KKR vs PBKS LIVE Score: டாஸ் வென்று பேட்டிங்கை தேர்வு செய்த பஞ்சாப்

KKR vs PBKS LIVE Score: டாஸ் வென்று பேட்டிங்கை தேர்வு செய்த பஞ்சாப்

10 அணிகள் பங்கேற்றுள்ள இந்தியன் பிரீமியர் லீக் (ஐ.பி.எல். 2025) டி20 தொடரின் 18-வது சீசன் மார்ச் 22 ஆம் தேதி முதல் பரபரப்பாக அரங்கேறி வருகிறது. இந்நிலையில், இந்த தொடரில் இன்று சனிக்கிழமை இரவு 7:30 மணிக்கு கொல்கத்தாவில் உள்ள ஈடன் கார்டன்ஸ் மைதானத்தில் நடைபெறும் 44-வது லீக் போட்டியில் கொல்கத்தா நைட் ரைடர்ஸ் – பஞ்சாப் கிங்ஸ் அணிகள் மோதுகின்றன. ஆங்கிலத்தில் படிக்கவும்: KKR vs PBKS LIVE Cricket Score, IPL 2025நடப்பு சாம்பியன் கொல்கத்தா அணி நிலையற்ற ஆட்டத்தை வெளிப்படுத்தி வருகிறது. இதுவரை 8 ஆட்டங்களில் ஆடியுள்ள அந்த அணி 3 வெற்றி, 5 தோல்வி கண்டு புள்ளி பட்டியலில் 7-வது இடத்தில் உள்ளது. மறுபுறம், பஞ்சாப் அணி 8 ஆட்டங்களில் விளையாடி 5 வெற்றி, 3 தோல்வியுடன் 5-வது இடத்தில் இருக்கிறது. தொடர்ந்து முன்னேற இவ்விரு அணிகள் போராடும் என்பதால், இன்றைய ஆட்டத்தில் விறுவிறுப்புக்கு குறைவிருக்காது. இந்தப் போட்டியில் டாஸ் வென்ற பஞ்சாப் அணி, முதலில் பேட்டிங்கை தேர்வு செய்தது. அதன்படி, கொல்கத்தா அணி பந்து வீசுகிறது.நேருக்கு நேர்ஐ.பி.எல் தொடரில் கொல்கத்தா மற்றும் பஞ்சாப் அணிகள் இதுவரை 34 போட்டிகளில் நேருக்கு நேர் மோதியுள்ளன. இதில் கொல்கத்தா 21 போட்டிகளில் வென்றுள்ளது. அதேநேரத்தில், பஞ்சாப் 13 போட்டிகளில் வென்றுள்ளது. இந்த சீசனில் நடந்த ஆட்டத்தில் 16 ரன்கள் வித்தியாசத்தில் பஞ்சாப் அணி வெற்றி பெற்றது.