இலங்கை
குறுகிய பாதைகளில் மட்டுமே ரயில்கள் இயக்கப்படும் என அறிவிப்பு’!
குறுகிய பாதைகளில் மட்டுமே ரயில்கள் இயக்கப்படும் என அறிவிப்பு’!
காலி, நீர்கொழும்பு மற்றும் வெயங்கொடை போன்ற குறுகிய பாதைகளில் மட்டுமே இன்று (17) ரயில்கள் இயக்கப்படும் என்று ரயில்வே பொது மேலாளர் தம்மிக்க ஜெயசுந்தர தெரிவித்தார்.
அதன்படி, நீண்ட தூர ரயில்கள் இயக்கப்படாது என்று தெரிவிக்கப்பட்டுள்ளது.
பல்வேறு கோரிக்கைகளை முன்வைத்து, ரயில் நிலைய அதிபர்கள் நேற்று (16) நள்ளிரவு முதல் ஒரு நாள் அடையாள வேலைநிறுத்தப் போராட்டத்தை ஆரம்பித்தனர்.
ரயில் நிலைய மாஸ்டர்களுக்கான ஆட்சேர்ப்பு நடைமுறையை சீரமைத்தல், பதவி உயர்வுகளில் நிலவும் சிக்கல்களைத் தீர்ப்பது மற்றும் சலுகைகளை வழங்குதல் ஆகியவை கோரிக்கைகளில் அடங்கும்.
அடுத்த வாரத்திற்குள் இந்தக் கோரிக்கைகளுக்கு தீர்வு வழங்க நடவடிக்கை எடுக்கப்படாவிட்டால், தொடர்ச்சியான வேலைநிறுத்தத்தில் ஈடுபடுவோம் என்று ரயில் நிலைய அதிபர்கள் சங்கத்தின் தலைவர் சுமேத சோமரத்ன தெரிவித்தார்.
இந்த வேலைநிறுத்த நடவடிக்கை காரணமாக, நேற்று இரவு இயக்க திட்டமிடப்பட்டிருந்த அனைத்து தபால் ரயில்களையும் ரத்து செய்ய ரயில்வே துறை நடவடிக்கை எடுத்திருந்தது.
லங்கா4 (Lanka4)
அனுசரணை
