அடேங்கப்பா..! பிரபாஸுடன் நடிக்க தீபிகா கேட்கும் சம்பளம் எவ்வளவு தெரியுமா..?

அடேங்கப்பா..! பிரபாஸுடன் நடிக்க தீபிகா கேட்கும் சம்பளம் எவ்வளவு தெரியுமா..?

இந்திய திரையுலகில் தனக்கென ஒரு முத்திரை பதித்திருக்கிறார் நடிகை தீபிகா படுகோன். தோற்றம், நடிப்பு ஆகிய அனைத்தின் மூலமும் ரசிகர்களின் மனதைக் கொள்ளை கொண்டுள்ள தீபிகா, பாலிவுட்டில் மட்டுமல்லாமல் ஹாலிவூட் வரை சென்று நடித்துள்ளார். பல படங்களில் நடித்ததன் மூலம் உலகளாவிய ரீதியில் ரசிகர்களை ஈர்த்த தீபிகா, தற்போது இந்திய சினிமாவின் சிறந்த வாய்ப்புக்களில் ஒன்றாக கருதப்படும் ‘ஸ்பிரிட்’ படத்தில் முக்கிய கதாப்பாத்திரத்தில் நடிக்க ஒப்பந்தமாகி இருக்கின்றார்.‘பாகுபலி’ மற்றும் ‘சாலார்’ போன்ற மெகா ஹிட் படங்களை வழங்கிய பிரபாஸ் மற்றும் ‘பத்மாவத்’, ‘பிக்கூ’, ‘பதான்’ போன்ற படங்களை வழங்கிய தீபிகா ஆகியோர் முதன்முறையாக ‘கல்கி 2898 AD’ என்ற புனைகதைப் படத்தில் இணைந்தனர். அந்த இணைப்பு ரசிகர்களிடையே பெரும் எதிர்பார்ப்பை ஏற்படுத்தியது. அந்த வாய்ப்பு வெற்றிகரமாக அமைந்ததால் இருவரும் மீண்டும் சந்தீப் ரெட்டி வங்கா இயக்கத்தில் உருவாகும் ‘ஸ்பிரிட்’ என்ற படத்தில் இணைந்து நடிக்க உள்ளனர்.‘அர்ஜுன் ரெட்டி’, ‘கபீர் சிங்’, ‘அனிமல்’ என ஒரே பாணியில் வெற்றிகளை குவித்து வரும் இயக்குநர் சந்தீப் ரெட்டி வங்கா, தற்போது பிரபாஸுடன் ‘ஸ்பிரிட்’ என்ற வன்முறை மற்றும் காதல் கலந்த திரைபடத்தை இயக்க இருக்கிறார். இப்படத்தில் முக்கியமான மகளிர் கதாப்பாத்திரமாக தீபிகா நடித்து வருகின்றார்.சமீபத்தில் வெளியான தகவலின்படி, ‘ஸ்பிரிட்’ திரைப்படத்திற்காக தீபிகா படுகோன் ரூ. 20 கோடி சம்பளம் பெறும் வகையில் ஒப்பந்தமாகியுள்ளார். இது ஒரு பாலிவுட் நடிகைக்கு வழங்கப்படும் மிகப்பெரிய தொகையாகும். இவ்வாறு தீபிகா சம்பளத்தை உயர்த்தியிருப்பது திரைப் பிரபலங்களிடையே அதிர்ச்சியை ஏற்படுத்தியுள்ளது.தீபிகா மற்றும் ரண்வீர் சிங் தம்பதிக்கு விரைவில் குழந்தை பிறக்கவிருப்பதாக அவர்கள் சமீபத்தில் அறிவித்தனர். அந்த அறிவிப்புக்கு பிறகு ரசிகர்கள் மட்டுமல்லாமல், திரையுலகமும் வாழ்த்துகளைத் தெரிவித்திருந்தது. அந்தக் குழந்தை பிறந்த பிறகு தீபிகா மீண்டும் திரையில் பிஸியாகும் முதல் பெரிய படம் தான் ‘ஸ்பிரிட்’. எனவே, இந்தப் படம் அவருடைய ரசிகர்களுக்கு பெரும் உற்சாகத்தை ஏற்படுத்தியுள்ளது.