்கு நெருக்கமான வட்டாரங்கள், அமித்ஷாவைச் சந்திக்க அவர்கள் அனைவரும் சந்திப்புக்கு நேரம் கேட்டுள்ளதாகவும், அவை வியாழக்கிழமை மாலை வரை உறுதிப்படுத்தப்படவில்லை என்றும் கூறின.இருப்பினும், எடப்பாடி பழனிசாமியின் சில நெருங்கிய ஆதரவாளர்கள், அமித்ஷாவின் சுற்றுப்பயணத்தின் போது இரு தரப்பினருக்கும் இடையே முறையான சந்திப்பு இருக்காது என்று கூறினர்.இந்தப் பின்னணியில், வலுவான படிநிலைகள் மற்றும் போட்டியிடும் அபிலாஷைகளைக் கொண்ட பிராந்திய கூட்டணிகளை நிர்வகிப்பதில் பா.ஜ.க எதிர்கொள்ளும் சவாலை பா.ம.க-வின் இந்த மாற்றம் குறிக்கிறது. இது பா.ஜ.க-வுடனான பேச்சுவார்த்தைகளில் அ.தி.மு.க-வின் கையை வலுப்படுத்தக்கூடும்.