காமெடி நடிகர் கிங் காங் மகள் திருமணம் சிறப்பாக நடைபெற்றுள்ளது…! வைரலாகும் போட்டோஸ்…!

காமெடி நடிகர் கிங் காங் மகள் திருமணம் சிறப்பாக நடைபெற்றுள்ளது…! வைரலாகும் போட்டோஸ்…!

பிரபல காமெடி நடிகர் கிங் காங் மகள் கீர்த்தனாவின் திருமணம் இன்று காலை எளிமையாக, ஆன்மிக சூழலுடன் நடைபெற்றது. சென்னை பெசன்நகர் அருகிலுள்ள அறுபடை வீடு முருகன் கோயிலில் நடைபெற்ற இந்த திருமணத்தில், மணமகன் நவீனுடன் கீர்த்தனா திருமண உறவில் இணைந்தார்.தொடர்ந்து, திருமண வரவேற்பு விழா இன்று மாலை அசோக் பில்லரிலுள்ள எம்பிகே மஹாலில் நடைபெற உள்ளது. திரைத்துறையைச் சேர்ந்த பல பிரபலங்கள் இந்த விழாவில் கலந்துகொண்டு மணமக்கள் மற்றும் குடும்பத்தினரை வாழ்த்த இருக்கின்றனர். கிங் காங் என்கிற சங்கர், தமிழ் சினிமா ரசிகர்களுக்குப் பரிச்சயமான பெயர். சூப்பர் ஸ்டார் ரஜினிகாந்த் நடித்த ‘அதிசய பிறவி’ படத்தின் மூலம் திரையுலகில் அடையாளம் பெற்ற இவர், பின்னர் தமிழ், தெலுங்கு, கன்னடம், ஹிந்தி மற்றும் மலையாளம் என ஐந்து மொழிகளில் 300க்கும் மேற்பட்ட படங்களில் நடித்துள்ளார். காமெடி கதாப்பாத்திரங்களில் தனது தனி முத்திரையை பதித்த இவர், நடிகர் வடிவேலு, விவேக் உள்ளிட்ட பலரும் சேர்ந்து நடித்த காட்சிகள் இன்று வரை ரசிகர்களின் மனத்தில் இடம்பிடித்துள்ளார்.மேலும் சினிமா அனுபவங்களுடன், சமீபத்தில் ரஜினிகாந்த், சிவகார்த்திகேயன், உதயநிதி ஸ்டாலின் உள்ளிட்ட திரையுலக பிரபலங்களுக்கும் திருமண அழைப்பிதல் வழங்கியுள்ளார். மகளின் திருமணத்திற்கு அவர் எடுத்த முனைப்பும், நிகழ்ச்சியை எளிமையாக நடத்திய விதமும் அனைவராலும் பாராட்டப்பட்டு வருகிறது. இந்த செய்தியை அறிந்த ரசிகர்கள், சமூக ஊடகங்கள் வழியாக மணமக்களுக்கும் கிங் காங் குடும்பத்தினருக்கும் தங்களின் வாழ்த்துக்களைத் தெரிவித்துவருகின்றனர். ‘உங்கள் வாழ்க்கை இனிமையாய் அமைய வாழ்த்துகள்!’ என பலரும் வாழ்த்து தெரிவித்துள்ளனர்.திருமண நிகழ்ச்சியில் குடும்பத்தினர், நெருங்கிய உறவினர்கள் மற்றும் சில திரை பிரபலங்கள் மட்டுமே கலந்து கொண்டனர். இனிமையான, அமைதியான முறையில் நடைபெற்ற இந்த திருமணம், காமெடி நடிகர் கிங் காங் வாழ்க்கையில் ஒரு முக்கியமான நிகழ்வாக மாறியுள்ளது.