பிரதீப் ரங்கநாதன் வழியில் டூரிஸ்ட் ஃபேமிலி இயக்குனர்: புதிய படத்தில் ஹீரோ அவதாரம்?

பிரதீப் ரங்கநாதன் வழியில் டூரிஸ்ட் ஃபேமிலி இயக்குனர்: புதிய படத்தில் ஹீரோ அவதாரம்?

சசிகுமார், சிம்ரன் நடிப்பில் வெளியான டூரிஸ்ட் ஃபேமிலி என்ற சூப்பர்ஹிட் திரைப்படத்தின் மூலம் தமிழ் திரையுலகில் ஒரு திருப்புமுனையை ஏற்படுத்திய அறிமுக இயக்குனர் அபிஷன் ஜீவிந்த், தற்போது ஒரு முழுநேர நடிகராக களமிறங்கவுள்ளதாக பரவலாக பேசப்படுகிறது.தமிழ் சினிமாவில் சமீபத்தில் வெளியான குறைந்த பட்ஜெட் படங்களில் பெரிய வெற்றியை கொடுத்த படம் தான் டூரிஸ்ட் ஃபேமிலி. சசிகுமார், சிம்ரன், எம்.எஸ்.பாஸ்கர், யோகிபாபு, ரமேஷ் திலக் உள்ளிட்ட பலர் நடித்திருந்த திரைப்படத்தில் ஒரு துயரமான இளைஞராக ஒரு சிறிய கேரக்டரில் நடித்து அசத்தியவர் தான் இந்த படத்தின் இயக்குனர் அபிஷன் ஜீவிந்த். சிறிய கேரக்டராக இருந்தாலும், ஒரு ஆழமான உணர்வுபூர்வமான தாக்கத்தை ஏற்படுத்தினார்.டூரிஸ்ட் ஃபேமிலி படத்தில் அவரின் நடிப்பு பலரின் பாராட்டுக்களை பெற்றிருந்த நிலையில், தற்போது, அவர் ஒரு படத்தில் முக்கிய கதாபாத்திரத்தில் நடிக்க தயாராகி வருவதாக தகவல்கள் தெரிவிக்கின்றன. அபிஷனின் இந்த புதிய முயற்சி, அவரது அதிகாரப்பூர்வ நடிப்புப் பயணத்தின் தொடக்கத்தைக் குறிக்கிறது. இந்த புதிய திரைப்படம், ‘டூரிஸ்ட் ஃபேமிலி’ படத்தில் உதவியாளராக பணியாற்றிய ஒருவர் இந்த படத்தை இயக்க உள்ளதாக தகவல் வெளியாகியுள்ளது.மேலும், திரைப்படத்தின் தலைப்பு ஆங்கிலத்தில் இருக்கும் என்றும், அனஸ்வரா ராஜன் கதாநாயகியாக நடிக்கலாம் என்றும் வதந்திகள் பரவி வரும் நிலையில், இதுவரை எந்த அதிகாரப்பூர்வ அறிவிப்புகளும் வெளியாகவில்லை. மே 1 அன்று வெளியான ‘டூரிஸ்ட் ஃபேமிலி’ திரைப்படம், அதன் இனிமையான கவர்ச்சியாலும், அசாதாரண வசூல் சாதனைகளாலும் பலரை ஆச்சரியப்படுத்தியது. படத்தில் சசிகுமாரின் இளைய மகன், கமலேஷ் நடித்த கதாபாத்திரம், உண்மையான நகைச்சுவை தருணங்களை வழங்குகிறது.மேலும் படத்தில் உண்மையான இலங்கை தமிழ் பேச்சுவழக்கின் பயன்பாடு அவர்களின் தொடர்புகளுக்கு ஒரு மதிப்புமிக்க யதார்த்தத்தை சேர்க்கிறது. இயக்குனர் இதற்கிடையில், அபிஷன் நடிக்கும் படத்தில், நாயகியாக நடிக்க உள்ளதாக கூறப்படும் அனஸ்வரா ராஜன் சமீபத்தில் மலையாள படமான ‘ரேகாசித்திரம்’ மூலம் தனது அசத்தலான நடிப்பால் பார்வையாளர்களை கவர்ந்திருந்தார் என்பது குறிப்பிடத்தக்கது.கோமாளி என்ற பெரிய வெற்றிப்படத்தின் மூலம் இயக்குனராக அறிமுகமான பிரதீப் ரங்கநாதன், அடுத்த படமான லவ்டுடே படத்தை இயக்கி நடித்து பெரிய வெற்றியை பெற்றார். அதனைத் தொடர்ந்து தற்போது நடிகராக பல படங்களை கைவசம் வைத்துள்ளார். அந்த வகையில் டூரிஸ்ட் ஃபேமிலி என்ற பெரிய வெற்றிப்படத்தை கொடுத்த இயக்குனர், தனது 2-வது படத்தில் நாயகனாக மாற உள்ளார். கோமாளி படத்திலும் பிரதீப் ரங்கநாதன் கெஸ்ட் ரோலில் நடித்திருப்பார்.