விஜய் ஆண்டனியின் அடுத்த படம் என்ன தெரியுமா..? வெளியான அப்டேட் இதோ..!

விஜய் ஆண்டனியின் அடுத்த படம் என்ன தெரியுமா..? வெளியான அப்டேட் இதோ..!

தமிழ் சினிமாவில் தனக்கென ஒரு தனித்துவமான பாதையை ஏற்படுத்தி நடிகர், இசையமைப்பாளர் மற்றும் தயாரிப்பாளர் என பல பரிமாணங்களில் ரசிகர்களைக் கொள்ளை கொண்டவர் நடிகர் விஜய் ஆண்டனி. தனது திறமையான நடிப்பு மற்றும் ஸ்டைல் என்பன இவரது படங்களுக்கு தனிச்சுவை கொடுத்து வந்துள்ளன. தற்போது இவர் தயாரித்து, நடித்துள்ள புதிய திரைப்படமான ‘ககன மார்கன்’ வெளியீட்டு விழா இடம்பெறவுள்ள நிலையில், அதன்பின்னர் உருவாகும் அவரது 26வது திரைப்படம் குறித்து தற்பொழுது அறிவிப்பு ஒன்று வெளியாகியுள்ளது.‘ககன மார்கன்’ திரைப்படத்தை மீரா விஜய் ஆண்டனி தயாரிக்கின்றார். இப்படத்தை லியோ ஜான் பால் என்பவர் இயக்குகின்றார். இவர் “அட்டக்கத்தி”, “பீட்சா”, “சூது கவ்வும்”, “முண்டாசுப்பட்டி” போன்ற திரைப்படங்களுக்கு படத்தொகுப்பாளராக பணியாற்றியவர்.இப்போது, இயக்குநராக களமிறங்கியுள்ள இவர், தனது முன்னாள் அனுபவங்களை அடித்தளமாகக் கொண்டு, மிக ஆழமான, யதார்த்த கதையை உருவாக்கும் திட்டத்தில் இருக்கின்றார் என சினிமா வட்டாரத்திலிருந்து தகவல்கள் வெளியாகியுள்ளன.‘ககன மார்கன்’ திரைப்படம் ஜூன் 27ம் திகதி திரையரங்குகளில் வெளியாகவுள்ளது. ‘ககன மார்கன்’ திரைப்படத்தில் விஜய் ஆண்டனி மீண்டும் உணர்ச்சி பூர்வமான கதாப்பாத்திரத்தில் நடித்து வருகின்றார் என கூறப்படுகின்றது. ‘ககன மார்கன்’ பின்பு விஜய் ஆண்டனி தனது 26வது திரைப்படத்தில் நடிக்கவுள்ளதாக தகவல்கள் வெளியாகியுள்ள நிலையில், இந்தப் படத்தை `ஜென்டில்வுமன்’ திரைப்படத்தை இயக்கிய ஜோஷ்வா சேதுராமன் இயக்கவிருக்கின்றார். இதற்கான அதிகாரபூர்வ டைட்டில் அறிவிப்பு ஜூன் 19ம் திகதி வெளியாகும் என படக்குழு அறிவித்துள்ளது.