முகத்தில் நேரடியாக எலுமிச்சை தேய்ப்பதால் இத்தனை ஆபத்தா?

முகத்தில் நேரடியாக எலுமிச்சை தேய்ப்பதால் இத்தனை ஆபத்தா?

முகத்தை பளபளப்பாக்க வைத்திருக்க பலரும் வீட்டு வைத்தியங்களை மேற்கொள்கின்றனர். குறிப்பாக சரும பிரச்சனைகளில் இருந்து விடுபட பெரும்பாலானோர் வீட்டில் கிடைக்கும் எலுமிச்சையை முகத்தில் நேரடியாக தேய்க்கின்றனர்.

எலுமிச்சை சருமத்திற்கு நன்மை பயக்கும் என்று கருதப்படுவதால், மக்கள் அதை வீட்டு வைத்தியமாக பயன்படுத்துகிறார்கள்.

இருப்பினும், எலுமிச்சையை நேரடியாக தோலில் தேய்ப்பதைத் தவிர்க்க வேண்டும் இதற்குப் பின்னால் உள்ள காரணம் என்ன? எலுமிச்சையை நேரடியாக முகத்தில் தடவுவதால் ஏற்படும் தீமைகள் என்ன? என்பதை நாம் இங்கு பார்ப்போம்.

 எலுமிச்சையில் வைட்டமின் சி மற்றும் சிட்ரிக் அமிலம் போன்ற ஊட்டச்சத்துகள் அதிக அளவில் உள்ளது. இது சருமத்தில் உள்ள கறைகளைக் குறைத்து சருமத்தைப் பிரகாசமாக்க உதவுகிறது.

எலுமிச்சை பழத்தில் ஆன்டிஆக்ஸிடன்ட்கள் உள்ளன. அவை சருமத்தை ஃப்ரீ ரேடிக்கல்களிலிருந்து பாதுகாக்கின்றன மற்றும் சருமத்தை சரிசெய்ய உதவுகின்றன.

எலுமிச்சை பல அழகு சாதனப் பொருட்களிலும் பயன்படுத்தப்படுகிறது. மேலும் நம் முகங்களுக்கான மாஸ்க்கில் பஎலுமிச்சை சாறு பயன்படுத்தப்படுகிறது. இவ்வுளவு நன்மையாக இருந்தாலும், எலுமிச்சையை நேரடியாக சருமத்தில் தேய்ப்பதைத் தவிர்க்க வேண்டும்.

எலுமிச்சையை நேரடியாக முகத்தில் தேய்ப்பது தோல் எரிச்சல், தடிப்புகள், சிவத்தல் மற்றும் ஒவ்வாமைகளை ஏற்படுத்தும் என்று டாக்டர் யுகல் ராஜ்புத் கூறினார்.

உண்மையில், எலுமிச்சையின் pH அளவு மிகவும் குறைவாக உள்ளதோடு மிகவும் அமிலத்தன்மை கொண்டது. இதன் காரணமாக, எலுமிச்சையை நேரடியாக உடலில் தேய்ப்பது தீங்கு விளைவிக்கும்.

குறிப்பாக உணர்திறன் வாய்ந்த சருமம், முகப்பரு, அரிக்கும் தோலழற்சி மற்றும் தோல் அழற்சி போன்ற நோய்களால் பாதிக்கப்பட்டவர்கள் இதைச் செய்யவே கூடாது.

இது தவிர, முகத்தில் எலுமிச்சையைப் பூசிய பிறகு வெயிலில் செல்வதும் ஆபத்தானது. முகத்தில் எலுமிச்சையைத் தேய்த்த பிறகு கொப்புளங்கள் அல்லது எரியும் உணர்வு ஏற்பட்டால், மருத்துவரை அணுகவும்.

எலுமிச்சையை நேரடியாக முகத்தில் தேய்ப்பதற்குப் பதிலாக, தேன், தயிர் அல்லது முகத்தில் தேய்க்கும் வேறு எந்த பொருளோடும் சேர்த்து தடவது மிக சிறந்தது.